3 պարզ ու արդյունավետ բաղադրատոմս՝ զարկերակներն աթերոսկլերոզից ու իշեմիայից պաշտպանելու համար

Աթերոսկլերոզը զարկերակների ամենատարածված հիվանդություններից է, որը կապված է զարկերակների պատերին գնդիկների կուտակման հետ (հիմնականում խոեստերինի կուտակումներ): Զարկերակների թաղանթում շարակցական հյուսվածքների տարածումը և կալցիումի կուտակումները հանգեցնում են անոթի ձևախախտման ու խցանման:Այս ամենի հետևանքով կարող են  առաջանալ նեկրոզի օջախներ կամ գանգրենաներ այդ զարկերակով սնուցվող օրգանում:

Առավել հաճախ այս խնդիրը հանդիպում է 50-60 տարեկան տղամարդկանց մոտ և 60 տարեկանից բարձր կանանց մոտ: Սակայն գոյություն ունեն նաև աթերոսկլերոզի զարգացմանը նպաստող որոշ ռիսկային գործոններ:

Ձեռքբերովի ռիսկային գործոնների շարքին են դասվում.

·         ծխախոտի չարաշահումը,

·         ավելորդ քաշը,

·         արյան մեջ խոլեստերինի բարձր մակարդակը,

·         զարկերակային բարձր ճնշումը,

·         սթրեսը,

·         նստակյաց կենսակերպը:

Անփոփոխ ռիսկային գործոնների շարքին են դասվում.

·         արական սեռը,

·         մեծ տարիքը,

·         կանանց մոտ հետդաշտանադադարային տարիքը,

·         հարազատների ու ազգակցականների շրջանում սրտանոթային հիվանդույթունների, արյան գերճնշման, ինչպես նաև 2-րդ տիպի շաքարային դիաբետի դեպքերը:

Աթերոսկլերոզի ամենավառ դրսևորումը սրտամկանի կաթվածն է: Հաճախ այս խնդիրը դրսևորվում է սրտի իշեմիկ հիվանդության (ստենոկարդիա) տեսքով՝ ախտահարելով սրտամկանին արյուն մատակարարող զարկերակները: Ստենոկարդիային հատուկ են ճնշող, այրող ցավերը սրտի հատվածում կամ կրծքավանդակի խորքում, որոնք սովորաբար առաջանում են ֆիզիկական ծանրաբեռնվածության ու հոգեկան լարվածության դեպքում: Դրանք տևում են 2-3 րոպե (առավելագույնը 10-15 րոպե) և անհետանում են ծանրաբեռնվածության նվազման հետ:

Առավել հաճախ ցավը տարածվում է նաև ձախ ձեռքի, ձախ թիակի և ստորին ծնոտի հատվածում, սակայն մեղմվում է համապատասխան դեղամիջոցների ընդունումից 3-5 րոպե անց: Եթե դեղամիջոցները նույնիսկ 10 րոպե անց չեն օգնում, ապա վիճակը ծայրաստիճան լուրջ է և հարկավոր է շտապ բժշկական օգնություն:

Սակայն աթերոսկլերոզից պաշտպանվելու համար գոյություն ունեն նաև ժողովրդական բաղադրատոմսեր: Ձեր ուշադրությանն ենք ներկայացնում դրանցից ամենաարդյունավետները:

1-ին բաղադրատոմսը.

Անհրաժեշտ է.

·         100 գրամ չորամիրգ,

·         200 մլ ջուր,

·         կես բաժակ կանանխոեի հյութ:

Պատրաստման եղանակը.

Չորամրգերին ավելացնել տաք ջուր, կափարիչն ամուր փակել և թողնել, մինչև չորամրգերն ուռեն: Ստացված թուրմը լցնել բաժակի մեջ, ավելացնել մի փոքր կալանխոեի հյութ և խմել ամբողջ օրվա ընթացքում փոքր կումերով:

2-րդ բաղադրատոմսը.

Անհրաժեշտ է.

·         50 գրամ կուժկոտրուկի (горицвет) խոտ,

·         1 բաժակ եռման ջուր,

·         80 գրամ կալանխոեի մանրացրած տերևներ:

Պատրաստման եղանակը.

Կուժկոտրուկին ու կալանխոեին ավելացնել եռման ջուր, դնել ուժեղ կրակին մինչև եռա, այնուհետև շարունակել եռացնել թույլ կրակի վրա (առավելգույնը 5 րոպե): Եփուկը կրակից վերցնել, կափարիչով ծածկել, 20 րոպե դնել որևէ տաք տեղ, այնուհետև քամել և խմել օրական 3 անգամ մեկական ճաշի գդալ ուտելուց 40 րոպե հետո:

3-րդ բաղադրատոմսը.

Անհրաժեշտ է.

·         1 հատ բողկ,

·         0,5 բաժակ կալանխոեի հյութ:

Պատրաստման եղանակը.

Միջին չափի բողկը խոշոր քերիչով մանրացնել, ավելացնել կալանխոեի հյութը և ընդունել օրական 3 անգամ ½ ճ.գ.:

Նյութի աղբյուրը՝ trental.ru