Առողջական ինչ խնդիրների դեպքում են օգտագործվում աղաջրով վիրակապերը

Աղը բոլորի համար հասարակ համեմունք է, որն օգտագործվում է սնունդ պատրաստելիս: Առանց աղի սնունդը շատերի համար համեղ չի լինում, իսկ աղի չարաշահումն էլ համարվում է խիստ վնասակար օրգանիզմի համար: Սակայն քչերը գիտեն, որ աղն այդքան էլ վտանգավոր չէ և օժտված է բազում օգտակար հատկություններով:

Աղաջուրն ակտիվ սորբենտ է: Այս լուծույթով վիրակապը ախտահարված հատվածին դնելու դեպքում կլանում է տհաճ զգացողությունների պատճառ հանդիսացող նյութերը: Սակայն հարկավոր է ընտրել այնպիսի կտոր, որը «շնչող» կլինի:

Հարկ է նշել, որ աղաջրով վիրակապերն ազդում են մարմնի միայն բորբոքված հատվածի վրա: Դրանք կլանում են ենթամաշկային հեղուկը, իսկ դրա հետ մեկտեղ նաև տարատեսակ վնասակար մանրէներն ու վիրուսները: Արդյունքում՝ ախտածին գործոնը մաքրվում է, իսկ ախտաբանություններն անհետանում:

Աղաջրով վիրակապերը հիանալի միջոց են հարբուխից ու միգրենից: Պարզապես հարկավոր է վիրակապը դնել ճակատին ու ծոծրակին և թողնել ամբողջ գիշեր: Առավոտյան հիվանդության ախտանշանները կանհետանան: Աղաջրով վիրակապերը շատ օգտակար են լինում նաև մրսածության դեպքում: Կոկորդի ու բրոնխների խնդիրների դեպքում վիրակապով հարկավոր է ծածկել պարանոցի հատվածը, գլուխն ու մեջքը և թողնել ամբողջ գիշեր: Ծանր դեպքերում հիվանդը կապաքինվի 5 օրում: Նույն կերպ կարելի է բուժել նաև խոլեցիստիտը, սակայն այս դեպքում աղաջրով վիրակապը հարկավոր է դնել լյարդի հատվածում և թողնել 10 ժամ, որից հետո վիրակապը վերցնել և հիվանդ հատվածին դնել տաք ջերմակ: Սա կօգնի լայնացնել լեղածորաններն ու կհեշտացնի լեղու դուրսբերումը աղիներ:

Աղաջրով վիրակապերը կարող են օգնել նույնիսկ քաղցկեղի դեպքում: օնկոլոգիական հիվանդությունների դեպքում մարդիկ պատրաստ են ցանկացած դեղամիջոց ընդունել, ինչի հետևանքով հաճախ խաբվում են և էլ ավելի են վատացնում իրավիճակը: Աղաջրով վիրակապերը բացարձակապես անվնաս են և չեն առաջացնում կողմնակի բարդություններ, ուստի հիմնական բուժման հետ մեկտեղ կարելի է փորձել բարելավել վիճակը նաև այս վիրակապերը միջոցով:

Աղաջրի պատրաստումն ու օգտագործումն անչափ պարզ է: Սակայն հարկավոր է հիշել, որ խոսքը հենց վիրակապի մասին է, այլ ոչ թե կոմպրեսների: Վիրակապերն օգտագործվում են առանց որևէ քսուքների կամ այլ դեղամիջոցների: Վիրակապի համար հարկավոր է ընտրել բնական կտորներ (ցանկալի է վուշ կամ հասարակ մառլյա), որոնք օգտագործելուց առաջ պետք է լվանալ:

Մինչ աղաջուրն օգտագործելը, այն հարկավոր է լավ տաքացնել, այնուհետև թրջել կտորը լուծույթով, մի փոքր քամել և դնել ախտահարված հատվածին: Վիրակապը չի կարելի որևէ բանով ծածկել, պարզապես հարկավոր է ամրացնել այն բժշկական կպչուն ժապավենով հասարակ բինտով:

Բացի այդ, կարելի է նաև նշել, որ այս վիրակապերը շատ արդյունավետ են վնասվածքների, փոքրիկ թրախակալված վերքերի կամ մկանների բորբոքումների դեպքում: Սակայն հարկ է հիշել, որ լավ արդյունքի հասնելու համար ժամանակ է հարկավոր:

Սակայն աղաջուրն օգտագործելիս հարկավոր է նաև շատ զգույշ լինել: Լուծույթը պետք է լինի առավելագույնը 10 տոկոսանոց, քանի որ աղի ավելի մեծ քանակության դեպքում մաշկի մազանոթները կարող են վնասվել:

9 տոկոսանոց աղաջուր պատրաստելու համար հարկավոր է 1 լիտր մաքուր ջրին ավելացնել 90 գրամ աղ (մոտ 3 ոչ շատ լիքը ճաշի գդալ) և լավ խառնել, մինչև աղն ամբողջությամբ լուծվի:

Սակայն հարկ է հիշել, որ բուժման ցանկացած մեթոդ կիրառելուց առաջ հարկավոր է նախ խորհրդակցել բժշկի հետ, քանի որ ինքնաբուժությունը կարող է վնասակար լինել առողջության համար:

Նյութի աղբյուրը՝ liveposts.ru