Մարդկային մարմնի 10 պաշտպանիչ գործառույթները, որոնց մասին քչերը գիտեն

Մարդկային օրգանիզմը բազմաթիվ բարդ համակարգերի ընդհանրությունն է, որը հասկանալը շատ դժվար է: Նման համակարգերից մեկն էլ պաշտպանողականն է, որն աշխատում օրը 24 ժամ՝ պաշտպանելով օրգանիզմն արտաքին վնասակար գործոններից:

Ձեր ուշադրությանն ենք ներկայացնում մարդկային մարմնի 10 ամենակարևոր պաշտպանիչ գործառույթները.

Հորանջել

Հորանջելու հիմնական գործառույթը գլխուղեղը «տաքանալու» կամ գերծանրաբեռնվելու դեպքում հովացնելն է:

Փռշտալ

Սովորաբար մարդը փռշտում է, երբ քթի խոռոչում չափազանց շատ ալերգեններ, մանրէներ, փոշի և գրգռող այլ տարրեր են կուտակվում: Այս կերպ նա ազատվում է քթում կուտակված «աղբից»:

Ձգվել

Մարդը ձգվում է, որպեսզի նախապատրաստի օրգանիզմը օրվա ընթացքում սպասվող ֆիզիկական ծանրաբեռնվածությանը: Այդ ընթացքում պրկվում են մկանները, վերականգնվում է արյան շրջանառությունը և բարձրանում է տրամադրությունը:

Զկռտալ

Արագ ուտելու, սննդի մեծ պատառներ կուլ տալու կամ պարզապես շատ ուտելու դեպքում գրգռվում է թափառող նյարդը, որը կապված է ստամոքսի և ստոծանու հետ, ինչի հետևանքով մարդը սկսում է զկռտալ:

Միոկլոնիկ ջղաձգումներ

Սա այն զգացողությունն է, երբ մարդը պառկած է անկողնում և արդեն գրեթե քնել է, սակայն այդ պահին նրա ամբողջ մարմնի միջով կարծես էլետրական հոսանք է անցնում: Այդ պահին մարմնի մկաններն այնքան ուժեղ են կծկվում, որ մարդը նույնիսկ վեր է թռչում և անմիջապես արթնանում է:

Բանն այն է, որ քնելու պահին մարդու շնչառության հաճախականությունը կտրուկ նվազում է, անոթազարկը դանդաղում, իսկ մկանները թուլանում են, ուստի գլխուղեղը սխալմամբ այս ամենն ընկալում է որպես մահամերձ վիճակ և փորձում է փրկել մարդու կյանքը:

Մաշկի ուռչածություն խոնավության հետևանքով

Մատների մաշկի ուռչածությունը շատ մեծ նշանակություն ունի: Բանն այն է, որ երբ մարդը հայտնվում է խոնավ միջավայրում, նրա օրգանիզմը համարում է, որ այդտեղ կարող է սայթաքուն լինել, ուստի մաշկը սկսում է վերափոխվել՝ հարթ մակերևույթի վրա ավելի կայուն լինելու համար:

Հիշողության կորուստ

Մարդը սովորաբար կորցնում է հիշողությունը ոչ այնքան հաճելի դեպքերից կամ հիշողություններից հետո, քանի որ այս կերպ գլխուղեղը փորձում է ազատվել այդ տհաճ պահերից:

Սագամաշկ

Այս երևույթի առաջին և հիմնական գործառույթը մաշկի ծակոտիների միջոցով օրգանիզմից դուրս եկող ջերմության քանակության նվազեցումն է, ինչի շնորհիվ օրգանիզմն ավելի հեշտ է տաքանում անբարենպաստ պայմաններում:

Արտասուք

Բացի աչքերի լորձաթաղանթը պաշտպանելուց, արտասուքը նաև հոգեբանական պաշտպանություն են ապահովում: Գիտնականները կարծում են, որ սթրեսային իրավիճակներում օրգանիզմը ստեղծում  է գրգռման նոր, ավելի հզոր օջախ, որը կշեղի մարդու ուշադրությունը ցավից:

Հավելյալ զգայարաններ

Իրականում մարդու զգայարանները միայն 5-ը չեն: Ընդ որում՝ բոլոր զգայարանները կատարում են պաշտպանողական գործառույթ:

Նյութի աղբյուրը՝ takprosto.cc