Ինչ է բակտերիալ վագինոզը և որոնք են դրա ախտանշաններն ու բուժման եղանակները

Բակտերիալ վագինոզը հեշտոցի բնական միկրոֆլորայի խանգարումն է, որը պայմանավորված է վարակիչ հիվանդություններով: Այլ կերպ ասած՝ սա հեշտոցային դիսբակտերիոզն է: Ընդ որում՝ վիճակագրությունը ցույց է տվել, որ այս հիվանդությունն առավել հաճախ ախտահարում է երիտասարդ կանանց (18-27 տարեկան), ինչպես նաև այն կանանց, որոնք արդեն դաշտանադադարի ժամանակահատվածում են:

Էթիոլոգիան

Բակտերիալ վագինոզի դեպքում հիմնական խթանող գործոններն են.

·         երկար ժամանակ հակաբիոտիկների ընդունումը,

·         ցնցուղումը (спринцевание),

·         աղիների դիսբակտերիոզը,

·         նեղ ու անհարմար ներքնազգեստը,

·         անձնական հիգիենայի կանոնների խախտումը,

·         անորակ բեղմնականխիչ միջոցների օգտագործումը,

·         հակաբեղմնավորիչ մոմիկների օգտագործումը:

Այս հիվանդությունն առավել արագ է զարգանում այն կանանց մոտ, որոնք հաճախ են փոխում զուգընկերներին: Նաև վտանգված են մշտապես սթրեսային իրավիճակներում գտնվող, հորմոնալ ֆոնի խանգարումներ ու թույլ իմունային համակարգ ունեցող կանայք: Իրականում այս վարակիչ գործընթացի զարգացման պատճառները բավական շատ են:

Բակտերիալ վագինոզի ախտանշանները

Այս հիվանդությունն ունի վառ արտահայտված ախտանշաններ, սակայն բուժումը կարելի է սկսեմ միայն գինեկոլոգի ախտորոշումից հետո: Ոչ մի դեպքում չի կարելի զբաղվել ինքնաբուժությամբ, այլապես վիճակը կարող է ավելի վատանալ: Բակտերիալ վագինոզի զարգացման հետ մեկտեղ կարող են ի հատ գալ հետևյալ ախտանշանները.

·         հեշտոցի սուր, տհաճ հոտ,

·         այրոց (հատկապես միզելիս),

·         քոր ու այրոց սեռական ակտի ժամանակ,

·         ցավեր որովայնի ստորին հատվածում:

Այս դեպքում արտադրությունը բավական առատ է լինում (օրական մինչև 30 մգ), ունենում է տհաճ սուր հոտ (նման ձկան հոտին), մոխրագույն երանգ ու սովորականից ցածր թանձրություն: Ախտանշաններն առավել ակնհայտ են դառնում սեռական ակտից հետո:

Հարկ է հիշել, որ որոշ դեպքերում հիվանդությունն առհասարակ ոչ մի ախտանշան չի ունենում, ինչը զգալիորեն բարդացնում է ախտորոշումը: Միևնույն ժամանակ նման ախտանշանների առկայությունը ոչ միշտ է վկայում բակտերիալ վագինոզի մասին: Երբեմն նույն ախտանշանները վկայում են միզասեռկան կամ վերարտադրողական համակարգերի այլ հիվանդությունների մասին:

Պաթոգենեզ

Յուրաքանչյուր կնոջ օրգանիզմում կան մի շարք բակտերիաներ, որոնք միասին անվանվում են միկրոֆլորա: Առողջ միկրոֆլորայի հիմնական բակտերիաները լակտոբակտերիաներն են: Կողմնակի վարակի ներթափանցման դեպքում դրանք փոխարինվում են անաերոբներով, ինչի հետևանքով սկսում է զարգանալ վարակիչ գործընթաց՝ բակտերիալ վագինոզ կամ հեշտոցային դիսբակտերիոզ:

Պաշտոնական բժշկական վիճակագրության համաձայն՝ ներկայում այս հիվանդությունն ախտորոշվել է իգական սեռի ներկայացուցիչների 20%-ի մոտ: Ընդ որում՝ մեծ մասամբ ախտահարվում են 18-50 տարեկան կանայք:

Խնդրի ախտորոշումը

Հիվանդության հստակ ախտորոշման համար միայն ախտանշանները բավարար չեն՝ նույնիս, եթե դրանք վառ են արտահայտված: Հիվանդությունն ախտորոշելու համար հարկավոր է անցնել գինեկոլոգիական բուժզննում և հանձնել համապատասխան անալիզները: Միայն բոլոր անհրաժեշտ պրոցեդուրաներից հետո բժիշկը կարող է հստակ ախտորոշում տալ և նշանակել ճիշտ բուժումը:

Հետազոտման լաբորատոր մեթոդները ներառում են հետևյալ պրոցեդուրաները.

·         հեշտոցից վերցված քսուքի նմուշի հետազոտություն,

·         մեզի ընդհանուր անալիզ,

·         վարակիչ բջիջների հետազոտություն:

Հարկ է հիշել, որ հետազոտությունն անհրաժեշտ է ոչ միայն ախտորոշման համար, այլև վարակիչ բջիջների քանակության ու ախտաբանական գործընթացների հիմնական պատճառի որոշման համար:

Բակտերիալ վագինոզը հղիության ընթացքում

Հղիության ընթացքում առաջացած բակտերիալ վագինոզը հարկավոր է անպայման բուժել: Ընդ որում՝ հիվանդությունից հարկավոր է հնարավորինս շուտ ազատվել, քանի որ այն կարող է հանգեցնել այնպիսի բարդությունների, ինչպիսին են.

·         սաղմի վարակում մոր արգանդում,

·         վաղաժամ ծննդաբերական ցավեր,

·         վաղաժամ ծննդաբերություն,

·         ամնիոտիկ հեղուկի (հարպտղային ջրեր) վաղաժամ արտահոսք:

Պաթոգենեզը հղիության ժամանակ

Բակտերիալ միկրոֆլորան հանդիսանում է մոր ու սաղմի միջև կենսաքիմիական ռեակցիաների կատալիզատոր, ինչի արդյունքում արտադրվում է մի նյութ, որը կոչվում է պրոստագլանդին: Այս նյութն իր բաղադրությամբ նման է հորմոններին, ինչն էլ հանգեցնում է վաղաժամ ծննդաբերական ցավերի: Բացի այդ, միկրոֆլորայի նման խանգարումը կարող է դառնալ ամնիոտիկ հեղուկի և նույնիսկ պտղի ախտահարման: Նման ախտահարումը կարող է լուրջ հետևենքներ ունենալ՝ հանգեցնելով երեխայի մոտ ծանր ախտաբանություններ առաջացման ու անգամ մահվան:

Հղիության ժամանակ բակտերիալ վագինոզի առաջացման դեպքում կինը պետք է անհապաղ բուժում ստանա և գտնվի բժշկի հսկողության տակ: Վաղ փուլերում այս հիվանդությունը կարելի է հեշտությամբ բուժել, իսկ բուժումը ճիշտ անցկացնելու դեպքում ոչ մի բարդություն չի առաջանա:

Հիվանդության բուժումը

Մինչ բակտերիալ վագինոզի բուժումը սկսելը հարկավոր է հստակ պարզել հիվանդության առաջացման պատճառը: Սովորաբար բուժումն իրականացվում է երկու փուլով: Առաջին հերթին հարկավոր է ազատվել վարակիչ գործընթացի պատճառ դարձած ախտածին միկրոօրգանիզմներից, որից հետո անհրաժեշտ է «բնակեցնել» միկրոֆլորան օգտակար լակտոբակտերիաներով:

Դեղորայքային բուժման ժամանակ օգտագործվում են հատուկ մոմիկներ: Մոմիկների տեսքով հակաբիոտիկները հիանալի արդյունք են տալիս: Ընդամենը 2-3 մոմիկ օգտագործելուց հետո ցավն ու այրոցը գրեթե ամբողջությամբ անհետանում են, ինչը սակայն չի նշանակում, որ հիվանդությունը հաղթահարված է: Հարկ է հիշել, որ բակտերիալ վագինոզի բուժումը ոչ մի դեպքում չի կարելի ընդհատել:

Նաև հարկ է հիշել, որ հեշտոցային մոմիկները կարելի է օգտագործել միայն բժշկի նշանակման դեպքում: Դեղամիջոցի չափաբաժինն ու բուժման կուրսի տևողությունը նույնպես պետք է որոշի միայն գինեկոլոգը՝ հիշվի առնելով հիվանդի օրգանիզմի առանձնահատկություններ, ընդհանուր վիճակն ու խնդրի բարդության աստիճանը:

Բակտերիալ վագինոզի բուժումը կարող է հանգեցնել այլ ֆոնային հիվանդությունների զարգացման: Սովորաբար դա լինում է կաթնասնկախտը, ուստի հեշտոցի դիսբակտերիոզի բուժման հետ մեկտեղ նշանակվում են նաև դեղամիջոցներ կաթնասկախտի կանխարգելման համար:

Եթե բուժման կորսից հետո բակտերիալ վագինոզի ախտանշանները կրկնվում են, ապա հարկավոր է նորից բուժզննում անցնել և կրկնել բուժման կուրսը:

Շատ կարևոր է նաև բուժման ընթացքում սննդակարգը վերանայելը: Ճիշտ սննդակարգը դեղորայքային բուժման հետ համատեղելու դեպքում կարելի է հիանալի արդյունքի հասնել: Հարկ է հիշել, որ սննդակարգում պետք է անպայման ներառված լինի.

·         բիոկեֆիր,

·         յոգուրտ,

·         թթու կաղամբ:

Բացի այդ, օրգանիզմը պետք է ստանա իմունային համակարգի ամրապնդման համար անհրաժեշտ բոլոր վիտամինները:

Բուժման ընթացքում հարկավոր է բացառել սեռական հարաբերությունները՝ նույնիսկ պահպանակի օգտագործման դեպքում: Սակայն եթե կինն այնուամենայինիվ որոշում է սեքսով զբաղվել, ապա պետք է հաշվի առնի, որ հեշտոցի համար նախատեսված մոմիկները քայքայում են պահպանակը, ուստի այդ ժամանակահատվածում խորհուրդ է տրվում հակաբեղմնավորիչ դեղահաբեր ընդունել:

Հեշտոցի միկրոֆլորայի խանգարումը կյանքի համար վտանգավոր խնդիր չէ, սակայն այն անուշադրության մատնելու դեպքում կարող են առաջանալ բազմաթիվ բարդություններ: Այս հիվանդությունից տառապած կանայք հետագայում ավելի զգայուն են լինում միզասեռական համակարգի բորբոքային գործընթացների ու վարակների հանդեպ: Սակայն ժամանակին հիվանդությունը բուժելու դեպքում կարելի է խուսափել բարդություններից:

Բակտերիալ վագինոզի կանխարգելումը

Նման խանգարման առաջացման հավանականությունը հնարավոր չէ լիովին բացառել, սակայն կարելի է հասցնել նվազագույնի: Բակտերիալ վագինոզի առաջացումից հնարավորինս խուսափելու համար հարկավոր է.

·         տարեկան առնվազն երկու անգամ գինեկոլոգիական բուժզննում անցնել,

·         չկրել նեղ ու սինթետիկ կտորներից կարված ներքնազգեստ,

·         հետևել անձնական հիգիենային,

·         հնարավորինս խուսափել զուգընկերների հաճախակի փոփոխությունից:

Նաև հարկ է հիշել, որ ցանկացած ախտանշանի դեպքում հարկավոր է առաջին հերթին խորհրդակցել բժշկի հետ, այլ ոչ թե հետևել ուրիշների խորհուրդներին ու զբաղվել ինքնաբուժությամբ, քանի որ դա կարող է խիստ վտանգավոր լինել առողջության համար:

Նյութի աղբյուրը՝ simptomer.ru