Մագնեզիումի դեֆիցիտի առաջացման պատճառները, առաջին ախտանշաններն ու հետևանքները

Մագնեզիումը մեր օրգանիզմի կարևոր հանքային տարրերից է, որի 50%-ը տեղակայված է ոսկրերում, 1%-ը արյան մեջ, իսկ մնացած մասը փափուկ հյուսվածքներում:

Մագնեզիումn ունի առանցքային նշանակություն մարդու օրգանիզմում իրականացվող ավելի քան 300 կենսաքիմիական ռեակցիաների համար:

Մագնեզիումն անհրաժեշտ է սրտի, անոթների, մկանների և աղիների նորմալ աշխատանքի համար: Այն մասնակցում է նյարդային և իմունային համակարգերի գործունեությանը, նպաստում է ոսկրերի ամրությանը: Մագնեզիումը կարգավորում է նաև արյան մեջ շաքարի քանակը և նպաստում է նորմալ զարկերակային ճնշմանը: Մագնեզիումը մասնակցում է այլ հանքային տարրերի փոխանակմանն օրգանիզմում, սպիտակուցների սինթեզի ժամանակ ունի կարևոր դերակատարություն:

Ապացուցված է, որ մագնեզիումն օգնում է այնպիսի հիվանդությունների կանխարգելմանը ինչպիսիք են՝ սրտանոթային հիվանդությունները և հիպերտոնիան, դիաբետը, օստեոպորոզը:

Օրգանիզմում մագնեզիումի պակասը առաջացման պատճառներն են՝

·          Թերսնուցում

·         Մարսողական համակարգի խնդիրներ

·          Ալկոհոլի չարաշահում

·         Անտիբիոտիկների չարաշահում, ինչը հանգեցնում է մագնեզիումի թերյուրացմանը և կորստին

Օրգանիզմում մագնեզիումի պակասը բնութագրող առաջին ախտանշաններն են՝

·         Ախորժակի կորուստ

·          Հոգնածություն և թուլություն

·          Սրտխառնոց

·         Փսխում

Մագնեզիումի բացակայությունը օրգանիզմում առաջացնում է՝

·         Ծակոցի զգացում

·          Մկանային սպազմ

·          Սրտի ռիթմի խանգարում

·         Հոգեբանական փոփոխություններ և այլն 

Մագնեզիումի պակասը հանգեցնում է նաև կալցիումի և կալիումի անբավարարությանը օրգանիզմում: 
Մագնեզիում հիմնականում պարունակվում է բուսական մթերքում: Մագնեզիումով հարուստ են կանաչ բանջարեղենը, ռեհանը, ձավարեղենը և հատիկավորները, դդմի սերմը, ընկույզը (պնդուկ), նուշը, լոբին, կարտոֆիլը, գազարը, ցորենի թեփը, եգիպտացորենը, իսկ, օրինակ, բարձր կարգի ալյուրը շատ քիչ մագնեզիում է պարունակում: Կենդանական մթերքից մագնեզիում կա ձկան, ձվի, կաթնամթերքի մեջ: Խմելու ջուրը ևս պարունակում է մագնեզիում: Մագնեզիումի օրական պահանջը կազմում է՝
 Կանանց համար՝ 350 մգ
 Տղամարդկանց համար՝ 400 մգ

 Աղբյուր՝  Հիվանդությունների վերահսկման և կանխարգելման Ազգային Կենտրոն