Ինչ վիտամիններ, հանքանյութեր ու բույսերն են հարկավոր օստեոպորոզն և գլխապտույտը միաժամանակ բուժելու համար

Գիտնականների վերջին ուսումնասիրությունները ցույց են տվել, որ գլխապտույտների և օստեոպորոզի միջև կա ակնհայտ կապ: Մասնագետները ենթադրում են, որ այդ խնդիրներից որևէ մեկի առկայության դեպքում անպայման ի հայտ կգա նաև մյուսը, ինչը զարմանալի չէ, քանի որ դրանք պայմանավորված են լինում նույն պատճառով և բուժումներն էլ երկու հիվանդության դեպքում շատ նման են լինում:

Սակայն մասնագետները վստահ են, որ տարբեր վիտամինների, հանքանյութերի ու դեղաբույսերի համադրությունը կօգնի բուժել ինչպես գլխապտույտը, այնպես էլ օստեոպորոզը:

Օստեոպորոզի և գլխապտույտի միջև կապը խիստ ակնհայտ է հատկապես կանանց մոտ: Ուսումնասիրությունները ցույց են տվե, որ գլխապտույտներից տառապող հիվանդների 75%-ը միևնույն ժամանակ տառապում է նաև օստեոպորոզից:

Չնայած, որ գլխապտույտը կարող է առաջանալ բազմաթիվ այլ խնդիրների հետևանքով, միևնույն է հիմնական պատճառը համարվում են կալցիումի կարբոնատի ազատ բյուրեղները, որոք շարժվում են ներքին ականջի զգայուն խողովակներով:

Ինչպես գլխապտույտը, այնպես էլ օստեոպորոզը հիմնականում անհանգստացնում են հետդաշտանադադարային տարիքի կանանց, քանի որ էստրոգենի ցածր մակարդակը նրանց օրգանիզմում հանգեցնում է նրան, որ ոսկորները սկսում են ավելի շատ կալցիում արտազատել արյան մեջ, իսկ «ազատ» կալցիումի մակարդակի բարձրացումը թույլ չի տալիս օրգանիզմին ազատվել ներքին ականջում գտնվող բյուրեղներից:

Կալցիումը գլխապտույտներից ու օստեոպորոզից ազատվելու հիմնական բնական միջոցներից է:

Մասնագետներն ապացուցել են, որ կալցիումի հավելումները դանդաղեցնում են հետդաշտանադադարի տարիքի կանանց մոտ ոսկրային հյուսվածքների կորուստը, սակայն այնուամենայնիվ համարվում է, որ էստրոգենի, գլխապտույտների և ոսկրային զանգվածի կորստի միջև կապը միանշանակ չէ, քանի որ վտանգված են նաև գլխապտույտներից տառապող տղամարդիկ:

Սա է պատճառը, որ, անկախ դաշտանադադարի ժամանակ ընդունած կալցիումի հավելումներից, և՛ տղամարդիկ, և՛ կանայք պետք է ցանկացած տարիքում պարբերաբար կալցիում ընդունեն: Իրականում բժիշկները խորհուրդ են տալիս բավարար քանակությամբ կալցիում ընդունել դեռ վաղ հասակից:

Կալցիումն առհասարակ ամենակարևոր հանքանյութերից է, որը հարկավոր է ոսկորների կազմավորման համար: Այս տարրի պակասի հետևանքով ոսկորները դառնում են փխրուն և բարձրանում է կոտրվածքների վտանգը: Բացի այդ, կալցիումը համարվում է գլխապտույտի դեմ լավագույն միջոցներից մեկը, քանի որ ազատում է ներքին ականջի բյուրեղներից:

Հավելյալ միջոցներ՝ գլխապտույտն ու օստեոպորոզը բուժելու համար

Կալցիումից բացի հարկավոր է հիշել նաև մագնեզիումի և վիտամին D-ի մասին, քանի որ առանց այս տարրերի կալցումը դժվար է յուրացվում: Սա է պատճառը, որ հարկավոր է համադրել այս տարրերը:

Բացի այդ, գոյություն ունի մի բույս, որը նույնպես հիանալի միջոց է գլխապտույտների և օստեոպորոզի բուժման համար: Խոսքը գինկգո երկբլթակի (gingko biloba)՝ չինական մի բույսի մասին է, որն առհասարակ շատ օգտակար է առողջության համար: Ուսումնասիրությունները ցույց են տվել, որ այս բույսը բարելավում է օստեոպորոզից տառապող մարդկանց ոսկորների վիճակը: Այս օգտակար բույսը կարելի է գնել ինչպես չորացրած վիճակում, այնպես էլ դեղապատիճների, դեղահաբերի և հյութահանուկների տեսքով:

Նյութի աղբյուրը՝ besthealthyguide.com