Որոնք են մարմնի տարբեր հատվածների տհաճ հոտի պատճառ և ինչպես կարելի է ազատվել դրանից

Մարդկային քրտինքն իրականում հոտ չունի, սակայն քրտնելու դեպքում շատերի մարմնից տհաճ հոտ է գալիս: Քրտինքը հիմնականում երկու գործառույթ է իրականացնում: Կան գեղձեր, որոնք քրտինք են արտադրում մարմնի ջերմաստիճնն իջեցնելու և գերտաքացումից պաշտպանելու համար, իսկ կան այնպիսինները, որոնց արտազատուկն ավելի թանձր է և որոնք հիմնականում գտնվում են թևատակերի և աճուկային հատվածում:

Այդ գեղձերի արտադրած քրտինքը ոչ մի դեպքում հոտ չի ունենում, սակայն մարդու մաշկի վրա կան մանրէներ, որոնք «հարձակվում» են այդ արտազատուկի վրա և քայքայում, ինչի հետևանքով տհաճ հոտ է առաջանում:

Հարկ է հիշել, ոչ տհաճ հոտից ազատվելու համար առաջին հերթին անհարժեշտ է չմոռանալ հիգիենայի մասին և լվացվել ամեն առավոտ ու երեկոյան:

Բացի այդ, անհրաժեշտ է անպայման հակաքրտինքային միջոցներ օգտագործել, որոնք նվազեցնում են արտազատվող քրտինքի քանակը:

Առատ քրտնարտադրությանը նպաստում է նաև մազածածկույթը, ուստի հարկավոր է սափրել անցանկալի մազերը կամ օգտագործել մազահեռազման այլ միջոցներ:

Բացի այդ, բժիշկներն առաջարկում են մի մեթոդ, որը թույլ կտա 6 ամսով մոռանալ թևատակերի քրտնարտադրության մասին: Այս դեպքում պարզապես թևատակերի հատվածում բոտուլիզմի տոքսինի ներարկումներ են արվում, ինչը 6 ամսով արգելակում է քրտնարտադրությունը: Սա հատկապես հարմար է ամռան ամիսներին: Բացի այդ, այս մեթոդը կարող է հիանալի տարբերակ լինել չափազանց առատ քրտնարտադրությունից տառապողների համար:

Հեշտոցի տհաճ հոտ

Տհաճ հոտի պատճառ կարող են դառնալ նաև հեշտոցի հետ կապված խնդիրները: Եթե կնոջ հեշտոցում սկսում են բազմանալ բակտերիաները, առաջանում է ախտածին միջավայր և դրա հետևանքով կարող է ի հայտ գալ ձկան հոտ հիշեցնող տհաճ հոտ: Սա վագինոզի կամ հեշտոցի բորբոքման ախտանշան է, ինչը նշանակում է, որ հարկավոր է շտապ դիմել բժշկին:

Բացի այդ, հարկավոր է հիշել նաև ինտիմ հիգիենայի մասին և օրական երկու անգամ լվանալ ինտիմ հատվածները: Նաև հարկ է հիշել, որ սինթետիկ կտորները նպաստում են առատ քրտնարտադրությանն ու բակտերիաների բազմացմանը, ուստի անհրաժեշտ է միշտ կրել բամբակյա ներքնազգեստ:

Շատ արդյունավետ կարող է լինել նաև տալկը: Այս փոշին ներծծում է խոնավությունը և պահպանում է չորությունը, իսկ առանց խոնավության չեն բազմանում նաև մանրէները:

Ոտքերի տհաճ հոտ

Ոտքերի տհաճ հոտը պայմանավորված է լինում ոչ միայն մանրէներով, այլև ոտնաթաթի մաշկի և եղունգների վրա «բնակվող» տարատեսակ սնկերով: Հենց այդ սնկերն են դառնում ոտքերի տհաճ հոտի պատճառ, որից ազատվելու համար հարկավոր է, առաջին հերթին, օրական երկու անգամ՝ առավոտյան ու երեկոյան լվանալ ոտքերը: Սակայն միայն ոտքերը լվանալը կարող է բավական չլինել, ուստի անհրաժեշտ է նաև բուժզննում անցնել, քանի որ տհաճ հոտը կարող է պայմանավորված լինել նաև սնկային վարակով:

Բացի այդ, գոյություն ունեն ժողովրդական միջոցներ, որոնք կօգնեն ազատվել ոտքերի տհաճ հոտից: Օրինակ կարելի է ոտքերը դնել թեյի թուրմի կամ նույնիսկ օղու մեջ:

Բերանի խոռոչի տհաճ հոտ

Բերանի խոռոչի տհաճ հոտի պատճառը միկրոօրգանիզմներն են, որոնք սկսում են բազմանալ խոնավ միջավայրում: Սակայն աշխարհում չկա որևէ մեկը, ում բերանի խոռոչում մանրէներ չլինեն, ուստի այս խնդրից ազատվելու համար պարզապես հարկավոր է հետևել բերանի խոռոչի հիգիենային.

·        մաքրել ատամները,

·        կատարել ողողումներ,

·        մաքրել լնդերը,

·        մաքրել լեզուն:

Ընդ որում՝ այս պրոցեդուրաները հարկավոր է կատարել օրական երկու անգամ՝ առավոտյան ու երեկոյան:

Բացի այդ, բերանի խոռոչի մաքրությունը կարելի է պահպանել նաև ճիշտ սննդամթերքի՝ կոպիտ մանրաթելերով հարուստ բույսերի օգնությամբ:

Լավագույն մթերքը նեխուրն է, որը ծամելու ընթացքում արտադրվում է մեծ քանակությամբ թուք, ինչի շնորհիվ բերանի խոռոչը «լվացվում» է: Շատ արդյունավետ են նաև մրգաթթվով հարուստ մրգերը: Նման մրգերից լավագույնը խնձորններն են, որոնք հարկավոր է հնարավորինս շատ ուտել:

Նյութի աղբյուրը՝ lady-21vek.ru