9 սովորություն, որոնք կօգնեն հետագայում խուսափել թուլամտության ու Ալցհեյմերի հիվանդության զարգացումից

Թուլամտությունը (դեմենցիա) հիվանդություն է, որն իր մեջ ներառում է բազմաթիվ մտավոր խնդիրներ՝ այդ թվում նաև հիշողության կորուստ: Այն կարող է ուղեկցվել տարբեր հիվանդություններով ինչպիսին են անոթային դեմենցիան, Պարկինսոնի հիվանդությունը, Հենտինգտոնի խորեան և այլն: Բացի այդ, 60-80%-ի դեպքում դեմենցիան ուղեկցվում է նաև Ալցհեյմերի հիվանդությամբ:

Դեմենցիայից տառապող հիվանդի վիճակը կարող է էլ ավելի վատանալ, եթե բուժված չէ հիվանդության սկբնապատճառը: Հիվանդության ամենատարածված ախտանշաններն են անտարբերությունը, դեպրեսիան և հիշողության կորուստը:

Սակայն գոյություն ունեն որոշ ռիսկային գործոններ, որոնք կարելի է վերահսկողության տակ պահել կամ բուժել: Դրանցից են.

·        գլխի վնասվածքները,

·        վահանաձ գեղձի աշխատանքի խանգարումները,

·        ոչ բավարար ֆիզիկական ակտիվությունը,

·        թերսնուցումն ու վիտամինների պակասը,

·        դեղամիջոցները, որոնք էլ ավելի են վատացնում վիճակը,

·        արյան մեջ խոլեստերինի և շաքարի բարձր մակարդակները, զարկերակային գերճնշումը, ինչպես նաև սրտանոթային համակարգի հետ կապված այլ խնդիրները,

·        հարբեցողությունը:

Ձեր ուշադրությանն ենք ներկայացնում 9 միջոց՝ հետագայում այս խնդրից խուսափելու համար.

Հրաժարվել ծխախոտից

Ծխախոտն առհասարակ վնասակար է ամբողջ մարմնի՝ այդ թվում նաև գլխուղեղի համար: Ուսումնասիրությունները ցույց են տվել, որ ծխող մարդկանց մոտ Ալցհեյմերի հիվանդության առաջացման հավանականությունը 45%-ով ավելի բարձր է, քան չծխողների կամ ծխախոտից արդեն հրաժարվածների մոտ, ուստի այս վնասակար սովորություց հարկավոր է հնարավորինս շուտ ազատվել:

Լինել ավելի ակտիվ

Հարկավոր է խթանել արյան հոսքն ու մարզել սրտամկանը: Օրական առնվազն կես ժամ մարզվելը կօգնի հետագայում խուսափել քրոնիկ խնդիրների առաջացումից:

Վիտամին B

Այս վիտամինը նվազեցնում է հոմոցիստեինի մակարդակը: Այս մոլեկուլը վնասում է անոթային համակարգն ու բարձրացնում գլխուղեղի կաթվածի, սրտի հիվանդությունների և անոթային այլ խնդիրների առաջացման հավանականությունը:

Վիտամին D

Վիտամին D-ի պակասի և կոգնիտիվ խնդիրների միջև կա անմիջական կապ, ուստի գլխուղեղի վնասումը կանխելու համար հարկավոր է ավելի շատ ժամանակ անցկացնել արևի տակ, իսկ ձմռան ցուրտ ամիսներին բարձրորակ վիտամինային հավելումներ ընդունել:

Խնդիրներ՝ կապված գլխուղեղի հետ

Ուսումնասիրությունները ցույց են տվել, որ մեկից ավել լեզուների տիրապետող մարդկանց մոտ դեմենցիայի զարգացման վտանգը շատ ավելի ցածր է, քան այն մարդկանց մոտ, որոնք խոսում են միայն մեկ լեզվով, ուստի հարկավոր է մարզել ոչ միայն մարմինը, այլև գլխուղեղը:

Պաշտպանել գլուխը

Գլուխը շատ խոցելի է, սակայն շատերն են մոռանում այս մասին: Մտավոր խնդիրներից խուսափելու համար հարկավոր է անել ամեն բան գլուխը վնասվածքներից պաշտպանելու համար:

Սահմանափակել ալկոհոլի գործածությունը

Ալկոհոլի մեծ քանակությունը բարձրացնում է թուլամտության զարգացման հավանականությունը, ուստի հարկավոր է սահմանափակել ոգելից խմիչքների գործածությունը:

Կարևոր ցուցանիշներ

Հարկավոր է միշտ հետևել մարմնի զանգվածին, զարկերակային ճնշմանն ու օրգանիզմում խոլեստերինի մակարդակին: Բացի այդ, անհրաժեշտ է հնարավորինս շատ ուշադրություն դարձնել սրտանոթային համակարգի և նյութափոխանակության հետ կապված հիվանդություններին:

Շփում

Բժիշկները նշում են, որ հարկավոր է հնրավորինս հաճախ հանդիպել կամ զրուցել ընկերների հետ, քանի որ մեկուսացումը բացասաբար է ազդում օրգանիզմի վրա: Հարկ է միշտ հիշել, որ գլխուղեղը նույնպես ունենում է շփման կարիք:

Նյութի աղբյուրը՝ healthy-food-house.com