Մայրերը բուժում են խոսքով կամ մայրական աղոթք՝ երեխայի առողջության ու երջանկության համար

«Ես դեն եմ նետում քո հիվանդությունը»

Մայրիկները կարող են օգնել երեխային հաղթահարել նույնիսկ ամենածանր հիվանդությունը և դարձնել երեխային երջանիկ ու հաջողակ մարդ:

Մոր ձայնը դառնում է երեխայի ներքին ձայնը: Եթե մայրը միշտ զայրանում է և կրկնում, որ երեխան այնպիսին չէ, ինչպիսին նա կուզեր որ լիներ, երեխայի մեջ սկսում է աշխատել անհաջողությունների ու հիվանդությունների մեխանիզմը: Իսկ եթե այդ ձայնն աջակցում է, հավանություն է տալիս, ապա երեխայի հոգեկան վիճակը կարգավորվում է և սկսում է աշխատել առողջության ու երջանկության մեխանիզմը:

Երեխային երջանիկ ու առողջ դարձնելու համար կա հատուկ մեթոդ, համաձայն որի՝ մայրը չպետք է պատահական արտահայտություններ անի: Յուրաքանչյուր արտահայտություն պետք է մտածված լինի: Բացի այդ, դրանք չի կարելի փոխել: Այս մեթոդի հիմնական մասը ներշնչանքն է: Այն բաղկացած է 4 կետից և օգտակար կլինի նույնիսկ ամենաառողջ ու երջանիկ երեխայի համար:

1.    Մայրական սիրո «վիտամին»

Հարկավոր է երեխային ասել. «Ես քեզ շատ-շատ եմ սիրում: Դու ինձ համար ամենաթանկն ու հարազատն ես: Դու իմ մի մասն են: Ես առանց քեզ կյանք չունեմ: Ես և հայրիկդ քեզ շատ ենք սիրում»: Այս խոսքերի միջոցով մայրն արտահայտում է իր սերը երեխայի հանդեպ:

2.    Ֆիզիկական առողջություն

Թեթև հիվանդությունների դեպքում այս «մայրիկաթերապիան» կօգնի ապաքինվել առանց դեղամիջոցների. «Դու ուժեղ, առողջ ու գեղեցիկ երեխա ես, տղա՛ս (աղջիկս): Դու լավ ես սնվում՝ այդ իսկ պատճառով էլ արագ ես մեծանում ու զարգանում: Դու ունես առողջ ու պինդ սրտիկ, կրծքավանդակ ու փորիկ: Քո շարժումները թեթև են ու գեղեցիկ: Դու կոփված ես և հազվադեպ ես հիվանդանում»:

3.    Նյարդահոգեկան առողջություն

«Դու հանգիստ տղա (աղջիկ) ես և ունես ամուր նյարդեր:  Դու համբերատար ես, բարի, շփվող ու խելացի: Դու արագ ես հասկանում ու հիշում: Քո տրամադրությունը միշտ բարձր է և դու սիրում ես ժպտալ: Դու լավ ես քնում և տեսնում ես միայն լավ ու բարի երազներ: Քնած ժամանակ դու լավ ես հանգստանում: Քո խոսքը շատ լավ ու արագ է զարգանում:

4.    Ժողովրդական իմաստություն

Դեռ հնում մայրիկները գրկում էին երեխային և իրենց ներքին ուժով մաքրում նրան հիվանդությունից:

·         «Տուր ինձ քո հիվանդությունը»:

·         «Ես վերցնում ու դեն եմ նետում քո խնդիրները (հարկավոր է նշել երեխայի խնդիրը ):

·         Ես վերցնում ու դեն եմ նետում քո վատ քունը,

·         Ես վերցնում ու դեն եմ նետում քո վատ երազները,

·         Ես վերցնում ու դեն եմ նետում քո լալկանությունը և այլն,

·         «Ես քեզ շատ-շատ եմ սիրում» (վերջին, բայց շատ կարևոր արտահայտությունը):

Եթե երեխան լուրջ հիվանդ է, նրա բուժման համար բժիշկը պետք է մշակի հատուկ ծրագիր և վերոնշյալին ավելացնի նաև անհատական բուժում:

Այս խոսքերը հարկավոր է ասել քնած երեխաներին և նրանք անպայման կմեծանան առողջ, խելացի ու երջանիկ:

Այս մեթոդը ցանկալի է կիրառել գիշերը, երբ երեխան քնած է: Նա շատ լավ կհիշի, թե մայրը նրան ինչ է ասել:

Հարկավոր է երեխայի քնելուց 20-30 րոպե անց նստել երեխայի մահճակալի մոտ և նախապես պատրաստված թղթից երեք անգամ կարդալ յուրաքանչյուր արտահայտությունը. սկզբում մտովի, այնուհետև մտովի՝ բայց երեխային դիմելով, իսկ երրորդ անգամ բարձրաձայն:

Այս պրոցեդուրան հարկավոր է անել ամեն օր, իսկ կուրսի տևողությունը կախված է երեխայի վիճակից:Սակայն հարկ է հիշել, որ եթե մայրիկը հիվանդ է կամ վատ տրամադրությամբ, ապա բուժումը ցանկալի է հետաձգել:

Այնուհետև հարկավոր է ասել.

«Ես քեզ շատ-շատ եմ սիրում: Դու ինձ համար ամենաթանկն ու հարազատն ես: Դու ուժեղ, առողջ ու գեղեցիկ ես: Դու լավ ես սնվում և լավ ես զարգանում: Դու ունես առողջ ու պինդ սրտիկ, կրծքավանդակ ու փորիկ: Քո շարժումները թեթև են ու գեղեցիկ: Դու չես մրսում: Դու ունես պինդ ու առողջ նյարդեր: Քո ինտելեկտը լավ է զարգացած: Քո տրամադրությունը միշտ բարձր է և դու սիրում ես ժպտալ: Դու լավ ես քնում և տեսնում ես միայն լավ ու բարի երազներ: Քնած ժամանակ դու լավ ես հանգստանում: Ես քեզ շատ-շատ եմ սիրում»:

Բուժումը սկսելիս՝ ցանկալի է վերցնել տետր, որում երկու սյունյակով կգրվեն այդ ընթացքում երեխայի հիվանդության դրսևորումները և դրական փոփոխությունները (օր.՝ սկսել է ավելի լավ սնվել, լավ սովորել, նոր ընկերներ է ձեռք բերել և այլն):

Թվում է, թե ոչ մի նոր բան չկա, սակայն օգուտն ակնհայտ է: Շատ հոգեթերապևտներ կարծում են, որ մեծահասակների խնդիրները գալիս են մանկուց և բացատրվում են սիրո ու ուշադրության պակասով: Մայրիկներին խորհուրդ է տրվում երեխային հաճախ գրկել, շոյել ու հնարավորինս երկար կրծքով կերակրել: Այդ դեպքում երեխան, իսկ հետագայում նաև հասուն մարդը, իրեն ավելի ապահով ու պաշտպանված կզգա:

Նյութի աղբյուրը՝ baby-journal.eu