10 լավագույն միջոցները՝ ավշային համակարգը տոքսիններից ազատելու և դրա աշխատանքը վերականգնելու համար

Մարդու առողջության համար ամենակարևոր պրոցեդուրաներից մեկն օրգանիզմը տոքսիններից մաքրելն է: Օրգանիզմում կան բազմաթիվ համակարգեր, օրգաններ ու գեղձեր, որոնք պատասխանատու են տոքսինների ոչնչացման համար, սակայն դրանցից շատերը խցանվում են և չեն կարողանում ինչպես հարկն է կատարել իրենց գործառույթները:

Ավշային համակարգը համարվում է ամենակարևորներից մեկը և օգնում է ազատել օրգանիզմը տոքսիններից, սակայն այն շատերի մոտ չի աշխատում ինչպես հարկն է:

Այս համակարգը բաղկացած է ավշային հանգույցներից, գեղձերից, փայծաղից, նշագեղձերից ու ուրցագեղձից և կազմում է իմունային ու արյան շրջանառության համակարգերի մասը:

Ավշային համակարգի աշխատանքի խանգարմանը կարող են նպաստել բազմաթիվ գործոններ (սննդարար նյութերի պակաս, վերամշակված սննդամթերքի չարաշահում, ակտիվության պակաս և այլն):

Ախտանշաններ, որոնք վկայում են, որ ավշային համակարգը հարկավոր է շտապ մաքրել.

·         մարսողության խանգարում,

·         հաճախակի առաջացող գլխացավեր,

·         սինուսային վարակներ,

·         ավելորդ քաշ,

·         քրոնիկ հոգնածություն,

·         արթրիտ,

·         մաշկային հիվանդություններ:

Ձեր ուշադրությանն ենք ներկայացնում 10 միջոց, որոնք կօգնեն ավշային համակարգը տոքսիններից ազատելու և դրա աշխատանքը վերականգնելու համար անհրաժեշտ հոսք ստեղծել:

1.    Ֆիզիկական ակտիվություն

Առողջ ավշային համակարգ ունենալու համար առաջին հերթին հարկավոր է պարբերաբար ֆիզիկական վարժություններ կատարել: Կարելի է սկսել մի քանի պարզ վարժությունից և օրեցօր մեծացնել ծանրաբեռնվածությունը: Փոքրիկ բատուտի վրա ցատկեր կատարելը համարվում է լավագույն վարժություններից մեկը ավշային համակարգի համար:

2.    Բուժման այլընտրանքային մեթոդներ

Ավշային համակարգի դետոքսիկացիայի ամենատարածված ու պարզ միջոցներից մեկը ավշային դրենաժային մերսումն է: Այն բարելավում է ավշի շրջանառությունը և օգնում է հեռացնել բջիջներից ավելորդ հեղուկը, ճարպերն ու տոքսինները: Բուժման մեկ այլ արդյունավետ տեսակ է նաև ասեղնաբուժությունը:

3.    Տաք ու սառը ցնցուղ

Տաք ջրի շնորհիվ արյունատար անոթները լայնանում են, մինչդեռ սառը ջուրը կրկին նեղացնում է դրանք՝ դրանով իսկ նպաստելով օրգանիզմում կուտակված հեղուկի դուրս մղմանը: Սակայն կոնտրաստային ցնցուղը հակացուցված է հղիներին և սրտանոթային հիվանդություններով տառապողներին:

4.    Չոր մաքրում

Հարկավոր է խոզանակով մոտ 10 րոպե շրջանաձև շարժումներով մերսել մաշկը: Էլ ավելի լավ արդյունքի հասնելու համար հարկավոր է չոր մաքրման հետ մեկտեղ ընդունել նաև կոնտրաստային ցնցուղ:

5.    Խմել մաքուր ջուր

Խորհուրդ է տրվում ամեն օր մարմնի զանգվածի կեսին համարժեք ունցիա ջուր խմել (օրինակ՝ 160 ֆունտի դեպքում 80 ունցիա ջուր): Բացի այդ հարկավոր է մի քանի բաժակ կիտրոնով ջուր խմել:

6.    Խուսափել կիպ հագուստից

Կիպ հագուստը կարող է վնասակար լինել ավշային համակարգի համար, քանի որ այն արգելակում ավշի հոսքն ու նպաստում տոքսինների կուտակմանը:

7.    Խորը շնչել

Մարդու օրգանիզմում 3 անգամ ավելի շատ ավշային հեղուկ կա, քան արյուն: Ընդ որում՝ չկա օրգան, որը կնպաստի դրա շրջանառությանը: Խորը շնչառությունը կօգնի տոքսինները տեղափոխել արյան մեջ, մինչ լյարդը կմաքրի օրգանիզմն այդ վնասակար նյութերից:

8.    Ուտել մթերք, որը կնպաստի ավշի հոսքին

Մարդը կարող է նպաստել ավշային համակարգի առողջությանը՝ սննդարար նյութերով հարուստ մթերք օգտագործելով.

·         շաքարի քիչ պարունակությամբ մթերք,

·         կտավատի սերմեր,

·         կանաչ տերևավոր բանջարեղեն,

·         ավոկադո,

·         չիա սերմեր,

·         նուշ,

·         սխտոր,

·         լորամիրգ,

·         հունական ընկույզ,

·         բրազիլական ընկույզ:

9.    Հարկավոր է խուսափել ավշային համակարգի խցանումներ առաջացնող սննդամթերքից.

Նման սննդամթերի շարքին են դասվում.

·         արհեստական քաղցրացուցիչները,

·         վերամշակված կաթնամթերքը,

·         վերամշակված սննդամթերքը,

·         սոյայից պատրաստված սննդամթերքը,

·         շաքարավազը և շաքարավազով հարուստ մթերքը,

·         կերակրի աղը:

10. Կարելի է նաև պատրաստել խոտաբույսային թեյեր, որոնք կխթանեն ավշի հոսքը

Թեյի համար հիանալի հումք կարող են դառնալ.

·         գազը (կռնի, астрагал)

·         մաղադանոսը,

·         էխինացեան,

·         խնկունին և ուրցը:

Նյութի աղբյուրը՝ naturalcuresandhomeremedies.com