Որն է հորմոնների դերն օրգանիզմում և ինչ խնդիրներ կարող են առաջանալ հորմոնալ խանգարումների դեպքում

Հորմոնների մասին մարդիկ անընդհատ են լսում, սակայն քչերն են պատկերացնում, թե որքան կարևոր են դրանք օրգանիզմի համար:

Իրականում դրանք շատ կարևոր տարրեր են, քանի որ օրգանիզմում տեղի ունեցող ամեն ինչ կախված է հորմոններից: Որոշ հորմոններ նույնիսկ ստացել են երկրորդ ոչ պաշտոնական անվանում: Օրինակ՝ ացետիլխոլինն անվանվում է իմաստության ու լուսավորության հորմոն, դոպամինը, որը կարգավորում է մկանների աշխատանքն ու թեթևության զգացողություն է հաղորդում, անվանվում է «թռիչքի հորմոն», իսկ սերոտոնինը՝ երջանկության:

Հորմոնները կարգավորում են ոչ միայն օրգանիզմում տեղի ունեցող գործընթացները, այլև այդ բոլոր մեխանիզմների կապակցված աշխատանքը: Հորմոնները կառավարում են նույնիսկ մարդկանց սովորությունները, տրամադրությունը, հոգեվիճակը, պահվածքը և այլն:

Ներկայում մարդկանց օրգանիզմում կա մոտ 150 հորմոն, որոնք իրենց քիմիական կազմով բաժանվում են երեք խմբի.

·        Ստերոիդային. այս հորմոնները արտադրվում են սեռական գեղձերում ու մակերիկամների կեղևում:

·        Սպիտակուցապեպտիդային. սրանք հիպոթալամուսի, հիպոֆիզի, ենթաստամոքսային ու հարվահանաձև գեղձերի հորմոններն են, ինչպես նաև վահանաձև գեղձի հորմոններից մեկը՝ կալցիտոնինը:

·        Ամինաթթվային ածանցյալներ. սինթեզվում են մակերիկամներում ու էպիֆիզում: Այս հորմոնների շարքին են դասվում նաև վահանաձև գեղձի այն հորմոնները, որոնք յոդ են պարունակում:

Ինչ խնդիրներ են առաջանում հորմոնալ խանգարումների դեպքում

Այսպիսով՝ հորմոններն արտադրվում են գրեթե վայրկենաբարմ ներթափանցում արյան մեջ և արյան միջոցով տարածվում օրգանիզմում՝ ազդելով օրգանների աշխատանքի վրա: Սակայն երբեմն հորմոնների աշխատանքում տեղի են ունենում խանգարումներ, որոնք անպայման այս կամ այն կերպ ազդում են մարդու առողջական վիճակի վրա: Այդ խանգարումները հաճախ կարող են նույնիսկ կործանարար ազդեցություն ունենալ օրգանիզմի համար:

Օրինակ՝ հորմոնները կարող են նպաստել քաշի կտրուկ ավելացմանը, ազդել կնոջ պտղաբերության վրա, դառնալ մաշկային բշտիկների առաջացման պատճառ և այլն: Բացի այդ, հորմոնալ խանգարումներով կարող են պայմանավորված լինել նաև կանանց մոտ մազաթափությունը, երեխաների զարգացման ուշացումը և նույնիսկ դեպրեսիաներն ու տրամադրության տատանումները:

Ի դեպ՝ գիրության պատճառ կարող է դառնալ նաև քնի պակասը, քանի որ 8 ժամից քիչ քնելու դեպքում օրգանիզմը սկսում է ավելի շատ քաղցի հորմոն՝ գրելին արտադրել և ավելի քիչ հագեցվածության հորմոն՝ լեպտին: Այս ամենի հետևանքով մարդը սկսում է շատ ուտել և գիրանում է:

Ինչպես ստուգել օրգանիզմում հորմոնների մակարդակը

Օրգանիզմում հորմոնների մակարդակը ստուգելու կարելի է նույնիսկ ինքնուրույն: Դրա համար բավական է պարզապես հանձնել հատուկ անալիզներ: Սա ամենապարզ, բայց և ամենածախսատար ու սխալ միջոցն է:

Անալիզները տալիս են հստակ պատասխան, սակայն հորմոնները չափազանց շատ են և բոլորի մակարդակը ստուգելու համար հսկայական գումար է հարկավոր: Բացի այդ, մարդը կարող է հանձնել անալիզը, սակայն դրա պատասխանը հասկանալու համար նրան հատուկ կրթություն է հարկավոր:

Այսպիսով՝ հորմոնների մակարդակը ստուգելու ամենաճիշտ եղանակը բժշկին դիմելն է: Մասնագետը կնշանակի համապատասխան անալիզները՝ կախված հիվանդին անհանգստացնող ախտանշաններից, իսկ հետագայում այդ անալիզների արդյունքները կօգնեն բժշկին ճիշտ ախտորոշում տալ և նշանակել անհրաժեշտ բուժումը:

Նյութի աղբյուրը՝ kp.ru