10 ախտանշան, որոնք վկայում են քրոնիկական հոգնածության մասին

Քրոնիկական հոգնածությունը լուրջ խնդիր է և մշտական քնկոտությունը, ուժերի անկումն ու թույլ իմունիտետն այդ վիճակի միակ ախտանշանները չեն: Կան մի շարք քիչ ակնհայտ, սակայն ոչ պակաս կարևոր ախտանշաններ:

Որոշ բժիշկներ կարծում են, որ քրոնիկական հոգնածության համախտանիշի համար պատասխանատու են մակերիկամները, քանի որ հենց այդ օրգաններն են արտադրում ադրենալին ու կորտիզոլ հորմոնները: Ադրենալինն անհրաժեշտ է վտանգի ժամանակ օրգանիզմի ակտիվացմամբ արագ արձագանքելու համար (հարձակում), իսկ կորտիզոլը պատասխանատու է ինքնապահպանման համար (փախուստ): Այս հորմոնների բալանսն ապահովում է սթրեսի ժամանակ անհրաժեշտ բոլոր արձագանքները, սակայն քրոնիկական հոգնածության ժամանակ մակերիկամները չեն արտադրում անհրաժեշտ քանակությամբ հորմոններ, ինչի հետևանքով էլ մարդը դառնում է անտարբեր ու ընկճված:

Ձեր ուշադրությանն ենք ներկայացնում քրոնիկական հոգնածության ոչ ակնհայտ ախտանշանները.

1.      Անընդհատ քաղցր ուտելու անհրաժեշտություն

Եթե մարդը սովորաբար անտարբեր է քաղցրավենիքի հանդեպ, սակայն վերջին շրջանում առանց շոկոլադի գլխապտույտներ է ունենում, անոթազարկն արագանում է և ի հայտ է գալիս տագնապի զգացողություն, ապա խնդիրը պայմանավորված է քրոնիկական հոգնածությամբ:

2.      Խնդիրներ՝ կապված ուշադրության կենտրոնացման հետ

Գերհոգնածության մասին կարող է վկայել նաև անուշադրությունը: Այս դեպքում մարդը չի կարողանում ուշադրությունը կենտրոնացնել որևէ աշխատանքի վրա, նա անընդհատ կենտրոնանում է մեկ այլ բանի վրա և այս ամենի հետևանքով առաջանում է այնպիսի զգացողությունը, կարծես հոգսերն անընդհատ կուտակվում են:

3.      Խառնաշփոթ մտքերում

Եթե մարդը դառնում է մոռացկոտ, նրա մտքերում անընդհատ խառնաշփոթ է տիրում, նա կենտրոնանում է անկարևոր մանրուքների վրա, խոսքը պարբերաբար ընդհատվում է և նա չի կարողանում հստակ ձևակերպել մտքերը, ապա պատճառը քրոնիկական հոգնածությունն է:

4.      Անբացատրելի ցավեր

Քրոնիկական հոգնածության դեպքում շատ հաճախ առաջանում են նաև մկանային ցավեր, որոնք պայմանավորնած չեն ծանրաբեռնվածությամբ կամ վնասվածքներով: Սովորաբար նման ցավերն անհանգստացնում են գիշերվա ժամերին: Սակայն քրոնիկական հոգնածությունը կարող է դրսևորվել նաև գլխացավով, ոսկորների կամ աչքերի ցավով:

5.      Մշտապես «մի փոքր հիվանդ» լինելու ախտանշաններ

Քրոնիկական հոգնածության դեպքում հաճախ առաջանում են նախագրիպային ախտանշաններ, որոնք հատուկ են նաև սուր շնչառական վարակներին: Ընդ որում՝ հիվանդությանը հատուկ վառ արտահայտված ախտանշաններ, որպես կանոն, չեն լինում: Նման վիճակը կարող է պահպանվել շաբաթներ շարունակ առանց որևէ փոփոխության:

6.      Նկատելի որովայն

Եթե մարդու քաշը չի ավելանում, սակայն որովայնն առավել նկատելի է դառնում, ապա խնդիրը պայմանավորված է ոչ թե գազերով, այլ քրոնիկական հոգնածությամբ:

7.      Ախորժակի վատացում՝ առանց քաշի փոփոխության

Եթե սնունդը տհաճ է և մարդը դադարել է նորմալ սնվել, սակայն միևնույն ժամանակ քաշի փոփոխություն չկա, ապա հարկավոր է միջոցներ ձեռնարկել, քանի որ նման վիճակի պատճառը քրոնիկական հոգնածությունն է:

8.      Լիբիդոյի նվազում

Այս վիճակին հատուկ է նաև լիբիդոյի նվազումը: Եթե նման վիճակը շարունակվում է 7 օրից ավել, ապա հարկավոր է միջոցներ ձեռնարկել:

9.      Քնի հետ կապված խնդիրներ

Քրոնիկական հոգնածության դեպքում շատ հաճախ մարդը գերհոգնած է լինում, սակայն գիշերները ոչ մի կերպ չի կարողանում նորմալ քնել, իսկ առավոտյան դժվարությամբ է արթնանում:

10.  Իրերն ավելի ծանր են թվում

Եթե հասարակ ամենօրյա աշխատանքային պայուսակը սովորականից շատ ավելի ծանր է թվում, ապա պատճառը կարող է լինել քրոնիկական հոգնածությունը: Այս դեպքում նույնիսկ հովանոցը կարող է շատ ծանր թվալ:

Ինչպես ազատվել այս խնդրից

1.      Առաջնահերթությունը տալ կարևորին

Հարկավոր է որոշել թե ինչն է ավելի կարևոր և աշխատանքային օրվա ընթացքում կենտրոնանալ միայն 1-2 գործի վրա:

2.      Ցուցակներ կազմել

Որպեսզի գլխուղեղը հանգստանա, հարկավոր է ցուցակներ կազմել (գնումների, գործերի, հեռախոսահամարների և այլն): Այդ ամենը կարդալու համար ավելի քիչ էներգիա է պետք վատնել, քան դրանք մտապահելու:

3.      Մրգեր ուտել

Մրգերը կօգնեն լրացնել շաքարի և վիտամինների պակասը, ինչը նույնպես շատ կարևոր է:

4.      Լոգանք ընդունել

Նույնիսկ կես ժամ հաճելի երաժշտության ու թույլ լույսի ներքո լոգանք ընդունելը կօգնի զգալիորեն բարելավել վիճակը:

5.      Զբոսնել

Երեկոյան զբոսնելը կօգնի ավելի լավ քնել, իսկ հանգիստ քայլքը կպահպանի մկանային տոնուսը:

Նյութի աղբյուրը՝ goodhouse.ru