Ինչպես բուժել հեշտոցային սնկային վարակները տնային պայմաններում

Հեշտոցային սնկային վարակներն ի հայտ են գալիս, երբ սնկերը, որոնք սովորաբար գտնվում են հեշտոցում, որոշ պահի դառնում են անվերահսկելի և սկսում են արագ բազմանալ: Այս խնդիրը շատ տարածված է ամբողջ աշխարհում, սակայն դրա բուժման համար պարտադիր չէ դիմել հակաբիոտիկների օգնությանը, քանի որ սնկային վարակը կարելի է բուժել նաև բնական ճանապարհով:

Հեշտոցային սնկային վարակների առաջացման պատճառները

Սնկային վարակները սովորաբար պայմանավորված են լինում Candida Albicans-ով, որը սնկերի որոշակի տեսակ է: Հեշտոցում կա Lactobacillus ացիդոֆիլին՝ բակտերիա, որն օգնում է կարգավորել հեշտոցում «բնակվող» մյուս միկրոօրգանիզմների աճը, որոնցից մեկն էլ Candida Albicans-ն է: Հակաբիոտիկները խանգարում են սնկերի դեմ բակտերիաների բնական պայքարը, ինչի հետևանքով հեշտոցն ավելի զգայուն է դառնում սնկային վարակների աճի հանդեպ:

Հղիությունն ու հորմոնալ թերապիաները նույնպես կարող են օրգանիզմում էստրոգենի մակարդակի դիսբալանսներ առաջացնել, ինչը հանգեցնում է սնկային վարակների ի հայտ գալու հավանականության աճին:

Ձեր ուշադրությանն ենք ներկայացնում սնկային վարակների բուժման մի քանի ժողովրդական միջոց:

Սխտոր

Սխտորն օժտված է հիանալի հակասնկային ու հակաբորբոքային հատկություններով: Կարելի է օգտագործել ավելի շատ սխտոր կամ քամել դրա հյութն ու օգտագործել որպես տեղային միջոց: Էլ ավելի լավ արդյունքի հասնելու համար կարելի է սխտորի հյութահանուկը խառնել կոկոսյան ընկույզի յուղին և օգտագործել այն վիտամին E-ի հետ:

Խնկունու թեյ (розмариновый чай)

Այս թեյը կօգնի ազատվել այրոցի ու քորի զգացողությունից, որոնք առաջանում են սնկային վարակների դեպքում: Խնդիրն ամբողջությամբ լուծելու համար հարկավոր է օրական խմել առնվազն 4 բաժակ խնկունու թեյ:

Բացի այդ, սնկային վարակներից ազատվելու համար կարելի է նաև օրական 4-5 անգամ հապալասի օրգանական հյութ խմել:

Եթերայուղեր

Պարզապես կարելի է թրջել տամպոնը թեյի ծառի յուղի մեջ և 2-3 ժամով տեղադրել այն հեշտոցում: Առավել լավ արդյունքի հասնելու համար հարկավոր է կրկնել այս պրոցեդուրան օրական երկու անգամ: Բացի այդ, կարելի է օգտագործել նաև կոկոսյան ընկույզի յուղ, որն օժտված է հիանալի հակաբակտերիալ հատկություններով: Այն կարելի է օգտագործել ինչպես տեղային, այնպես էլ դեղապատիճների տեսքով: Մի քանի շաբաթ օրական երկու դեղապատիճ օգտագործելու դեպքում կարելի է ամբողջությամբ ազատվել սնկային վարակից:

Վաղենակ

Վաղենակը նույնպես օժտված է հակաբորբոքային ու հակասնկային հատկություններով: Հարկավոր է տրորել վաղենակի տերևները և դնել դրանք ախտահարված հատվածներից: Սակայն հարկ է հիշել, որ բուժման այս մեթոդը հակացուցված է հղիության դեպքում:

Խնձորի քացախ

Սնկային վարակից արագ ազատվելու համար կարելի է լոգանքի տաք ջրին ավելացնել մեկ բաժակ խնձորի քացախ և օրական 30 րոպե լոգանք ընդունել:

Նյութի աղբյուրը՝ timefornaturalhealthcare.com