Կերակրափողի, ստամոքսի և տասներկումատնյա աղիքի խոցերի բուժման 13 արդյունավետ ժողովրդական բաղադրատոմս

Խոցը օրգանի կամ հյուսվածքի մակերեսին առաջացած բաց վերք է, որն առավել հաճախ առաջանում է կերակրափողում, ստամոքսում, տասներկումատնյա աղիքում: Ձեր ուշադրությանն ենք ներկայացնում խոցերի բուժման ամենաարդյունավետ ու տարածված միջոցները:

1. Ձիթապտղի յուղ

Հարկավոր է խառնել մեկ ձվի սպիտակուցն ու 1 ճ.գ. շաքարավազի փոշին և ավելացնել 1 ճ.գ. ձիթապտղի յուղ: Ատավոտյան սոված փորին խմել այս խառնուրդից 1 ճ.գ., այնուհետև ոչինչ չուտել մոտ 2 ժամ: Բուժման կուրսը տևում է 10 օր:

2. Կեֆիր

Ամեն երեկո քնելուց առաջ հարկավոր է 1 ճ.գ. ձիթայուղով մի բաժակ կեֆիր խմել: Բուժման կուրսը տևում է 1,5-2 ամիս:

3. Կտավատի սերմեր

Ապակյա տարրայի մեջ լցնել 2 ճաշի գդալ կտավատի սերմ, ավելացնել 2 բաժակ եռման ջուր, փակել տարրան և թրմել ամբողջ գիշեր: Առավոտյան երկշերտ մառլյայի օգնությամբ քամել թուրմը և խմել կես բաժակ սոված փորին՝ նախաճաշից 30 րոպե առաջ:

4. Եղեսպակ ու եզան լեզու

Մեկական ճաշի գդալ եղեսպակն ու եզան լեզուն 2-3 ժամ թրմել 2 բաժակ եռման ջրում, այնուհետև քամել: Առաջին 10 օրը հարկավոր է թուրմը խմել օրական մեկ ամգամ ուտելուց առաջ կես բաժակ, իսկ այնուհետև՝ օրական 3 անգամ (ուտելուց առաջ կես բաժակ):

5. Հազարատերևուկ

1 ճ.գ. հազարատերևուկը թրմել 1 բաժակ եռման ջրում և ամեն առավոտ սոված փորին խմել կես բաժակ գոլ թուրմ: Կրկնել այս պրոցեդուրան 4-5 շաբաթ:

6. Լորենու մեղր

Խորհուրդ է տրվում մի բաժակ գոլ ջրին ավելացնել 1 ճ.գ. լորենու մեղր և խմել ուտելուց կես ժամ առաջ:

7. Կաղնու կեղև

10 գրամ կաղնու կեղևը լցնել էմալապատ կաթսայի մեջ, ավելացնել 250 մլ եռման ջուր և 20 րոպե եփել թույլ կրակի վրա: Պատրաստի եփուկը քամել և օգտագործել օրական 2-3 անգամ 1 ճ.գ.:

8. Վարսակի թեյ

Վարսակը լվանալ, երեկոյան 1 բաժակ վարսակը լցնել էմալապատ կաթսայի մեջ, ավելացնել 1 լիտր տաք ջուր, ծածկել և թրմել 10 ժամ: Առավոտյան 30 րոպե եփել թույլ կրակի վրա, այնուհետևկ կրկին ծածկել և թրմել 12 ժամ: Ստացված թուրմը քամել և ավելացնել այնքան ջուր, որ ստացվի 1 լիտր զանգված: Խմել օրական 3-4 անգամ (ուտելուց 30 րոպե առաջ) կես բաժակ: Բուժման կուրսի տևողությունն է 30 օր:

9. Մատուտակ

2 ճ.գ. չորացրած մատուտակին ավելացնել 0,5լ տաք ջուր և 10 րոպե եփել թույլ կրակի վրա: Եփուկը վերցնել կրակից, թրմել ևս 1-2 ժամ, այնուհետև քամել և խմել օրական 3-4 անգամ 50-70 մլ: Սա հիանալի միջոց է խոցային հիվանդության ու գաստրիտի բուժման համար:

10. Հալվե

Կարելի է նաև օրական երկու անգամ ուտելուց 20 րոպե առաջ սոված փորին հալվեի տերևների կտորներ ուտել (4-5 սմ): Պարզապես հարկավոր է դանդաղ ծամել տերևները, կուլ տալ հյութը և դեն նետել բուսական մանրաթելերը: Բուժման կուրսը տևում է 3 ամիս, որից հետո հարկավոր է անել 1 շաբաթ տևողությամբ դադար և կրկնել կուրսը:

11. Բանջարեղենային հյութեր

Անհրաժեշտ է ամեն օր նախաճաշից ու ճաշից առաջ խմել մի բաժակ թարմ քամած բանջարեղենային հյութ (գազար, կաղամբ ու կարտոֆիլ): Բուժման կուրսի տևողությունն է մեկ շաբաթ, որից հետե հարկավոր է մեկշաբաթյա դադար անել և կրկնել կուրսը:

12. Կարտոֆիլի կեղև

Կարտոֆիլի կեղևը նույնպես շատ օգտակար է: Հարկավոր է եփել կարտոֆիլի կեղևը (առանց աղի) և օրական 3 անգամ խմել այն արգանակը որի մեջ եփվել են կեղևները:

13. Համեղ բալասաններ՝ խոցերի բուժման համար

Մանրացնել 500 գմալ հունական ընկույզը, 500 գրամ չամիչը և 500 գրամ ծիրանաչիրը, ավելացնել 1 կիտրոնի քերուկ (և՛ կեղևը, և՛ պտղամիսը) և 500 գրամ մեղր: Լավ խառնել ր նախաճաշից 30 րոպե առաջ ընդունել ստացված խառնուրդի 1 ճաշի գդալ: Շարունակել բուժումն այնքան ժամանակ, մինչև խառնուրդը վերջանա:

Նյութի աղբյուրը՝ goodmorningcenter.com