Բանջարեղեն, որը կօգնի վերականգնել տեսողությունը, կմաքրի լյարդն ու հաստ աղիքը

10:55 • 31.03.17

Առողջությունը պահպանելն այդքան էլ հեշտ չէ, քանի որ ժամանակի ընթացքում օրգանների և օրգանիզմի գործառույթների վիճակը վատանում է, ինչը հանգեցնում է այնպիսի խնդիրների, ինչպիսին են՝ տեսողության կորուստը կամ հաստ աղիքի անանցանելիությունը: Երբեմն լյարդում կարող է չափազանց մեծ քանակությամբ ճարպ կուտակվել, ինչն առաջացնում է բազմաթիվ խնդիրներ, որոնք, անշուշտ, ազդում են առողջական վիճակի վրա: Սակայն կա մի բնական միջոց՝ ճակնդեղը, որը կօգնի հաղթահարել այս խնդիրը:

Ճակնդեղը բանջարեղեն է, որը հիմնականում օգտագործվում է հում վիճակում կամ աղցանների մեջ: Քչերը գիտեն, սակայն ճակնդեղն անչափ առողջարար է: Օրինակ՝ օգնում է դուրս բերել ճարպը լյարդից, կանխել հաստ աղիքի անանցանելիությունը, վերականգնել տեսողությունը և այլն:

Ճակնդեղի օգտակար հատկությունները

Ճակնդեղը բարելավում է արյան շրջանառությունը և ամրապնդում սրտանոթային համակարգը: Այն նաև ապահովում է օրգանիմն օրվա ընթացքում անհրաժեշտ էներգիայի քանակությամբ: Այս բանջարեղենը պարունակում է բետաին և տրիպտոֆան՝ շատ հազվադեպ հանդիպող նյութեր, որոնք հանգստացնում են նյարդերն ու պայքարում սթրեսի դեմ: Բացի այդ, Ճակնդեղի հակաբորբոքային հատկություններն ու դրանում պարունակվող հակաօքսիդանտներն օգնում են պայքարել ազատ ռադիկալների դեմ և բարելավում են օրգանիզմի վիճակը:

Ձեր ուշադրությանն ենք ներկայացնում մի համեղ ու սննդարար աղցանի բաղադրատոմս, որը կարելի է ուտել ամեն օր՝ առողջական վիճակը բարելավելու համար:

Բաղադրությունը.

· 2-3 ճակնդեղ,

· 2 հատ սոխ,

· թույլ զտված ձիթայուղ,

· քացախ,

· աղ՝ ըստ ճաշակի:

Պատրաստման եղանակը.

1. Մաքրել ճակնդեղը և եփել այն մի պտղունց աղով ջրի մեջ:

2. Ճակնդեղն ու սոխը կտրատել և խառնել, այնուհետև ավելացնել ձիթայուղն ու աղը:

3. Համեմել աղցանը մի փոքր քացախով, թողնել մեկ ժամ և մատուցել սեղանին:

Այս համեղ ու առողջարար աղցանը կմաքրի հաստ աղիքն ու լյարդը և կբարելավի տեսողությունը: