Բնական լոսյոն՝ մաշկային բոլոր խնդիրներից ազատվելու համար

Հալվեի գելի և կոկոսյան ընկույզի յուղի օգտակար հատկությունների մասին շատերը գիտեն, սակայն ոչ բոլորը գիտեն, որ այս երկու բաղադրիչների համադրությունը մաշկային հիվանդությունների բուժման հիանալի միջոց է:

Հալվեի գելն ու կոկոսյան ընկույզի յուղը հաճախ օգտագործվում են որպես բաղադրիչ մարմնի լոսյոններ պատրաստելիս: Սովորաբար դրանք օգտագործվում են միմյանցից զատ, մինչդեռ այս բաղադրիչների համադրությունը կարող է հիանալի արդյունք տալ:

Հալվեի գելի օգտակար հատկությունները.

·        այս գելը բուժում է այրվածքները,

·        հանգստացնում է գրգռված մաշկն ու ազատում է ալերգիաներից,

·        բուժում է ձգվածքներն ու կորյակները, ազատում է պեպեններից ու սպիներից,

·        խոնավեցնում ու երիտասարդացնում է մաշկը:

Կոկոսյան ընկույզի յուղի օգտակար հատկությունները.

·        օգտագործվում է որպես մաշկի ծերացումը կանխող ու խոնավեցնող բնական միջոց,

·        շատ օգտակար է չոր մաշկի համար,

·        օժտված է հակաբակտերիալ ու հակասնկային հատկություններով,

·        մաշկին առողջ փայլ է հաղորդում:

Այս երկու բաղադրիչների համադրությունն օգնում է բուժել այնպիսի մաշկային խնդիրներն, ինչպիսին են պեպենները, ձգվածքները, բշտիկները, այրվածքները, սպիները և այլն: Ձեր ուշադրությանն ենք ներկայացնում այս բուժիչ խառնուրդի բաղադրատոմսը:

Բաղադրությունը.

·        1/3 բաժակ հալվեի գել (միայն գելը, այլ ոչ թե հյութը),

·        ½ բաժակ օրգանական կոկոսյան ընկույզի յուղ (ցանկալի է պինդ վիճակում),

·        Մի քանի կաթիլ եթերայուղ (վանիլ, վարդ, նարդոս և այլն):

Պատրաստման եղանակը.

Կոկոսյան ընկույզի յուղն ու հալվեի գելը լցնել ոչ մեծ խորը ափսեի մեջ և 5-10 րոպե խառնել, մինչև ստացվի վառ գույնի համասեռ զանգված: Այնուհետև ավելացնել եթերայուղը, խառնել և ստացված զանգվածը լցնել ապակյա տարրայի մեջ: Խառնուրդը հարկավոր է պահել սենյակային ջերմաստիճանում:

Օգտագործման եղանակը.

Ինչպես և ցանկացած այլ լոսյոն, այն կարելի է քսել ամբողջ մարմնին, սակայն այս խառնուրդն առավել արդյունավետ է լոգանքից հետո օգտագործելու դեպքում, քանի որ այդ ժամանակ մաշկը խոնավ է, իսկ ծակոտիները՝ լայնացած, ինչը նպաստում է էլ ավելի լավ ներծծվելուն:

Սակայն հարկ է հիշել, որ առողջական լուրջ խնդիրների և ուժեղ ցավերի դեպքում խորհուրդ է տրվում դիմել մասնագետի օգնությանը, քանի որ ինքնաբուժությունը կարող է խիստ վնասակար լինել առողջության համար:

Նյութի աղբյուրը՝ finelivingadvice.com