5 բաղադրիչ, որոնք թունավորում են գլխուղեղը՝ առաջացնելով դեմենցիա, պարկինսոնիզ, Ալցհեյմերի հիվանդություն և այլ առողջական խնդիրներ

12:03 • 23.08.17

Ներկայում գոյություն ունեն բազմաթիվ թունավոր նյութեր, որոնք աղտոտում են աղիները, վնասում լյարդն ու գլխուղեղը: Սակայն մարդիկ կարող են հնարավորինս խուսափել դրանցից և պաշտպանել իրենց օրգանիզմը:

Ձեր ուշադրությանն ենք ներկայացնում 5 բաղադրիչ, որոնք թունավորում են գլխուղեղը և որոնցից հարկավոր է խուսափել ամեն կերպ:

1. Գլյուտեն

Գլյուտենը սպիտակուց է, որը պարունակվում է ցորենի, աշորայի և գարու մեջ: Այն կպչուն է և հաճախ կպչում է աղիների պատերին՝ առաջացնելով մարսողության ու իմունային համակարգի աշխատանքի խանգարում (օրինակ՝ ցելիակիա): Բացի այդ, գոյություն ունի նաև գլյուտենի հանդեպ ոչ բջջային զգայունություն հասկացությունը, որը հաճախ դառնում է նյարդային համակարգի և գլխուղեղի բորբոքային հիվանդությունների առաջացման հիմնական գործոնը:

Գիտականորեն ապացուցվել է, որ գոյություն ունի անմիջական կապ գլյուտենի հանդեպ զգայունության և գլխուղեղի, ողնուղեղի և պերիֆերիկ նյարդերի վրա ազդող խանգարումների վրա: Այս բաղադրիչը նաև կապված է հոգեկան խանգարումների, դեմենցիայի, կոգնիտիվ խանգարումների և մի շարք այլ խնդիրների հետ:

2. Արհեստական քաղցրացուցիչներ

Արհեստական քաղցրացուցիչները հայտնի են իրենց ցածր կալորիականությամբ, սակայն իրականում դրանք թունավոր են և կարող են շատ վտանգավոր լինել գլխուղեղի համար: Օրինակ ասպարտամը, որը բազմաթիվ քիմիական տարրերի համադրությունն է, նպաստում է գլխուղեղի ուռուցքի առաջացմանը:

Ասպարտամի գործածությունն առաջացնում է տարբեր ախտանշաններ, այդ թվում նաև միգրեն, խոսքի խանգարում, դեպրեսիա և անհանգստություն: Այն պարունակվում է մաստակների, քաղցրացուցիչների, արոմատիզացված ջրի, եգիպտացորենի փաթիլների, գազավորված ըմպելիքների, յոգուրտի, տարատեսակ սոուսների և շաքար չպարունակող այլ սննդամթերքի մեջ:

3. Նատրիումի գլյուտամատ

Սա աղի խտացված ձևն է, որն ավելացվում է սննդամթերքին համի բարելավման համար: Փաստացի այն «խաբում» է համի զգայարաններին ու գլխուղեղին՝ ստիպելով մտածել, թե սնունդը համեղ է: Այն նաև խթանում է դոֆամինի արտադրությունը:

Այս նյութը թունավոր է և կապված է գլխուղեղի վնասման և այլ նյարդաբանական հիվանդությունների (գայլախտ, դեմենցիա, Պարկինսոնի հիվանդություն, Ալցհեյմերի հիվանդություն և այլն) առաջացման հետ:

Այն սովորաբար պարունակվում է սոուսների, պահածոյացված ապուրների ու բանջարեղենի, արգանակների և այլ մշակված սննդամթերքի մեջ:

4. Ռաֆինացրած շաքար

Սա ամենատարածված և ամենավտանգավոր մթերքն է: Շաքարի պարբերաբար գործածությունը կապված է առողջական բազմաթիվ խնդիրների հետ, որոնք բացասաբար են ազդում գլխուղեղի վրա:

Այս մթերքը ճնշում է BDNF-ն (ուղեղի նյարդատրոֆիկ գործոն), աճի հորմոնը, որն առաջնային նշանակություն ունի գլխուղեղի համար:

BDNF-ն նոր կապեր է ստեղծում գլխուղեղի նեյրոնների միջև, որոնք շատ կարևոր են հիշողության գործառույթի համար: Ապացուցվել է, որ շիզոֆրենիայից ու դեպրեսայից տառապող մարդկանց օրգանիզմում BDNF-ի ցածր մակարդակի դեպքում շաքարի գործածությունը կարող է էլ ավելի վատացնել հիվանդի վիճակը:

Բացի այդ, զտված շաքարը բարձրացնում է բորբոքումների մակարդակը՝ խանգարելով իմունային ու մարսողական համակարգերի աշխատանքը: Քրոնիկ բորբոքումը բարձրացնում է շիզոֆրենիայի և դեպրեսիայի առաջացման հավանականությունը, ուստի այն մարդիկ, որոնք հաճախ են սթրեսի ենթարկվում, սակայն ուզում են բարելավել իրենց հոգեկան առողջությունը, պետք է հրաժարվեն ռաֆինացրած շաքարից:

5. Ֆտորիդ

Հասարակական խմելու ջրին ֆտորիդ ավելացնելու գաղափարն ամենավտանգավորներից է, քանի որ այս տարրը ոչ միայն վնասում է գլխուղեղը, այլև առհասարակ բացասաբար է ազդում առողջական ընդհանուր վիճակի վրա: Բազմաթիվ ուսումնասիրությունները ցույց են տվել, որ այս տարրը կապված է նաև IQ-ի ցածր մակարդակի հետ, ինչպես նաև բացասաբար է ազդում գլխուղեղի առողջության և հիշողության վրա:

Նյութի աղբյուրը՝ besthealthyguide.com