Ամառային հագիստ երեխայի հետ. ինչպես խուսափել տրանսպորտի հետ կապված խնդիրներից

Ընտանիքով ճանապարհորդության գնալը բավականին հետաքրիքիր է, սակայն, եթե դուք հանգստանալու եք գնում դեռևս չքայլող երեխայի հետ, ապա անգամ մինչև ցանկալի հանգստավայրը հասնելու ճանապարհը կարող է մարդու համար վերածվել մղձավանջի:

 aif.ru-ն ներկայացրել որոշ գործոններ, որոնք հարկավոր է  հաշվի առնել, փոքրիկ երեխայի հետ ճանապարհորդելու դեպքում:

Երբեմն  ծնողները չեն էլ մտածում այն մասին, թե ինչպես են իրենց երեխաները, որոնց նրանք ցանկանում են ամեն կերպ կազդուրել ծովափին,  հաղթահարում մինչև հանգստավայր հասնելու ճանապարհն ու թռիչքը:

Այդ պատճառով, ցանկալի կլնի ծանոթանալ որոշ տրանսպորտային նրբությունների, որոնք արդիական են տարբեր տեսակի ճանապարհորդությունների դեպքում:

1.  Օդանավակայան գնալիս

Յուրաքանչյուր  մարդ իր քաղաքում բնականաբար գիտի թե ինչ  տաքսի ծառայությունից օգտվել: Սակայն մեքենա պատվիրելիս բացի անհրաժեշտ քանակությամբ ուղեբեռի տեղափոխման մասին մտածելուց, չմոռանաք նաև նախապես տաքսի  ծառայության դիսպետչերի հետ քննարկել նաև մեքենայի մեջ երեխայի  համար նախատեսված նստատեղի առկայության մասին:

Տաքսին հարկավոր է  նախապես պատվիրել:Եթե երեխան փոքր է ու դուք ճանապարհորդում եք մանկասայլակով, և բացի այդ այն նաև չի փակվում, ապա նման իրը մեքենայի բեռնախցիկում բավականին մեծ տեղ է զբաղեցնում: Այդ պատճառով խորհուրդ է տրվում  դիսպետչերի հետ նախապես նաև քննարկել մեքենայի տարողունակությունը(եթե տաքսի եք պատվիրում համացանցով, ապա  այդ ամենը մանրակրկիտ գրեք մեկնաբանությունների հավելվածում ):

2.  Մինչ ինքնաթիռը

Մանկահասակ երեխաներով ուղևորները կարող են մանկասայլակը չհանձնել ուղեբեռի հետ, կարող են  երեխային մանկասայլակով հասցնել մինչև օդանավասանդուղք ու թողնել այն նրա կողքին: Օդանավակայանի  կամ ավիաընկերության  աշխատակիցները  հոգ կտանեն տեղափոխման միջոցի մասին և այն կտեղափոխեն մանկասայլակների պահպանման համար նախատեսված հատուկ պահոց:

3.    Ինքնաթիռում

Ոչ բոլորը գիտեն, որ թռիչքի ժամանակ, մինչև 2 տարեկան երեխաները պետք է գտնվեն ծնողների գրկում և ընդ որում ամրագոտիով ամրացված:Այդ ամենի համար  գոյություն ունեն հատուկ հավելյալ ամրագոտիներ, որոնք ամրացվում են երեխային գրկած ծնողին:

Երեխայի համար կարող եք գնել նաև առանձին տեղ, որպեսզի մի քանի ժամ շարունակ երեխային գրկում չպահեք:

Որոշ ավիաընկերություններ անգամ  հնարավորություն են տալիս նորածին երեխաների համար ձեռք բերել առանձին տոմս, սակայն երեխաները պետք է լինեն հատուկ  թռիչքի համա թույլատրվող մանկական ավտոնստոցով(հակառակ դեպքում օդանավ չեն թողnի):Այդ պատճառով նախապես հարկավոր մանրակրկիտ հետաքրքրվել ու ճշտել ամեն ինչ: 

Մի շարք ավիաընկերություններ  նորածինների համար ունեն նաև հատուկ  օրորոցներ(մոտավորապես մինչև 10 կգ քաշով ու 70 սմ հասակով երեխաների համար), սակայն դրանք ամրացվում են միայն օդանավի մեջ որոշակի հատվածներում, որպես կանոն  էկոնոմ կարգի 1-ին շարքում:

Այդ շարքում նստելու ու երեխային օրորոցի մեջ դնելու ձեր ցանկության մասին ևս հարկավոր է  նախապես տեղեկացնել ավիաընկերությանը, որպեսզի  ձեզ համար նախապես ամրագրեն այդ տեղը, ապա գրանցման  ժամանակ արդեն կարող եք հաստատել այդ պատվերը:Այդ  բոլոր նրբությունները հարկավոր է   նախապես քննարկել  փոխադրող ընկերության հետ:

Եվ ի վերջո հարկավոր է  հիշել, որ երեխաների հետ ճանապարհորդողներին չի կարելի նստել վթարային ելքի մոտ, չնայած որ այդ հատվածը ավելի լայն է: Այդպիսին են անվտանգության կանոնները:

Գնացքում

Գնացքով ճանապարհորդելու դեպքում ստիպված կլինեք մանկասայլակը փաթեթավորել ուղեբեռի հետ: Սակայն փորձառու ճանապարհորդողները խորհուրդ չեն տալիս երեխայի մանկասայլակը շատ հեռու տեղ դնել, քանի որ բավականին մեծ է հավանականությունը, որ երեխան չի կարողանա քնել իր համար անծանոթ միջավայրում, հատկապես, եթե դուք չեք ճանապարհորդում առանձին վագոնի խցիկով, այլ ընտրել եք նստատեղով ճանապարհորդելու տարբերակը, որտեղ մարդիկ անդադար տեղաշարժվում են: Երեխային քնեցնելու համար կարող եք նախ նրա համար   դարակի վրա սավաններով փոքրիկ «տնակ» կառուցել, քանի որ փակ տարածության մեջ երեխան ավելի  հանգիստ կկարողանա քնել, սակայն, եթե դա էլ չի օգնում, ապա կարող եք փաթեթավորած տեղից հանել մանկասայլակն ու երեխային քնեցնել նրա մեջ՝ թեքելով դեմքը դեպի պատուհան, որպեսզի տեղաշարժվողները երեխային չխանգարեն քնել:Լավ կլինի, որպեսզի մանկասայլակը ծածկեք   սավանով ու այդ դեպքում երեխան հանգիստ կքնի:

Հարկավոր է  շատ ուշադիր լինել, քանի որ գնացքը կարող է կտրուկ արգելակել, կամ շրջադարձներին կտրուկ թեքվել, ինչի հետևանքով մանկասայլակը կարող է շարժվել և անգամ ընկնել: Այդ պատճառով, անգամ երբ երեխան քնած է, չի կարելի ոչ մի դեպքում երեխային տեսադաշտից դուրս թողնել: Կարող եք երեխային քնացնել մանկասայլակի մեջ, որից հետո նրան տեղափոխել քնելու համար նախատեսված «դարակի վրա» :

Հանգստավայրում

Եթե դուք ինքնուրույն եք  ամրագրել ճանապարհորդությունը, ապա բնականաբար ձեզ դիմավորող ու ճանապարհող մարդիկ չեն լինի , ուստի ինքներդ ստիպված կլինեք   հանգստավայրը հասնելու ու վերադառնալու պրոցեսը կազմակերպել: Եթե դուք ընտրել եք հասարակական տրանսպորտը, ապա նախապես տեղեկացեք երթուղու ժամանակացույցի  ու կանգառի գտնվելու վայրի մասին: Այդ տեղեկատվությունը, որպես կանոն, առկա  է նշված հանգստավայրի պաշտոնական էջում ու օդանավակայանում: Ծայրահեղ դեպքում գոյություն ունի օդանավակայանի /կայարանի տեղեկատու, որտեղ կարելի է զանգել ու ճշտել, ինչպես նաև հնարավոր է  համացանցում գտնել խմբեր և նմանատիպ մի շարք այլ տարբերակներ:

 Եթե պատվիրում եք տաքսի կամ տրանսֆեր, ապա այն պատվիրեք ու նախապես վճարեք, որպեսզի օդանավականայում մեքենա չփնթրեք ու խուճապի չմատնվեք ճանապարհորդության չափից շատ բարձր արժեքի պատճառով: Մեքենա պատվիրելիս անպայման հետաքրքրվեք մանկական ավտոնստատեղի առկայության մասին,  հաշվի առեք ուղեբեռի ու մանկասայլակի առկայությունը: Իսկ եթե դուք հանգստանալու եք գնում տաք երկրներ, նաև  հոգ տարեք մեքենայում օդափոխման համակարգի առկայության մասին:

 Իսկ եթե այնուամենայնիվ դուք գերադասում եք փոքրիկ երեխայի հետ ճանապարհորդել, չմոռանաք մանկասայլակի մասին,  հակառակ դեպքում օրվա վերջում ձեր  թևերն  այնքան կհոգնեն, որ կսկսեն ցավել, իսկ հանգստավայրի գեղեցկությունով հիանալիու ուժ բնականաբար չի լինի: