Կերակրի սոդան կօգնի ազատվել աչքերի տակի մուգ շրջանակներից. բաղադրատոմս

16:26 • 17.05.17

Աչքերի տակ առաջացող մուգ շրջանակները ծանոթ են բոլորին՝ անկախ տարիքից: Չնայած, որ սա շատ տարածված երևույթ է, մարդիկ միշտ փորձում են ազատվել դրանցից կամ որևէ կերպ քողարկել:

Գոյություն ունեն բազմաթիվ կոսմետիկ միջոցներ, որոնք, իբրև թե, օգնում են ազատվել այս խնդրից, սակայն դրանցից ոչ բոլորն են արդյունավետ, իսկ արդյունավետներն էլ վնասակար են առողջության համար:

Աչքերի տակ առաջացող մուգ շրջանակները կարող են պայմանավորված լինել.

· ալերգիաներով,

· էկզեմայով,

· կոնտակտային դերմատիտով,

· հոգնածությամբ,

· ժառանգական հակվածությամբ,

· պիգմենտացիայի խանգարմամբ,

· արյան ու ավշի շրջանառության խանգարմամբ,

· օրգանիզմի ջրազրկումով:

Սակայն այս խնդրից կարելի է ազատվել հասարակ կերակրի սոդայի օգնությամբ:

Կերակրի սոդան բնական շերտազատող միջոց է, որը նպաստում է արյան շրջանառության բարելավմանը, երբ կիրառվում է որպես մերսող միջոց: Այս պրոցեդուրան նման է չոր մաքրմանը, քանի որ այս եղանակով մաշկի շերտազատումը նպաստում է բջիջների թարմացմանը:

Բաղադրությունը.

· 1 ոչ մեծ բաժակ տաք ջուր կամ երիցուկի թուրմ,

· 1 թ.գ. կերակրի սոդա:

Պատրաստման եղանակը.

· Հարկավոր է լավ խառնել բաղադրիչները, մինչև ստացվի համասեռ մածուկ:

· Բամբակյա սկավառակները թրջել ստացված խառնուրդով և դնել աչքերի տակ:

· 2-5 րոպե զգուշորեն մերսել մաշկը և թողնել թրջոցները ևս 10-15 րոպե:

· Լվանալ մաշկը սառը ջրով և չորացնել մաքուր սրբիչով:

· Պրոցեդուրայից հետո մաշկը հարկավոր է խոնավեցնել կոկոսյան ընկույզի յուղով կամ որևէ խոնավեցնեղ նրբաքսուքով:

Այս խառնուրդը կարելի է նաև սառեցնել, իսկ առավոտյան քսել մաշկին, մինչև այն տաքանա: Այս պրոցեդուրան կօգնի ազատվել այտույցներից և կթարմացնի մաշկը:

Բացի այդ, հարկ է հիշել, որ մուգ շրջանակները կարող են առաջանալ օրգանիզմի ջրազրկման ու հոգնածության հետևանքով, ուստի առողջ, թարմ ու գեղեցիկ մաշկ ունենալու համար անհրաժեշտ է օրվա ընթացքում բավարար քանակությամբ ջուր խմել և կարգավորել քունը:

Նյութի աղբյուրը՝ dailyhealthpost.com