10 արտահայտություն, որոնց շնորհիվ երեխաները մեծանում են որպես ինքնավստահ ու նպատակասլաց մարդ

Մայրիկներն ընտանիքի սիրտն ու հոգին են: Նրանք ոչ միայն հոգ են տանում երեխաների մասին, այլև քաջալերում են նրանց ու ուժ են տալիս դժվար պահերին:

Հաճախ մայրիկների ասած ընդամենը մի խոսքը վստահություն ու սեփական արժանապատվության զգացում են ներշնչում երեխաներին՝ թույլ տալով հավատալ սեփական ուժերին:

Ձեր ուշադրությանն ենք ներկայացնում 10 արտահայտություն, որոնց շնորհիվ երեխաներն մեծանում են որպես ինքնավստահ ու նպատակասլաց մարդ:

1.      Դու գեղեցկուհի ես

Այս արտահայտությունը կարող է կապ չունենալ արտաքին գեղեցկության հետ: Սա հարկավոր է ասել, երբ երեխան որևէ լավ արաք է անում, ճիշտ որոշում է կայացնում կամ բարի գործ է անում: Սա փոքրիկին կսովորեցնի, որ իրական գեղեցկությունը մարդու ներսում է և նրա արարքներում, իսկ արտաքին գեղեցկությունն այդքան էլ կարևոր չէ:

2.      Դու հիանալի մայր կլինես

Երեխան այս խոսքերը պետք է միշտ լսի: Սա կօգնի հետագայում վստահել սեփական ուժերին և իսկապես լավ մայր լինել:

3.      Ցավում եմ, որ ստիպված ես եղել դրա միջով անցնել

Մայրը միշտ պետք է իմանա, թե ինչ է տեղի ունենում իր երեխայի հետ: Եթե նույնիսկ նա չի կարող օգնել, ապա պետք է իր աջակցությունն արտահայտի և միշտ նրա կողքին լինի: Կարեկցանքը շատ կարևոր է: Դա կօգնի երեխային հետագայում առողջ ու վստահության վրա հիմնված հարաբերություններ կառուցել մարդկանց հետ:

4.      Ի՞նչ ես ուզում անել

Մայրը չպետք է թելադրի երեխային, թե ինչ պետք է նա անի: Նույնիսկ եթե երեխան նույն սխալներն է կրկնում ու ոչ ճիշտ որոշումներ է կայացնում, մայրը պետք է ցույց տա, որ վստահում է նրան:

5.      Դու կգտնես ճիշտ ելքն այս իրավիճակից

Որոշումներ կայացնելու կարողությունը շատ կարևոր է սեփական անձի հանդեպ հարգանքի զգացումի ձևավորման համար, ուստի երեխայի ենթադրությունները պետք չէ քննադատության ենթարկել: Պարզապես հարկավոր է միշտ նրա կողքին լինել՝ անգամ, եթե նա սխալներ է գործում:

6.      Հրավիրիր ընկերներիդ մեր տուն

Հարկավոր է միշտ գրկաբաց ընդունել երեխայի ընկերներին, նույնիսկ եթե անգամ նա տանը չէ: Դա կսովորեցնի երեխային, որ պետք չէ անհանգստանալ տան իդեալական մաքրության կամ համեղ ուտեստների մասին, քանի որ առաջնայինը մարդիկ են:

7.      Ես աղոթում եմ քեզ համար

Հարկավոր է միշտ աղոթել: Ընդ որում՝ աղոթել ոչ միայն սեփական երեխայի, այլև նրա ընկերների, նրանց ծնողների ու բարեկամների համար: Սա կսովորեցնի երեխային հետագայում աղոթել նաև իր երեխաների ու ընկերների համար և կօգնի ներդաշնակ լինել սեփական անձի հետ:

8.      Ես սիրում եմ քեզ

Այս խոսքերը հարկավոր է կրկնել շատ հաճախ: Սրանք ամենակարևոր խոսքերն են, որ պետք է ասի մայրը երեխային:

9.      Գնա ու լավ ժամանակ անցկացրու

Երեխաները հաճախ են խաղեր խաղում, ուրախանում ու ծիծաղում, իսկ երբ մեծանում են կարոտում են այդ պահերը: Այս խոսքերը հարկավոր է ասելշատ հաճախ՝ նույնիսկ, երբ երեխան արդեն ինքն էլ հասուն է: Երբեմն հարկավոր է անգամ նրա կամքին հակառակ ստիպել, որ նա գնա և լավ ժամանակ անցկացնի՝ առանց որևէ բանի մասին անհանգստանալու:

Նաև պետք չէ մոռանալ հարցնել նրա ստացած տպավորությունների մասին և անպայման ուրախանալ նրա հետ: Սա ցույց կտա արդեն հասուն «երեխային», որ նրա մասին հոգ տանել երջանկություն է, ինչպես և երջանկություն է նրա երեխաների մասին հոգ տանելը:

10.  Ես հպարտանում եմ քեզնով

Մարդու համար մեծ երջանկություն է լսել այն, որ որևէ մեկը հպարտանում է իրենով՝ անկախ ամեն ինչից: Երեխան պետք է մեծանա՝ վստահ լինելով, որ ինքն էլ կարող է հպարտանալ իրենով:

Նյութի աղբյուրը՝ xochu-vse-znat.ru