Ինչպես բուժել վահանագեղձի հիվանդությունները սաթի, փիրուզի և մարգարիտի օգնությամբ

Վահանաձև գեղձի հիվանդությունները շատ ավելի հաճախ ի հայտ են գալիս կանանց մոտ և հենս սա է պատճառը, որ հաճախ դասվում են կանանց բնորոշ հիվանդությունների շարքին: Շատերը կարծում են, որ այդ հիվանդությունների պատճառով վահանագեղձում կարող են քարեր առաջանալ, սակայն իրականում դա այդպես չէ: Կան քարերի որոշ տեսակներ, որոնք կիրառվում են վահանաձև գեղձի հիվանդությունների բուժման ժամանակ:

Բուժիչ քարեր

Լիտոթերապիան հիվանդությունների բուժումն է քարերի օգնությամբ: Սակայն ոչ բոլոր քարերն են օժտված նման հատկություններով: Բացի այդ, յուրաքանչյուր օրգանի և հիվանդության համար գոյություն ունեն սահմանված բուժիչ քարեր, որոնցով էլ իրականացվում է թերապիան:

Վահանաձև գեղձի բուժման համար, օրինակ, օգտագործվում են ագաթը, դեղին ապատիտները, փիրուզը, կորալները, սադիոնը,սաթը և մարգարիտը: Այս քարերից յուրաքանրժչյուրն ունի օգտագործման իր եղանակը և տարբեր կերպ է ազդում գեղձի վրա:

Ձեր ուշադրությանն ենք ներկայացնում դրանցից ամենատարածվածները.

Բուժում սաթով

Այս քարի բուժիչ հատկությունների մասին խոսել է նույնիսկ Հիպոկրատը: Ժամանակին այն օգտագործվել է բացասական էներգիայից ազատվելու համար, իսկ այժմ դրա ազդեցությունն ապացուցված է գիտականորեն: Այն պարունակում է մեծ քանակությամբ սաթաթթվի աղեր, որոնք նպաստում են այտույցների բուժմանն ու բորբոքային գործընթացների դադարեցմանը:

ԱՄՆ-ում ներզատաբանները հիվանդներին խորհուրդ են տալիս սաթ կրել: Բուժումն իրականացվում է մի քանի եղանակով, որոնցից ամենապարզը սաթե վզնոց կրելն է:

Մեծացած վահանագեղձի բուժման համար հիվանդներն այցելում են սաթե սենյակներ, ինչպես նաև ընդունում «սաթե լոգանք»: Բացի այդ, կիրառվում են նաև սաթ պարունակող անկողնային պարագաներ, ինհալատորներ, մերսման սարքեր և ասեղնաբուժության ասեղներ, սակայն նման դեպքերում կան հակացուցումներ:

Վահանաձև գեղձի բորբոքման դեպքում մերսումներն արգելված են: Բացի այդ, չի կարելի նաև տաքացնել քարը և դնել պարանոցին:

Բուժում փիրուզով

Այս հանքաքարը դրական ազդեցություն է ունենում կենտրոնական նյարդային համակարգի, ներզատական գեղձերի և օրգանիզմի նյութափոխանակության վրա: Սակայն քարն ընտրելիս հարկավոր է շատ զգույշ լինել՝ կեղծիքից (պլաստիկ, ապակի կամ այլ քարեր) խուսափելու համար: Պետք է հաշվի առնել, որ բնական հանքաքարը բավական թանկարժեք է, սակայն այն շատ հազվադեպն է հանդիպում և օժտված է աննկարագրելի բուժիչ հատկություններով, ուստի կարելի է և չխնայել գումարը:

Փիրուզը կիրառվում է դեպրեսիաների, անտարբերության, անքնության, դաշտանադադարի առաջացրած տհաճ զգացողությունների, օնկոլոգիական հիվանդությունների, ինչպես նաև աղեստամոքսային համակարգի աշխատանքի խանգարումների դեպքում:

Փիրուզով ապարանջաններն ու վզնոցները խորհուրդ է տրվում կրել անընդհատ և հանել միայն ջրային պրոցեդուրաների ժամանակ:

Կորալներով բուժում

Կորալները հարուստ են սելենի աղերով, իսկ սելենը տարր է, որը, ինչպես և յոդը, հարկավոր է վահանաձև գեղձի ճիշտ աշխատանքի համար: Սա է պատճառը, որ կորալներն օգտագործվում են ինչպես զարդերի տեսքով, այնպես էլ մանրացրած վիճակում:

Շատ տարածված է փոշիացրած կալցիումի և կորալի խառնուրդը, որը հարկավոր է ընդունել օրական երկու անգամ՝ 5-7 գրամ: Այս թերապիան կարելի է անցկացնել ինտենսիվ բուժումից հետո՝ գեղձի աշխատանքն ու հորմոնի արտադրությունը վերականգնելու համար:

Մարգարիտով բուժում

Այս հազվագյուտ քարը շատ թանկարժեք է, ուստի հազվադեպ է կիրառվում, սակայն հնարավորության դեպքում այն կարելի է օգտագործել մի շարք ախտանշանների և հիվանդությունների բուժման համար:

Վահանաձև գեղձի հիպերֆունկցիայի դեպքում խորհուրդ է տրվում երեկոյան ջուրն ու մարգարիտը թրմել, իսկ առավոտյան խմել բուժիչ ջուրը: Մարգարիտով վզնոցը ոչ միայն բուժում է վահանագեղձի բորբոքումը, այլև ազատում է միգրենից, կարգավորում է արյան ճնշումը և իջեցնում է մարմնի ջերմաստիճանը տենդի ժամանակ:

Մարգարիտը պարունակում է տոքսիններն օրգանիզմից դուրս բերող սորբենտներ, ուստի մարգարիտով բիոհավելումներն օգտագործվում են լյարդի և երիկամների մաքրման համար:

Հիպերթիրեոզի ժամանակ թունավոր ազդեցությունը պայմանավորված է լինում հորմոնների ավելցուկով, ուստի այս հավելումները կօգնեն նվազեցնել նաև այդ ազդեցությունը:

Նյութի աղբյուրը՝ ogormone.ru