Վիտամին, որի դեֆիցիտը կարող է դառնալ պսորիազի, Պարկինսոնի հիվանդության ու քաղցկեղի առաջացման պատճառ

Պսորիազն իմունային համակարգի հիվանդություն է, որը դրսևորվում է մաշկի վրա բջիջների կուտակմամբ: Այս հիվանդության հետևանքով առաջանում են կարմիր, խիտ, թեփուկավոր հետքեր, որոնք շատ ցավոտ են ու ստիպում են հիվանդին անդադար քորել ախտահարված մաշկը: Իրականում պսորիազը շատ ավելի լուրջ հիվանդություն է, քան շատերն են կարծում:

Չնայած, որ պսորիազը դրսևորվում է մաշկի վիճակի փոփոխությամբ, այն աուտոիմունային հիվանդություն է: Նման ռեակցիա է տեղի ունենում, երբ T-բջիջները հարձակվում են առողջ մաշկային բջիջների վրա:

Գերակտիվ T-բջիջներն առաջացնում են իմունային ռեակցիաներ, որոնք արագացնում են մաշկի բջիջների աճը, ինչն էլ իր հերթին ստիպում է դրանց մի քանի օր անց տեղափոխվել մաշկի արտաքին շերտի վրա: Քանի որ մահացած բջիջները չեն կարող այդքան արագ հեռացվել, դրանք կուտակվում են՝ առաջացնելով պսորիազին հատուկ բծեր, ինչը լրջորեն ազդում է հիվանդի կյանքի որակի վրա:

Բացի այդ, պսորիազից տառապող հիվանդների մոտ բարձր է նաև այլ հիվանդությունների առաջացման վտանգը (օրինակ՝ արյան գերճնշում, սրտի հիվանդություններ, 2-րդ տիպի շաքարային դիաբետ ու աչքի հիվանդություններ):

Վիտամին D-ն շատ մեծ նշանակություն ունի աուտոիմունային հիվանդությունների, այդ թվում նաև պսորիազի հարցում: Այս հիվանդությունից տառապողները պետք է մշտապես հետևեն վիտամին D-ի մակարդակին և թույլ չտան, որ այն նորմայից շեղվի: Այս վիտամինն ազդում է որպես հզոր իմունամոդուլյատոր, ուստի զարմանալի չէ, որ շատ կարևոր է պսորիազի կանխարգելման համար:

Համարվում է, որ այս վիտամինն ազդում է պսորիազի վրա մի քանի փուլով: Այն կարգավորում է մաշկային բջիջների աճն ու ազդում T-լիմֆոցիտների գործառույթների վրա: Բացի այդ, այն նաև արգելակում է տոքսիկ T-բջիջները, որոնք հետագայում օգնում են կարգավորել մաշկային բջիջների աճը:

Պսորիազի բուժման ժամանակակից մեթոդները շատ վտանգավոր են ու թանկարժեք, ուստի այս հիվանդության դեպքում խորհուրդ է տրվում կարգավորել օրգանիզմում վիտամին D-ի մակարդակը:

Պսորիազի լավագույն բուժումն արևի ճառագայթներն են, որոնք օգնում են բարձրացնել վիտամին D-ի մակարդակը:

Բացի պսորիազից, վիտամին D-ի ցածր մակարդակը կապված է նաև Պարկինսոնի հիվանդության ու քաղցկեղի հետ: Պսորիազից տառապողների մոտ պարկինսոնիզմի առաջացման բարձր հավանակությունը պայմանավորված է վիտամին D-ի ցածր մակարդակով:

Միևնույն ժամանակ ուսումնասիրությունները նաև ցույց են տվել, որ այս վիտամինի բարձր մակարդակն օգնում է նվազեցնել մահացության մակարդակը զարգացող կոլորեկտալ քաղցկեղից տառապողների շրջանում:

Նյութի աղբյուրը՝ besthealthyguide.com