Սրտի առիթմիայի առաջացման պատճառները, ախտանշաններն ու ռիսկի գործոնները

Օրգանիզմի աշխատանքի վրա բազում գործոներ են ազդում, այդ թվում նաև սրտի ռիթմի հաստատունությունը: Ռիթմի խանգարման դեպքում նկատվում են բազում փոփոխություններ, որոնք չեն կարող չազդել ինքնազգացողության վրա: Առիթմիաների թեթև տեսակները, որպես կանոն, լուրջ վտանգ չեն ներկայացնում, սակայն դա չի նշանակում, որ դրանք կարելի է անտեսել:

Սրտի առիթմիա. ախտանշաններն ու պատճառները

Սրտի ռիթմի խանգարումների դեպքում հարկավոր է անմիջապես խորհրդակցել սրտաբանի հետ և հետևել նրա ցուցումներին: Սրտի անխափան աշխատանքի պահպանման համար բժիշկը կարող է նույնիսկ համապատասխան դեղամիջեցների կուրս նշանակել:

Ախտանշաններ

Առիթմիաները շատ դեպքերում ուղեկցվում են.

·         հևոցով, 

·         գլխապտույտներով, 

·         կրծքավանդակի հատվածում նկատվող ցավերով, 

·         սրտի զարկերի հաճախականության արագացմամբ կամ դանդաղեցմամբ, 

·         ուշագնացություններով 

·         ընդհանուր թուլությամբ:

Ռիսկի գործոններ

Առիթմիայի առաջացմանը կարող է նպաստել.

·         սրտամկանի կաթվածը, 

·         արյան գերճնշման սրումը կամ սրտի այլ հիվանդությունները, 

·         ալկոհոլային ըմպելիքների և կոֆին պարունակող ըմպելիքների չարաշահումը,

·         ծխելն ու այլ վատ սովորությունները, 

·         դեղորայքի ճարաշահումն ու գերդոզավորումը, 

·         շաքարային դիաբետի ծանր տեսակները, 

·         աթերոսկլերոզի զարգացումը, որի դեպքում խանգարվում է արյան հոսքը դեպի սրտամկան, 

·         սրտի փականների ախտաբանությունները, 

·         բնածին հակվածությունը, 

·         վահանաձև գեղձի և էնդոկրին համակարգի այլ օրգանների հիվանդությունները. հորմոնալ դիսբալանսը խիստ բացասաբար է ազդում սրտի աշխատանքի վրա: 

·         միկրոտարրերի պակասը:

Բուժզննում

Առիթմիայի ախտորոշման համար հարկավոր է.

·         մի քանի ժամ կամ նույնիսկ մի քանի օր անցկացված էլեկտրակարդիոգրամմա, 

·         էխոսրտագրություն, 

·         հատուկ փորձանմուշներ՝ հիմնված ֆիզիկական ծանրաբեռնվածության փոփոխությունների դեպքում սրտամկանի աշխատանքի վերահսկման վրա, 

·         սրտի խոռոչում տեղադրվող հատուկ փոքրիկ էլեկտրոդների միջոցով իրականացվող հետազոտություն (համարվում է ամենաարդյունավետ միջոցներից մեկը):

Առիթմիայի ժամանակին բուժումը, ինչպես նաև՝ առողջ ապրելակերպը թույլ կտան խուսափել բարդություններից, որոնցից ամենավտանգավորներն են սրտային անբավարարությունն ու սրտամկանի կաթվածը: Ռիսկային գոտում գտնվելու դեպքում պարբերաբար ստուգումները նույնպես համարվում են սրտի հիվանդությունների կանխարգելման արդյունավետ միջոց:

Նյութի աղբյուրը՝ zdorovgid.ru