Ժողովրդական միջոցներ, որոնց օգնությամբ հնարավոր է բուժել կրծքագեղձի կիստան

21:30 • 30.04.17

Կրծքագեղձի կիստան վերարտադրողական տարիքի կանանց մոտ հանդիպող բարորակ գոյացություն է, որն իրենից ներկայացնում է հեղուկով լցված «պղպջակ»։ Դրա չափերը կարող են լինել շատ տարբեր՝ մեկ միլիմետրից մինչև մի քանի սանտիմետր։ Բացի այդ, կիստան կարող է լինել մեկ հատ կամ մի քանիսը։

Կրծքագեղձի կիստան կարող է պայմանավորված լինել հորմոնալ խանգարումներով, այդ հատվածի վնասվածքով կամ վիրահատությամբ, մաստոպաթիայով, սթրեսով և այլն։ Վտանգի գոտում են նաև այն կանայք, ովքեր չեն ծննդաբերել մինչև 30 տարեկանը։

Կիստան շատ հազվադեպ է վերածվում չարորակ գոյացության, սակայն մաստոպաթիայի և հորմոնալ դիսբալանսի դեպքում կրծքագեղձի քաղցկեղի առաջացման հավանականությունը բարձրանում է։ Կիստան առանձնապես վտանգավոր չէ, սակայն սա չի նշանակում, որ այն պետք չէ բուժել։

Ինչպես բուժել կիստան

Կիստայի բուժումը կարելի է իրականացնել միայն հստակ ախտորոշումից ու մամոլոգի հետ խորհրդակցելուց հետո։

Մանր կիստաները (և՛ մեկ հատը, և՛ մի քանիսը), որոնք չեն գերազանցում 15 մմ-ը, որպես կանոն բուժում են ներծծող միջոցների, հակաբորբոքայինների, վիտամինային հավելումների ու հորմոնալ դեղամիջոցների միջոցով։ Բացի այդ, այս դեպքում կարող է օգնել նաև ժողովրդական բժշկությունը։

Ձեզ ենք ներկայացնում մի բնական ըմպելիք, որը նպաստում է կիստայի արագ ներծծմանը։ Անհրաժեշտ է խառնել 100 մլ հալվեի հյութն ու 100 մլ գազարի հյութը, ստացված խառնուրդը բաժանել 3 հավասար մասի, որոնք հարկավոր է ընդունել օրվա ընթացքում՝ ուտելուց 30 րոպե առաջ։

Բացի այդ, շատ արդյունավետ է նաև գիշերը կրծքին կաղամբի տերև դնելը։ Սովորաբար ժողովրդական միջոցները հիանալի լրացում են ավանդական թերապիաներին և դրանց համադրությունը տալիս է հրաշալի արդյունք։

Նյութի աղբյուրը՝ takprosto.cc