Անոթային հիվանդությունների բուժմանն ու դրանց առողջությանը նպաստող 6 բաղադրատոմս

Էկոլոգիան, նստակյաց ապրելակերպը, սթրեսն ու վատ սովորությունները (ծխելը, ալկոհոլը և այլն) հանդիսանում են անոթային հիվանդությունների առաջացման հիմնական պատճառները: 

Արյունատար անոթների հիվանդությունները մեր դարի ամենավտանգավոր հիվանդություններից են, որոնք հաճախ զրկում են մարդուն շարժվելու և մարդկանց հետ շփվելու կարողությունից: 

Օրգանիզմի նորմալ գործունեության համար անհրաժեշտ է անոթային համակարգի ճիշտ աշխատանք և եթե դրա գործունեությունը խանգարվում է, առաջանում են տարբեր հիվանդություններ: 

Արյունատար անոթների և սրտի անխափան աշխատանքն ապահովում են օրգանիզմի ողջ գործունեությունը, ուստի շատ կարևոր է հետևել արյան մաքրությանն ու անոթների վրճակին: Այս հարցում կօգնեն ժողովրդական բուսաբույժների խորհուրդները:

Անոթների առողջության բարելավման համար օգտակար է.

· Ընդունել օրական 3 անգամ մեկ ճաշի գդալ ճակնդեղի հյութ` խառնած մեղրի հետ` հավասար չափաբաժնով:

· 1 ճաշի գդալ մանրացրած մասուրի պտուղները ամբողջ գիշեր թրմել թերմոսի մեջ` 2 բաժակ եռման ջրով: Առավոտյան քամել, ստացված հեղուկը սառեցնել և ավելացնել մեկ ճաշի գդալ մեղր: Թույլ սրտամկանի դեպքում ընդունել այս թուրմը օրական 3 անգամ, 1/3 բաժակ ուտելուց առաջ:

·  Խառնել 1 բաժակ կարմիր ճակնդեղի հյութը, 1 բաժակ ծովաբողկի հյութը, 1 կիտրոնի հյութը և 1 բաժակ մեղրը: Ստացված ըմպելիքն ընդունել օրական մեկ անգամ, 3 ճաշի գդալ` քնելուց առաջ, 2 ամիս շարունակ:

·  Պատրաստել մեղրի և սոխի հյութի խառնուրդ(հավասար չափաբաժիններով): Ընդունել օրական 3 անգամ, մեկ ճաշի գդալ ուտելուց 1 ժամ առաջ կամ ուտելուց 3 ժամ հետո: Բուժման կուրսը տևում է 3 ամիս, սակայն մեկ ամիս անց անհրաժեշտ է ընդմիջել` 2 շաբաթ տևողությամբ: Այս բաղադրատոմսը խորհուրդ է տրվում աթերոսկլերոզի բուժման և կանխարգելման համար:

· Մեկ բաժակ մաքրված և քերիչով մանրացված սխտորը քառնել 1,5 բաժակ հեղուկ մեղրին և թրմել 7-10 օր: Ընդունել օրական 3 անգամ, 1 ճաշի գդալ` ուտելուց 40 րոպե առաջ` 2-3 ամսվա ընթացքում: Այս բաղադրատոմսը խորհուրդ է տրվում օգտագործել նաև ոտքերի անոթային հիվանդությունների դեպքում:

· Սրտի իշեմիկ հիվանդության դեպքում, պաատրաստել մեկ բաժակ մասուրի հյութի և մեկ բաժակ մեղրի խառնուրդ ու օգտագործել այն օրական 3 անգամ, մեկ թեյի գդալ` ուտելուց 30 րոպե առաջ: Մասուրի հյութը կարելի է նաև փոխարինել մասուրի թուրմով:

Նյութի աղբյուրը՝ trental.ru