Գիտնականները պարզել են, թե որոնք են օնկոլոգիական հիվանդությունների ամենատարածված ախտանշանները

20:11 • 26.07.17

Շատերն ապրում են՝ առանց նույնիսկ կասկածելու, որ հիվանդ են քաղցկեղով: Այս հիվանդությունը ոչ միշտ է հնարավոր հայտնաբերել վաղ փուլերում, քանի որ քաղցկեղի ախտորոշումը բավական թանկարժեք է և կան մի շարք այլ խանգարող հանգամանքներ: Սա է պատճառը, որ գիտնականներն առանձնացրել են օնկոլոգիական հիվանդությունների հինգ հիմնական ախտանշանները:

Առաջին հիմնական նշանը գիտնականները համարում մշտական հոգնածությունը, որը պայմանավորված է լինում օրգանիզմի վրա ուռուցքի տոքսինների մշտական ազդեցությամբ: Ավելի ուշ հոգնածության հետ մեկտեղ ի հայտ են գալիս նաև գլխապտույտներ ու սրտխառնոց:

Առանց որևէ պատճառը մարմնի ջերմաստիճանի բարձրացումը նույնպես կարող է պայմանավորված լինել քաղցկեղով: Սա տեղի է ուենում օրգանիզմում ընթացող բորբոքային գործընթացների հետևանքով, ինչպես նաև այն պատճառով, որ քաղցկեղի բջիջները բացասաբար են ազդում իմունային համակարգի վրա և վերջինս չի կարողանում պայքարել վիրուսների դեմ:

Երրորդ ախտանշանը քաշի կտրուկ ու անբացատրելի կորուստն է: Ընդամենը մի քանի ամսում հիվանդը կարող է զգալիորեն նիհարել: Բժիշկները սա համարում են օնկոլոգիական հիվցանդությունների հիմնական ախտանշանը:

Չորրորդ ախտանշանն ամենից վառ արտահայտվածն է: Այն բնորոշվում է մաշկի և վարսերի վիճակի վատացմամբ: Ուռուցքն ազդում է օրգանիզմում նյութափոխանակության գործընթացների վրա, ինչի հետևանքով խանգարվում է մաշկի ռեգեներացիան: Սա է պատճառը, որ քաղցկեղով հիվանդ մարդկանց մոտ սկսվում է մազաթափություն:

Վերջին ախտանշանը ցավոտ զգացողություններն են: Շատերը հաճախ չեն էլ նկատում, որ իրենց մարմնի որևէ հատվածը կամ օրգանը մշտապես ցավում է, սակայն քրոնիկ ցավերը կյարող են պայմանավորված լինել տարբեր հիվանդություններով, այդ թվում նաև օնկոլոգիական հիվանդություններով: Սա է պատճառը, որ ցավերի դեպքում հարկավոր է խորհրդակցել բժշկի հետ և գտնել ցավի պատճառը:

Նյութի աղբյուրը՝ gogetnews.info