Ինչ փոփոխություններ տեղի կունենան օրգանիզմում, եթե մարդը 30 օր մաքուր ջրից բացի այլ ըմպելիք չօգտագործի

Մարդկային մարմնի բոլոր բջիջներն ունեն ջրի կարիք: Ջուրը կենսական նշանակություն ունեցող տարր է, սակայն շատ հաճախ մարդիկ ջուրը փոխարինում են գազավորված ըմպելիքներով, մեծ քանակությամբ սուրճով, թեյով, կաթով և անգամ ալկոհոլային ըմպելիքներով:

Իսկ ինչ կլինի, եթե մարդն ընդամենը 30 օրով դեն նետի իր սննդակարգից բոլոր կողմնակի ըմպելիքները, ջրից բացի՝ միևնույն ժամանակ ուրիշ ոչինչ չփոխելով ո՛չ սննդակարգում, ո՛չ առօրյայում:

Ջրից բացի բոլոր ըմպելիքները սննդակարգից բացառելու դեպքում մարդն առաջին հերթին խնայում է գումարը: Սակայն սա միակ առավելությունը չէ, քանի որ նման փոփությունը նաև դրական ազդեցություն է ունենում առողջական վիճակի վրա:

1.      Բարելավվում են ստեղծագործական ու մտավոր կարողությունները

30 օր միայն ջուր խմելու դեպքում գլխուղեղը սկսում է շատ ավելի արագ աշխատել: Գլխուղեղն արդյունավետ աշխատանքի համար ունի մեծ քանակությամբ թթվածնի կարիք, իսկ ջուրն այդ օրգանի աշխատանքն արագացնող լավագույն միջոցն է: Արդյունքում՝ մարդն ավելի հեշտ է կենտրոնանում և բարելավվում են նրա մտավոր կարողությունները: Օրական 8-10 բաժակ ջուրը կբարելավի մտավոր կարողությունները 30%-ով:

2.      Երիտասարդանում է օրգանիզմը

Խմելու ջուրն օգնում է դանդաղեցնել ծերացման գործընթացները՝ պահպանելով մաշկի ջրային բալանսը: Այն խոնբավեցնում է մաշկը, պահպանում դրա առողջությունը, նրբությունն ու հարթությունը: Ջրի շնորհիվ մաշկը մնում է երիտասարդ ու չի պատվում կնճիռներով: Բացի այդ, այն նաև պահպանում է մկանային տոնուսը:

Սակայն հարկ է հիշել, որ նման արդյունքի կարելի է հասնել միայն հասարակ մաքուր ջրի միջոցով: Այն ոչ միայն կօգնի երիտասարդացնել օրգանիզմը, այլև կազատի գլխացավերից, կթարմացնի մաշկն ու կբարելավի օրգանիզմի ընդհանուր վիճակը:

3.      Բարելավվում է իմունային համակարգի աշխատանքը

Ջուրը լավագույն բուժիչ միջոցն է: Այն խթանում է օրգանիզմի գործառույթները: Օրական բավարար քանակությամբ ջուր օգտագործելու դեպքում կարելի է կարգավորել լյարդի ու երիկամների աշխատանքը, իսկ այդ օրգանները պատասխանատու են օրգանիզմը տոքսիկ նյութերից ու աղերից մաքրելու համար:

Մասնագետները նշում են, որ ջրի շնորհիվ կարգավորվում է pH հաշվեկշիռը, նվազում է երիկամներում քարերի առաջացման մակարդակը և սկսում են ավելի քիչ անհանգստացնել տարատեսակ ցավերը:

4.      Բարելավվում է սրտի առողջությունը

Ջրի շնորհիվ նվազում է սրտի նոպայի հավանականությունը, քանի որ արյունը ջրիկանում է, իսկ զարկերակային ճնշումը՝ նվազում:

Քնելուց առաջ մի բաժակ ջուր խմելը կկանխի սրտի նոպան ու գլխուղեղի կաթվածը: Ընդամենը մի բաժակ ջրի շնորհիվ կբարելավվի թթվածնի մատակարարումը սրտին ու մյուս օրգաններին:

5.      Ամրապնդվում են ոսկորները

Ջուրն օգնում է վերականգնել աճառային հյուսվածքները, ինչի շնորհիվ հոդերն ավելի սահուն են շարժվում, ծանրաբեռնվածությունը նվազում է և հոդերը չեն վնասվում:

6.      Նվազում է ենթամաշկային ճարպը

Ջուրը դուրս է բերում վնասակար տոքսիններն ու շլակները կենսական նշանակություն ունեցող օրգաններից, ինչը շնորհիվ մարմինը մաքրվում և սկսում է ազատվել նաև ավելորդ ճարպերից:

Սկզբնական շրջանում մարմնի զանգվածը կարող է մի փոքր ավելանալ, քանի որ օրգանիզմը փորձում է կուտակել ընդունած ջուրը, սակայն որոշ ժամանակ անց ամեն ինչ կկարգավորվի: Բացի այդ, ջուրը կնվազեցնի նաև ուտելու ցանկությունը, ինչի շնորգիվ օրգանիզմը կմաքրվի, իսկ ավելորդ քաշը կնվազի:

Մասնագետները խորհուրդ են տալիս ուտելուց առաջ 1-2 բաժակ ջուր խմել: Դա կբարելավի մարսողությունը և թույլ չի տա չափից դուրս շատ ուտել:

7.      Բարելավվում է նյութափոխանակությունը

Ուսումնասիրությունները ցույց են տվել, որ խմելու ջրի մշտական գործածությունը խթանում է նյութափոխանակության գործընթացները: Առավոտյան արթնանալուց անմիջապես հետո կես լիտր ջուր խմելու դեպքում նյութափոխանակության գործընթացներն արագանում են 24%-ով, ինչը նշանակում է, որ արագանում են կենսական նշանակություն ունեցող քիմիական ռեակցիաները:

Նյութի աղբյուրը՝ econet.ru