Լավագույն ժողովրդական միջոցները, որոնք կօգնեն բուժել մաստոպաթիան

Մաստոպաթիան շատ տարածված հիվանդություն է 30 տարեկանից բարձր այն կանանց շրջանում, որոնք հղիությունից հետո երեխային կրծքով են կերակրել կամ որոնց մոտ կան հորմոնալ խանգարումներ: Հաճախ կանանց թվում է՝ մաստոպաթիան կարելի է չբուժել, քանի որ նորագոյացությունները պարզապես ժամանակի ընթացքում կանհետանան: Սակայն բժիշկները վստահեցնում են, որ այս հիվանդությունը ոչ մի դեպքում չի կարելի անուշադրության մատնել, այլապես այն կարող է վերածվել չարորակ ուռուցքի:

Մաստոպաթիան բնորոշվում է գրծքագեղձի հյուսվածքների գերաճով: Այս հիվանդությունն ընթանում է մի քանի փուլով, որոնցից առաջինը դիֆուզ մաստոպաթիան է: Մաստոպաթիայի այս փուլին բնորոշ է փոքրիկ գնդիկների առաջացումը, որոնք կարող են տարածվել ամբողջ կրծքագեղձով մեկ: Այս փուլի ախտանշանները թույլ են արտահայտվում: Կարող է նկատվել ոչ ուժեղ ցավ (հատկապես դաշտանից առաջ) և կրծքի վերին հատվածում ի հայտ եկող ու անհետացող գնդիկներ:

Կանայք հաճախ ուշադրություն չեն դարձնում այս ախտանշաններին, ինչի հետևանքով հիվանդությունը տարածվում է և առաջանում են հանգույցներ, որոնք չափերով կարող են հասնել հունական ընկույզին: Այս դեպքում արդեն ախտանշաններն ակնհայտ են լինում: Նկատվում են ուժգին ցավեր, որոնք չեն անցնում դաշտանից հետո, ինչպես նաև արյունոտ արտադրություն պտուկներից: Բացի այդ, նորագոյացություններն արդեն դառնում են ակնհայտ շոշափելի:

Մաստոպաթիայի բուժուման համար ամենահարմար փուլը դիֆուզ մաստոպաթիայի փուլն է: Բացի այդ, տարբերվում է ևս երեք փուլ, որոնք առաջանում են հիվանդության զարգացման ընթացքում (ֆիբրոզ, կիստոզ և ֆիբրոզ-կիստոզ մաստոպաթիաներ):

Մաստոպաթիայի բուժումը

Մաստոպաթիան բուժում են տարբեր մեթոդներով.

·        Դեղորայքային,

·        Վիրահատական,

·        Ժողովրդական միջոցներով:

Ձեր ուշադրությանն ենք ներկայացնում լավագույն ժողովրդական միջոցները, որոնք կօգնեն առանց դեղորայքային կամ վիրահատական միջամտության բուժել մաստոպաթիան:

Ակնամոմի թուրմ

Այս թուրմը շատ արդյունավետ է մաստոպաթիայի բուժման համար: Այն շատ տարածված է և կարելի է գնել ցանկացած դեղատնից: Թուրմը հարկավոր է ընդունել օրական երկու անգամ՝ մեկական թեյի գդալ: Թուրմն ընդունելիս այն հարկավոր է լուծել 100 մլ գոլ ջրի մեջ:

Կռատուկի (лопух) արմատների թուրմ

Կռատուկի արմատների թուրմը նույնպես շատ արդյունավետ է մաստոպաթիայի դեպքում: Թուրմը ցանկալի է պատրաստել թարմ արմատներով, սակայն կարելի է օգտագործել նաև չորացրած արմատները: Հարկավոր է 30 գրամ հումքին ավելացնել եռման ջուր, 12 ժամ թրմել, այնուհետև քամել և ընդունել 1 ճ.գ. ուտելուց առաջ:

Կարտոֆիլի ծաղիկների թուրմ

Ժողովրդական բժշկության մեջ ֆիբրոզ-կիստոզ մաստոպաթիայի բուժման ամենատարածված եղանակներից մեկը կարտոֆիլի ծաղիկներն են (թարմ կամ չորացրած): Հարկավոր է 1 թ.գ. ծաղիկներին ավելացնել 1 բաժակ եռման ջուր և թրմել: Թուրմն ընդունել ուտելու ընթացքում մեկական ճաշի գդալ:

Գայլուկի (хмель) կոների թուրմ

Եթե մաստոպաթիայի ընթացքում պտուկներից արտադրություն է նկատվում, ապա կարելի է օգտագործել գայլուկի կոների թուրմը:15-20 հատ կոնը մաքրել, ավելացնել կես լիտր եռման ջուր, փաթաթել տաք կտորով և թրմել երկու ժամ: Թուրմը քամել և ընդունել ուտելուց առաջ մեկական ճաշի գդալ:

Հյութերի խառնուրդ

Բաղադրությունը.

·        250 մլ գազարի հյութ,

·        250 մլ բողկի հյութ,

·        50 մլ ճակնդեղի հյութ,

·        250 մլ կիտրոնի հյութ,

·        250 մլ կագոր գինի,

·        50 մլ սխտորի հյութ,

·        100 գրամ մեղր:

Հարկավոր է բոլոր բաղադրիչները լավ խառնել, լցնել տարրայի մեջ, ամուր փակել կափարիչը և դնել սառնարան: Ընդունել ուտելուց առաջ մեկական ճաշի գդալ: Դեղամիջոցն ընդունել մինչև այն ավարտվի, այնուհետև 30 օր տևողությամբ դադար անել և շարունակել նույն սխեմայով:

Ընկույզի միջուկի թաղանթով և մեղրով թուրմ

Թուրմը պատրաստելու համար հարկավոր է.

·        2 կգ ընկույզ (միայն միջուկների թաղանթները),

·        50 գրամ կեչու չոր բողբոջներ,

·        1 ճ.գ. չոր տերեփուկ (золототысячник),

·        250 մլ հեղուկ մեղր,

·        250 մլ հալվեի հյութ,

·        0.5 լիտր օղի:

Բոլոր բաղադրիչները խառնել, ավելացնել օղին, ամուր փակել կափարիչով և 14 օր թրմել մութ վայրում: Ընդունել թուրմն օրական երեք անգամ մեկական գդալ: Կուրսն ավարտելուց հետո հարկավոր է 3 ամիս տևողությամբ դադար անել, այնուհետև կրկնել կուրսը:

Մաստոպաթիայի բուժումն աղաջրով

Աղաջրով կոմպրեսներն արագ մեղմում են ցավը և ժամանակի ընթացքում բուժում են ֆիբրոզ և կիստոզ մաստոպաթիաները: Նախ հարկավոր է 1 լիտր ջրում լուծել 100 գրամ աղը, այնուհետև մաքուր բամբակյա սրբիչը թրջել այդ լուծույթով և դնել կրծքին: Կոմպրեսը կարելի է թողնել ամբողջ գիշեր: Բուժման կուրսը տևում է 14 օր:

Կաղամբով կոմպրես

Շատերը գիտեն այս մեթոդի արդյունավետության մասին, սակայն շատ հաճախ սխալ են այն կիրառում, քանի որ չգիտեն կոմպրեսը դնելու ճիշտ ձևը: Հարկավոր է մաքուր կաղամբի տերևի վրայից կտրել կոշտ հատվածները, դանակով դրա մակերևույթին «ցանց» անել, դնել կրծքին և ամրացնել կրծկալով: Այս կոմպրեսը հարկավոր է թողնել ամբողջ օրը:

Կտավատի սերմերի յուղ

Կտավատի սերմերի յուղը նույնպես շատ արդյունավետ միջոց է մաստոպաթիայից ազատվելու համար: Այն կարելի է քսել մաշկին կամ օգտագործել կոմպրեսների տեսքով: Տհաճ զգացողություններից խուսափելու համար յուղը հարկավոր է մի փոքր տաքացնել:

Հակաբեղմնավորիչ դեղահաբեր

Մաստոպաթիայի դեղորայքային բուժումն իրականացվում է հորմոնալ դեղամիջոցների միջոցով, իսկ բոլոր օրալ հակաբեղմնավորիչները հորմոնալ են, ուստի շատերը համարում են, որ դրանք կօգնեն բուժել նաև մաստոպաթիան: Սակայն բուժման այս մեթոդին նախապատվությունը տալիս հարկ է հիշել, որ ոչ մի դեպքում չի կարելի զբաղբվել ինքնաբուժությամբ, քանի որ հորմոնալ խանգարումը պետք է ախտորոշի միայն համապատասխան մասնագետը:

Նյութի աղբյուրը՝ ogormone.ru