10 ախտանշան, որոնք վկայում են օրգանիզմում մակաբույծների առկայության մասին

16:58 • 28.09.17

Առողջապահության համաշխարհային կազմակերպության հավաստմամբ՝ ներկայում մակաբուծային վարակը լուրջ խնդիր է, որից տառապում է մոտ 3.5 միլիարդ մարդ: Մակաբույծներն օրգանիզմներ են, որոնք օգտագործում են մեկ այլ օրգանիզմին որպես ապրելու միջավայր և սննդի աղբյուր: Փաստացիորեն դրանք օգտագործում են մյուս օրգանիզմի սննդարար նյութերը, ինչը բացասաբար է ազդում երկրորդի առողջական վիճակի վրա:

Գոյություն ունեն մակաբույծների տարբեր տեսակներ: Դրանք կարող են հայտնաբերվել գրեթե բոլոր օրգաններում (հատկապես շատ են լինում աղիներում): Որոշ մակաբույներ սնվում են էրիթրոցիտներով, ուստի կարող են դառնալ անեմիայի առաջացման պատճառ, մինչդեռ մյուսները սնվում են մարդու ընդունած սնունդով, ինչի հետևանքով ի հայտ է գալիս մշտական քաղցի զգացում:

Ձեր ուշադրությանն ենք ներկայացնում 10 ախտանշան, որոնք վկայում են օրգանիզմում մակաբույծների առկայության մասին:

· Մաշկային խնդիրներ (մաշկի չորություն, ցան, ախտահարում, էկզեմա, խոցեր և այլն),

· Տրամադրության տատանումներ, անհանգստություն, տագնապի զգացողություն, դեպրեսիա, մոռացկոտություն ու նյարդայինություն,

· Հյուծվածություն, անտարբերություն ու հոգնածության զգացում,

· Խնդիրներ՝ կապված դաշտանային ցիկլի հետ, օրգանիզմում հեղուկի կուտակում, նախադաշտանային համախտանիշ, խանդիրներ՝ կապված վերարտադրողական ֆունկցիայի ու շագանակագեղձի հետ, կիստաներ և միոմաներ ու միզուղիների վարակներ,

· Փորլուծություն (մակաբույծները կարող են ախտահարել նաև աղիների լորձաթաղանթը՝ դրանով իսկ առաջացնելով բազում տհաճ խնդիրներ՝ այդ թվում նաև փորլուծություն),

· Անեմիա (սակավարյունություն),

· Մկանների ու հոդերի հետ կապված խնդիրներ՝ այդ թվում նաև մկանային ցավեր, հոդացավեր, արթրիտային ցավեր, մկանային սպազմներ, ոտքերի ու ձեռքերի թմրածություն և ցավ պորտի հատվածում,

· Քնի խանգարումներ՝ այդ թվում նաև անքնություն և ատամների կրճտացում քնած ժամանակ,

· Խնդիրներ՝ կախված քաշի ու ախորժակի հետ (ախորժակի կորուստ կամ ուտելու ցանկություն, ճարպակալում, դժվարություններ՝ կապված քաշ հավաքելու կամ ավելորդ քաշից ազատվելու հետ),

· Հաստ աղիքի գրգռման համախտանիշ (սա մակաբուծային վարակի ամենատարածված ախտանշանն է, քանի որ աղիներում գտնվող մակաբույծները նպաստում են բորբոքումների առաջացմանը):

Մակաբույծների առկայությունը պարզելու ամենապարզ ու վստահելի միջոցը կղանքի անալիզն է: Հարկավոր է խորհրդակցել բժշկի հետ և հանձնել անալիզը՝ պարզելու համար, թե կան արդյոք օրգանիզմում մակաբույծներ և մակաբուծային վարակի որ տեսակի դեմ է հարկավոր պայքարել:

Մակաբույծներից ազատվելու համար հարկավոր է առաջին հերթին սննդակարգից բացառել շաքարն ու վերամշակված սննդամթերքը, քանի որ մակաբույծները սիրում են նման սնունդ: Սննդամթերքի այդ տեսակները բացառելու դեպքում մակաբույծները քաղցած կմնան, ինչը կօգնի հեշտությամբ ազատվել դրանցից:

Բացի այդ, շատ կարևոր է նաև սննդի մեջ բույսեր օգտագործելը, քանի որ դրանք մակաբույծների համար անբարենպաստ միջավայր են ստեղծում: Խորհուրդ է տրվում օգտագործել մոշ, կոճապղպեղ, պապայա, հում կաղամբ, կոկոսյան ընկույզի յուղ, նռան սերմեր, հալվե և բոգի (горечавка) արմատ:

Նաև հարկավոր է համոզվել, որ սննդակարգը հարուստ է մեծ քանակությամբ մանրաթելեր պարունակող սննդամթերքով, քանի որ մանրաթելերը նույնպես օգնում են մաքրել օրգանիզմը մակաբույծներից: Նման սննդամթերքը հատկապես արդյունավետ է լինում որդերի դեպքում:

Նյութի աղբյուրը՝ naturalcuresandhomeremedies.com