Ինչ է հիպոթիրեոզը և որոնք են դրա հիմնական ախտանշանները

14:44 • 05.08.17

Վահանաձև գեղձը թիթեռի տեսք ունեցող օրգան է, որը գտնվում է պարանոցի առջևի հատվածում և պատասխանատու է վահանաձև գեղձի հորմոնների արտադրման համար: Այս հորմոններն անչափ կարևոր են և ազդում են մարդու գլխուղեղի, լյարդի, մկանների և օրգանիզմի այլ համակարգերի ու օրգանների աշխատանքի վրա:

Երբ վահանաձև գեղձը չի կարողանում արտադրել անհրաժեշտ քանակությամբ հորմոններ և դժվարանում է կատարել իր գործառույթները, առաջանում է մի վիճակ, որը կոչվում է հիպոթիրեոզ: Հիպոթիրեոզի առաջացմանը նպաստող ամենատարածված գործոններն են ճառագայթային թերապիաներն ու աուտոիմունային հիվանդությունները:

Վիրուսային հիվանդություններն ու յոդի դեֆիցիտը կարող են հանգեցնել վահանաձև գեղձի բորբոքման, որի դեպքում մարդու օրգանիզմը չի կարողանում ինքնուրույն յոդ արտադրել: Սա է պատճառը, որ նման դեպքերում շատ կարևոր է յոդով հարուստ սննդամթերք օգտագործելը՝ այդ թվում նաև յոգուրտ, կարտոֆիլ, ելակ, լոռամիրգ և այլն:

Հիպոթիրեոզը բավականին լուրջ հիվանդություն է, որը ժամանակին չբուժելու դեպքում կարող են առաջանալ առողջական բազմաթիվ խնդիրներ՝ ինչպիսին են կոման, դեպրեսիան (ընկճախտ) կամ սրտային անբավարարությունը: Սակայն հարկ է նշել, որ արյան հասարակ անալիզը կօգնի ժամանակին ախտորոշել հիվանդությունը, և այդ դեպքում դրանից կարել է հեշտությամբ ազատվել՝ պարզապես դեղահաբեր ընդունելով:

Մասնագետները նշում են, որ հարկավոր է շատ ուշադիր լինել սեփական օրգանիզմի հանդեպ, քանի որ այն միշտ փորձում է զգուշացնել խնդիրների առկայության մասին: Նույն կերպ այն ախտանշանների միջոցով տեղեկացնում է մարդուն հիպոթիրեոզի մասին, ուստի այդ ախտանշաններն իմանալը նույնպես կօգնի ժամանակին հայտնաբերել խնդիրն ու ազատվել դրանից:

Հիպոթիրեոզի առաջին ախտանշաններն են.

· մազերի չորությունը,

· հիշողության կորուստը,

· փորկապությունը,

· մաշկի գունատությունն ու կոշտությունը,

· դյուրագրգիռությունն ու դեպրեսիան,

· մկանային ցավերն ու ջղաձգումները,

· դաշտանային ցիկլի խանգարումները,

· հոգնածությունն ու թուլությունը:

Հարկ է նշել, որ հիպոթիրեոզի ախտանշանները տարբեր մարդկանց մոտ կարող են տարբեր լինել: Ոմանց մոտ հիվանդությունը կարող է դրսևորվել նշված ախտանշաններից մի քանիսով, իսկ ոմանց մոտ էլ այն կարող է ընթանալ առանց որևէ ախտանշանի: Սա է պատճառը, որ օրգանիզմում ցանկացած անհասկանալի փոփոխության դեպքում հարկավոր է անմիջապես խորհրդակցել բժշկի հետ և անհրաժեշտության դեպքում բուժզննում անցնել:

Նյութի աղբյուրը՝ healthandhealthyliving.com