Ինչպես շոգ եղանակին պաշտպանել ոտքերը երակների վարիկոզ լայնացումից

Ամռանը նույնիսկ հանգստանալիս մարդու երակները սաստիկ ծանրաբեռնված են լինում: + 23°C ջերմաստիճանի պայմաններում անոթների պատերը սկսում են լայնանալ, ինչը պայմանավորված է լինում ոչ միայն արևի ճառագայթների անմիջական ազդեցությամբ, այլև օդի ջերմաստիճանով: Նման պայմաններում դանդաղում է արյան հոսքը, առաջանում են այտուցներ, ցավ ու ոտքերում ծանրության զգացողություն:

Այս ամենի հետևանքով ի հայտ են գալիս կապտավուն «աստղիկներ», որոնք ժամանակին չբուժելու դեպքում հիվանդությունը կսկսի զարգանալ: Նման ախտանշանների ի հայտ գալու դեպքում հարկավոր է հետևել մի քանի պարզ խորհրդի, որոնք կօգնեն բուժել երակների վարկոզ լայնացումն ու կանխել հիվանդության հետագա զարգացումը:

Կոնտրաստային ցնցուղ

Կոնտրաստային ցնցուղը ոտքերում արյան շրջանառությունը կարգավորելու հիանալի միջոց է: Հարկավոր է ոտքերը 5-7 վայրկյան ցողել տաք (36- 38°C) ջրով, այնուհետև՝ 6 վայրկյան սառը ջրով: Հարկ է հիշել, որ արյան շրջանառությունը կարգավորելու համար այս պրոցեդուրան անհրաժեշտ է միշտ ավարտել սառը ջրով:

Հրաժարվել բարձրակրունկ կոշիկներից

Կոշիկները պետք է լինել եղանակին համապատասխան: Հարկ է հիշել, որ դրանց հարմարավետությունն անչափ կարևոր է, իսկ ցանկալի բարձրությունը չպետք է գերազանցի 4 սմ-ը:

Կրել բնական կտորներից պատրաստված հագուստ

Սինթետիկ կտորները թույլ չեն տալիս, որ մաշկը «շնչի» և խանգարում են նորմալ ջերմափոխանակությանը, ինչի հետևանքով շոգի ու նստակյաց ապրելակերպի պատճառով առաջացած այտուցներն ավելանում են

Կրել կոմպրեսիոն զուգագուլպաներ

Երակների վարիկոզ լայնացման դեպքում խորհուրդ է տրվում կրել կոմպրեսիոն զուգագուլպաներ և առհասարակ կոմպրեսիոն հագուտ, որը կնպաստի արյան շրջանառության բարելավմանը:

Հրաժարվել վնասակար սննդից

Բժիշկները խորհուրդ են տալիս հրաժավել սննդամթերքի այն տեսակներից, որոնք նմաստում են օրգանիզմում հեղուկի կուտակմանն ու այտուցների առաջացմանը: Դրանց շարքին են դասվում ապխտած սննդամթերքը, երշիկեղենը, աղի ընկույզներն ու սերմերը, ալկոհոլը, կիսաֆաբրիկատ սննդամթերքն ու արագ սնունդը: Հարկ է հիշել, որ արյունատար անոթների առողջության համար շատ օգտակար է մանրաթելերով, մրգերով, բանջարեղենով ու հացահատիկներով հարուստ սննդակարգը:

Բավարար քանակությամբ ջուր խմել

Բավարար քանակությամբ ջուր չստանալու դեպքում օրգանիզմը սկսում է շատ արագ ջրազրկվել, արյունը թանձրանում է, իսկ արյունատար անոթների վրա գործադրվող ծանրաբեռնվածությունը կտրուկ մեծանում:

Հետևել քաշին

Հարկ է հիշել, որ ավելորդ քաշը նպաստում է երակների վարիկոզ լայնացման  հետագա զարգացմանը և խանգարում է բուժմանը:

Հատուկ դեղամիջոցներ օգտագործել

Ոտքերը հարկավոր է ամեն օր մշակել հատուկ դեղամիջոցներով (քսուք, գել, հեղուկ և այլն), որոնք ամրապնդում են երակները:

Հրաժարվել ալկոհոլից

Նույնիսկ շատ քիչ քանակությամբ ալկոհոլը հանգեցնում է օրգանիզմի ջրազրկման և թանձրացնում է արյունը, ինչի հետևանքով էլ զգալիորեն մեծանում է անոթների վրա գործադրվող ծանրաբեռնավածությունը:

Նյութի աղբյուրը՝ hronika.info