Ինչ կարող է պատմել ականջային ծծմբի գույնը մարդու առողջական վիճակի մասին

Սովորաբար շատ քչերն են ուշադրություն դարձնում իրենց ականջային ծծմբի գույնին, մինչդեռ այն կարող է շատ բան պատմել մարդու առողջության մասին:

Շատ հաճախ ականջային ծծմբի գույնի փոփոխությունը որևէ հիվանդության ախտանշան է լինում: Առողջ մարդու մոտ այն ունենում է դեղնավուն երանգ և լինում է երկու տեսակի՝ չոր կամ խոնավ: Ընդ որում՝ դրա տեսակը կախված է միայն ժառանգական գործոններից: Օրինակ՝ ABCC11 գենը կրողների ականջային ծծումբը կլինի չոր, իսկ GBCC11 գենի դեպքում՝ խոնավ:

Այս արտազատուկն արտադրվում է լսողական արտաքին անցուղում200 հազար ճարպագեղձերի կողմից: Դրան են խառնվում նաև մանր մազիկները, մաշկի մահացած բջիջներն ու օրգանիզմի կենսագործունեության այլ մնացորդները՝ կազմելով ականջային ծծումբ:

Շատ գիտնականներ ենթադրում են, որ այս արտազատուկը կատարում է ոչ միայն քսուքի դեր, այլև պաշտպանում է օրգանիզմն ախտածին բակտերիաներից: Takprosto.cc կայքը ներկայացրել է, թե ինչ գույն պետք է ունենա առողջ մարդու ականջային ծծումբը և ինչի մասին կարող է վկայել դրա գույնի փոփոխությունը:

Ականջային ծծմբի մուգ գույն

Սովորականից մուգ գույնի ծծումբը ոչ մի լուրջ վտանգի կամ հիվանդության մասին չի վկայում, սակայն եթե այս ախտանշանն ուղեկցվում է քթից արյունահոսությամբ, ապա մեծ է հավանականությունը, որ դա պայմանավորված է Ռանդյու-Օսլերի համախտանիշի զարգացման վաղ փուլերով: Սա ժառանգական հիվանդություն է, որը բուժվում է մեծ քանակությամբ երկաթ պարունակող դեղամիջոցների օգնությամբ:

Դեղնավուն երանգով կաթնագույն հեղուկ ականջային ծծումբ

Սա վկայում է ականջի անցուղում թարախային գործընթացների զարգացման մասին: Հաճախ այս ախտանշանն ուղեկցվում է բարձր ջերմությամբ, ավշային հանգույցների մեծացմամբ ու օրգանիզմի թուլացմամբ: Այս դեպքում բժիշկներն առաջին հերթին պետք է որոշեն, թե որն է վարակի հարուցիչը, իսկ այնուհետև նշանակեն հակաբիոտիկներ ու հակավիրուսային դեղամիջոցներ:

Ականջային ծծմբի սև գույն

Ականջային ծծումբը կարող է սև գույն ստանալ նույնիսկ հասարակ աղտոտվածության հետևանքով, ուստի մեկ անգամ նման խանգարումը ոչ մի վտանգ չի ներկայացնում: Սակայն եթե այն կրում է պարբերական բնույթ, ապա հարկավոր է անմիջապես դիմել մասնագետի օգնությանը: Ծծմբի գույնի փոփոխության պատճառ կարող են դառնալ որոշ ախտածին սնկերի սպորները: Այս դեպքում հիվանդին սովորաբար անհագստացնում է ակաջի ուժեղ քորը: Նման խնդրի դեպքում բժիշկները հակասնկային դեղամիջոցներ են նշանակում:

Մոխրագույն արտազատուկ

Արտազատուկի մոխրագույն երանգի պատճառ ամենից հաճախ դառնում է հասարակ փոշին: Այս երևույթը հաճախ նկատվում է մեծ քաղաքների բնակիչների մոտ, և եթե դրան ուղեկցող որևէ այլ ախտանշան չկա, ապա չկա նաև անհանգստանալու կարիք:

Ականջային ծծմբի սպիտակ գույն

Նման փոփոխությունը վկայում է օրգանիզմում որոշ միկրոտարրերի՝ երկաթի կամ պղնձի պակասի մասին:  Այս դեպքում բժիշկները հաճախ վիտամինային համալիրներ են նշանակում՝ հաշվի առնելով հիվանդին անհանգստացնող բոլոր ախտանշանները: