8 քայլ՝ երակների վարիկոզ լայնացումը բուժելու համար

Երակների վարիկոզ լայնացումը կարող է ախտահարել ցանկացած երակ, սակայն առավել զգայուն են ձեռքերի և ոտքերի երակները, ինչը զարմանալի չէ, քանի որ օրվա ընթացքում դրանք ամենից շատն են ծանրաբեռնվում:

Այս հիվանդությունը կարող է պայմանավորված լինել բազմաթիվ գործոններով: Մարդու արյան շրջանառության վրա կարող են ազդել ինչպես մարմնի դիրքն ու շարժումները, այնպես էլ նրա խոսքերն ու հույզերը:

Սակայն գոյություն ունեն պարզ ու արդյունավետ միջոցներ, որոնք կօգնեն մեկընդմիշտ ազատվել երակների վարիկոզ լայնացումից:

Հարկ է հիշել, որ երակների վարիկոզ լայնացումը բուժելու և դրա առաջացումը կանխելու համար առաջին հերթին անհրաժեշտ է նվազեցնել երակների վրա գործադրվող ճնշումը և ամրապնդել անոթները:

Ձեր ուշադրությանն ենք ներկայացնում մի քանի քայլ, որոնք կօգնեն մեկընդմիշտ ազատվել այս տհաճ հիվանդությունից:

1.      Ֆիզիկական վարժություններ

Գոյություն ունեն մարզաձևեր, որոնց դեպքում երակները չափազանց շատ են ծանրաբեռնվում և կարող են հեշտությամբ վնասվել: Օրինակ՝ հարվածները կարող են արգելակել արյան հոսքն ու մեծացնել երակների վրա գործադրվող ճնշումը, ինչի հետևանքով մեծանում է երակների վարիկոզ լայնացման առաջացման հավանականությունը:

Բացի այդ, վնասակար կարող է լինել նաև դահուկային սպորտը, որի դեպքում ոտքերը երկար ժամանակ անշարժ են մնում և խանգարվում է արյան հոսքը դեպի մկաններ:

Օգտակար մարզաձևերի շարքին են դասվում լողը, ձգումները, հեծանվավազքը, յոգան, զբոսանքները, սկանդինավյան քայլքը: Խորհուրդ չի տրվում զբաղվել ձյուդոյով, բռնցքամարտով, ֆուտբոլով, վազքով, կարատեով, մեծ թենիսով, թեկվոնդոյով:

2.      Հարմարավետ կոշիկ

Հարմարավետ կոշիկ կրելը նույնպես շատ մեծ նշանակություն ունի: Խորհուրդ է տրվում կրել ցածրակրունկ կոշիկ, քանի որ դրանք բարելավում են սրունքի մկանների տոնուսը՝ նպաստելով արյան շրջանառության բարելավմանը:

3.      Բավարար քանակությամբ հեղուկ

Շատ կարևոր է նաև բավարար քանակությամբ հեղուկ ընդունելը: Այս կերպ կարելի է բարելավել աղիների աշխատանքը՝ դրանով իսկ նվազեցնելով ոտքերի երակների վրա գործադրվող ճնշումն ու թութքի առաջացման հավանականությունը:

4.      Առողջ քաշի պահպանում

Ավելորդ քաշի դեպքում երակների վարիկոզային լայնացման առաջացման  հավանականությունն ավելի բարձր է, ուստի հարկավոր է կարգի բերել սննդակարգը, պարբերաբար մարզվել և հնարավորինս նվազեցնել երակների վրա գործադրվող ճնշումը:

5.      Ոտքերը վեր բարձրացնել

Ոտքերի վրա գործադրվող ճնշումը նվազեցնելու ամենապարզ եղանակը պառկած ժամանակ ոտքերը փոքր ինչ բարձր տեղ դնելն է: Օրինակ՝ կարելի է քնելիս ոտքերի տակ բարձ դնել:

6.      Ձգող զուգագուլպա

Գոյություն ունեն հատուկ հակավարիկոզային զուգագուլպաներ, որոնք օրվա ընթացքում ձիգ են պահում ոտքերը՝ նպաստելով երակների վարիկոզ լայնացման բուժմանը:

7.      Երակներն ամրապնդող բնական միջոցներ

Երակների պատերն ամրապնդելու լավագույն եղանակը բնական միջոցներն են: Գոյություն ունեն տարատեսակ խոտաբույսեր, թուրմեր ու ոգեթուրմեր, որոնք կօգնեն արդյունավետ կերպով բուժել երակների վարիկոզ լայնացումը:

8.      Խուսափել շոգից և սառը ցնցուղ ընդունել

Սառը ցնցուղն ազդում է մկանների վրա՝ նպաստելով մակերեսային երակների նեղացմանը: Սակայն հարկ է հիշել, որ սառը ջրին մարդը պետք է աստիճանաբար սովորի, ուստի ջրի ջերմաստիճանը նույնպես պետք է աստիճանաբար նվազի:

Նյութի աղբյուրը՝ besthealthyguide.com