Ցավի 8 տեսակ, որոնք ոչ մի դեպքում չի կարելի անտեսել

Ցավի միջոցով օրգանիզմը սովորաբար փորձում է տեղեկացնել խնդիրների ու խանգարումների մասին, ուստի հարկավոր է շատ ուշադիր լինել: Սակայն կան ցավի տեսակներ, որոնք ոչ մի դեպքում չի կարելի անտեսել:

Ձեր ուշադրությանն ենք ներկայացնում ցավի 8 տեսակ, որոնք վկայում են առողջական լուրջ խնդիրների մասին:

1. Ցավ ծոծրակի հատվածում

Ցավի այս տեսակն ամենից հաճախ պայմանավորված է լինում գլխի անոթների սպազմով, ուստի, նախևառաջ, հարկավոր է չափել արյան ճնշումը և բարձր լինելու դեպքում ցավը մեղմել սպազմալիտիկ դեղամիջոցներով:

Արյան ցածր ճնշման դեպքում հարկավոր է ընդունել կոֆեինով դեղամիջոցներ: Լարվածության ցավի դեպքում, որն առաջանում է պարանոցի մկանների թմրածության հետևանքով, լավագույն միջոցը համալիր ցավազրկողներն են:

2. Ատամի ցավ

Ատամի սուր ցավը խոսում է բորբոքումների մասին: Այս դեպքում չի կարելի ատամին տաք բան դնել կամ տաքացնել այդ հատվածը, քանի որ այդ դեպքում վիճակն էլ ավելի կվատանա և կառաջանան թարախակույտեր: Հարկավոր է անմիջապես ընդունել հասարակ ցավազրկող, որը կհանգստացնի նյարդային վերջավորությունները, և անզգայացնող որևէ դեղամիջոց: Հարկ է հիշել, որ նման խնդրի դեպքում անհրաժեշտ է անմիջապես դիմել մասնագետի օգնությանը:

3. Պարանոցի ցավեր

Սովորաբար նման ցավերը պայմանավորված են լինում ողնաշարի պարանոցային հատվածի օստեոխոնդրոզով: Ցավի պատճառ կարող է հանդիսանալ նաև միոզիտը՝ պարանոցի մկանների բորբոքումը: Ցավը կարելի է մեղմել իբուպրոֆեն ու դիկլոֆենակ պարունակող դեղամիջոցներով և քսուքներով: Միոզիտը ոչ մի դեպքում չի կարելի անտեսել, քանի որ պատշաճ բուժման բացակայության դեպքում կարող է առաջանալ նևրիտ:

4. Որովայնի մեջտեղի վերին հատվածի ցավ

Ցավի այս տեսակը կարող պայմանավորված լինել գաստրիտով կամ խոցային հիվանդությամբ, որոնց հատուկ են գիշերային ցավերն ու քաղցից առաջացած ցավերը:

Այս ցավից կարելի է ազատվել անտացիդային դեղամիջոցների  ինչպես նաև հեղուկ սննդամթերքի օգնությամբ: Ժողովրդական միջոցներից շատ արդյունավետ են անանուխի թեյը, երիցուկի, մասուրի և պատրինջի (мелисса) եփուկները:

5. Ցավ աջ կողոսկրերի հատվածում

Այս ցավը կարող է պայմանավորված լինել լեղաքարային հիվանդությամբ: Այն սուր և հիմնականում նկատվում է երեկոյան ժամերին` հատկապես շատ ուտելուց հետո: Այս դեպքում հարկավոր է որովայնին սառույցով տոպրակ դնել: Կարելի է նաև ընդունել սպազմոլիտիկ դեղամիջոց: Հարկ է հիշել, որ նման ցավի ժամանակ ոչ մի դեպքում չի կարելի ընդունել ասպիրին:

Այս դեպքում գաստրոէնտերոլոգի հետ խորհրդակցությունը պարտադիր է: Լեղամուղ դեղամիջոցները չի կարելի ընդունել առանց բժշկի նշանակման, քանի որ լեղապարկում քարերի առկայության դեպքում դրանք կարեղ են վնասել:

6. Ցավ ձախ կողոսկրերի հատվածում

Նման ցավի հնարավոր պատճառներից մեկը կարեղ է լինել սրտի նոպան՝ հատկապես, եթե ցավը նկատվում է ֆիզիկական ծանրաբեռնվածությունից հետո և ուղեկցվում է սառը քրտինքով ու սրտի զարկերի հաճախականության տատանումներով: Ցավի այս տեսակը շատ ուժեղ ու այրող և կարող է տարածվել նաև կրծքավանդակի, ձախ ձեռքի, ձախ թիակի և ստորին ծնոտի ձախ կողմի հատվածում: Հիվանդին հարկավոր է պառկեցնել, մարմնի վերին հատվածը բարձրացնել, լեզվի տակ նիտրոգլիցերինի 2 դեղահաբ դնել, ազատել շնչառությանը խանգարող հագուստից և անմիջապես «շտապ օգնություն» կանչել:

Երիտասարդների մոտ երբեմն նման ցավը կարեղ է լինել գաստրիտի կամ ստամոքսի վերին հատվածի խոցային հիվանդության նշան: Գաստրիտի դեպքում ցավը բութ է և կարող է առաջանալ սննդի ընդունումից առաջ, հետո կամ դրա բացակայության հետևանքով: Խոցային հիվանդության դեպքում ցավը կայուն է, մղկտուն, կարող է առաջացնել փսխումներ, որոնք չեն մեղմում ցավը:

Հստակ ախտորոշման համար հարկավոր է բուժզննում անցնել: Բարձր թթվայնության դեպքում կարելի է ընդունել անտացիդային դեղամիջոցներ, իսկ ցածր թթվայնության դեպքում՝ պեպսիններ: Ոչ մի դեպքում չի կարելի ընդունել ասպիրին կամ ցավազրկողներ, քանի որ դրանք գրգռում են ստամոքսի լորձաթաղանթը:

7. Որովայնի վերին հատվածը «պարուրող» ցավ

Այս դեպքում ամենատարածված պատճառը պանկրեատիտն է՝ ենթաստամոքսային գեղձի բորբոքումը:  Սրումն ուղեկցվում է փսխումով, փորափքանքով, հպվելիս առաջացող ցավով, ախորժակի կորստով, մարսողության խանգարմամաբ: Ցավը սովորաբար մղկտուն է և ուժեղանում է ուտելուց 1-2 ժամ անց ու գիշերվա ժամերին: Այս դեպքում ցավը կարելի է մեղմել ֆերմենտային դեղամիջոցների օգնությամբ:

8. Որովայնի խոռոչում «տարածված» ցավ

Ցավի այս տեսակի հնարավոր պատճառներից մեկը աղիքային վարակներն են: Ցավը կծկող է, ուղեկցվում է որովայնի գռգռոցով , փորլուծությամբ և այլ տհաճ ախտանշաններով: Կարելի է ընդունել փորլուծության դեմ որևէ դեղամիջոց: Ոչ ծանր սննդային թունավորումների դեպքում ցավը կարելի է մեղմել սորբենտների օգնությամբ:

Փորկապության դեպքում հաճախ առաջանում են կոլիտներ, որոնց դեպքում ցավը «ալիքաձև» է, սակայն ոչ շատ սուր: Այս դեպքում շատ արդյունավետ կարող են լինել հասարակ սպազմոլիտիկները:

Ցավի այս տեսակը կարող է պայմանավորված լինել նաև որդանման ելունդի բորբոքումով: Սովորաբար ցավը առաջանում է ստամոքսի հատվածում և «շարժվում» դեպի որովայնի ստորին աջ հատվածը: Այս դեպքում կարող նկատվել սրտի զարկերի հաճախականության արագացում, բարձր ջերմություն և փսխում (հաճախ առանց սրտխառնոցի): Հարկ է հիշել, որ նման խնդրի դեպքում ինքնաբուժությունը խիստ վտանգավոր է: Հարկավոր է անմիջապես «շտապ օգնություն» կանչել և հիվանդին տեղափոխել հիվանդանոց:

Նյութի աղբյուրը՝ gogetnews.info