18 ատիպիկ ախտանշան, որոնք ոչ մի դեպքում չի կարելի անտեսել

19:46 • 03.10.17

Մարդկային օրգանիզմը կարելի է համարել շատ խելացի մի համակարգ, քանի որ ցանկացած հիվանդության դեպքում այն փորձում է օգնել գտնել դրա առաջացման պատճառը: Տարբեր համակարգերի աշխատանքում տեղի ունեցած նույնիսկ ամենաչնչին փոփոխությունները կարող են պատմել ներքին օրգանների բավական լուրջ խնդիրների մասին:

Ձեր ուշադրությանն ենք ներկայացնում օրգանիզմի այն ազդանշանները, որոնց հարկավոր է անպայման ուշադրություն դարձնել:

1. Բերանի չորություն

Սա կարող է լինել օրգանիզմի արձագանքը սթրեսին ու անհանգստությանը: Սակայն եթե այն չի անցնում, իսկ մարդը դառնում է էլ ավելի դյուրագրգիռ, ապա նա ունի վիտամին B3-ի՝ նիկոտինաթթվի պակաս: Այս տարրը մեծ քանակությամբ պարունակվում է թռչնամսի, ընկույզեղենի, տավարի մսի, ծլած ցորենի մեջ: Բացի այդ, բերանի չորությունը կարող է նաև լինել շաքարային դիաբետի հիմնական ախտանշաններից մեկը:

2. Կապտավուն հետքեր

Այս ախտանշանը խոսում է արյան մակարդելության կամ լյարդի աշխատանքի հետ կապված խնդիրների մասին: Հստակ պատճառն իմանալու համար անհրաժեշտ է հանձնել համապատասխան անալիզները:

3. Ուռած կոպեր

Եթե այս ախտանշանն ուղեկցվում է ընդհանուր հոգնածությամբ, սառը ու գունատ մաշկով, ապա ամենայն հավանականությամը խնդիրը երիկամների մեջ է:

4. Հաճախակի քթային արյունահոսություն

Սա արյան բարձր ճնշման կամ վիտամին K-ի դեֆիցիտի ախտանշան է: Խնդրից ազատվելու համար հարկավոր է ուտել ավելի շատ կաղամբ, սպանախ ու եղինջով ապուր:

5. Ճաքած շուրթեր

Եթե այս ախտանշանի հետ մեկտեղ նկատվում է նաև բերանի անկյունների մկանների թուլություն, մազաթափություն ու խնդիրներ՝ կապված ուշադրության կենտրոնացման հետ, ապա օրգանիզմն ունի վիտամին B2-ի՝ ռիբոֆլավինի կարիք: Հարկավոր է հարստացնել սննդակարգը կաթնամթերքով, հավկիթով, գետնանուշով, դեղձով, սոյայով, տանձով, լոլիկով ու ծաղկակաղամբով:

6. Սպիտակ փառ լեզվի վրա

Սա քաղցած լինելու կամ մրսածության ախտանշանն է, սակայն եթե այն ուղեկցվում է լեզվի ծայրերի կարմրածությամբ, ապա խոսքն, ամենայն հավանականությամբ, գաստրիտի մասին է:

7. Բաց մոխրագույն փառ լեզվի վրա

Ամենայն հավանականությամբ՝ սա պայմանավորված է աղեստամոքսային համակարգի աշխատանքի խանգարմամբ: Եթե բաց մոխրագույն փառի հետ մեկտեղ նկատվում է նաև շուրթերի թույլ ուռածություն ու մաշկի չորություն, ապա օրգանիզմն ունի երկաթի կարիք: Այս դեպքում անհրաժեշտ է սահմանափակել սուրճն ու սև թեյը և օգտագործել ավելի շատ մաղադանոս, լյարդ, ձուկ, սպիտակ սնկեր, խնձոր ու ցիտրուսային մրգեր:

8. Բերանի խոռոչի տհաճ հոտ

Սա կարող է վկայել շաքարային դիաբետի, երիկամների կամ լյարդի հետ կապված խնդիրների (ամոնիակի հոտ) կամ բրոնխիտի (նեխածության հոտ) մասին:

9. Մաշկի թեփոտվածություն

Հաճախ սա պայմանավորված է լինում A և B2 վիտամինների պակասով: Խնդիրը կարելի է լուծել լիարժեք սննդակարգի օգնությամբ, սակայն եթե թեփոտվածությունն ուղեկցվում է ուժեղ քորով, ապա հարկավոր է դիմել մասնագետի օգնությանը, քանի որ սա կարող է լինել սնկային հիվանդության ախտանշան:

10. Վառ լույսի հանդեպ աչքերի ցավոտ զգայունություն

Սա կարող է լինել ալկոհոլի և ծխախոտի չարաշահման հետևանքով: Երբեմն կարող է նաև լինել պոլինոզի՝ բույսերի ծաղկափոշուց առաջացող ալերգիայի ախտանշան: Ավելի հաճախ նման ախտանշան է առաջանում վիտամին A-ի պակասի ժամանակ: Այս դեպքում հարկավոր է ուտել ավելի շատ պանիր, գազար ու լոլիկ:

11. Ավշային հանգույցների մեծացում

Մեծացած ավշային հանգույցները վկայում են օրգանիզմում ընթացող բորբոքային գործընթացների մասին:

12. Մուգ գույնի մեզ

Սա կարող է խոսել այն մասին, որ մարդը չափազանց քիչ քնակությամբ ջուր է խմում, սակայն կարող է նաև վկայել միզասեռական համակարգի լուրջ հիվանդությունների մասին, եթե ուղեկցվում է բարձր ջերմությամբ ու թուլությամբ: Այս դեպքում հարկավոր է անմիջապես խորհրդակցել ուրոլոգի հետ:

13. Վերքերի դանդաղ ապաքինում

Սա ցինկի պակասի ախտանշանն է, որից կարելի է ազատվել ավելի շատ ծովամթերք ու լոբազգիներ օգտագործելով:

14. Աչքերի սպիտակուցային թաղանթի գույնի փոփոխություն, աչքերի շուրջը նկատվուղ մուգ շրջանակներ ու կապտուկներ

Աչքերի սպիտակուցային թաղանթի կարմրածությունը վկայում է արյան բարձր ճնշման մասին, իսկ դեղնածությունը՝ լյարդի աշխատանքի խանգարման:

Հոգնածության ու անքնության հետևանքով առաջացող մուգ շրջանակներից ու կապտուկներից ազատվելու համար կարելի է օգտագործել թութքի բուժման ահամար նախատեսված քսուքներ: Եթե խնդիրը պայմանավորված չէ հոգնածությամբ, հարկավոր է խորհրդակցել սրտաբանի հետ, քանի որ այս դեպքում սա կարող է լինել սրիտի հիվանդությունների նշան:

15. Առատ քրտնարտադրություն

Այս ախտանշանի դեպքում հարկավոր է ստուգել վահանաձև գեղձը: Գիշերվա ժամերին անհանգստացնող քրտնարտադրությունը կարող է լինել հյուծվածության նշան:

16. Դեմքին առաջացած բշտիկներ ու կորյակներ

Այտերին փոքրիկ ու մի փոքր կարմիր բշտիկները կարող են լինել թոքերում կուտակված լորձի ու հեղուկի նշան: Այս խնդրից կարելի է ազատվել օրգանիզմը մաքրող կոկտեյլի օգնությամբ:

Բաղադրությունը.

· 1/2 հալվեի մանրացրած տերևներ,

· 1/2 բաժակ կիտրոնի մանրացրած կեղև,

· 2 բաժակ մեղր:

Այս ըմպելիքը հարկավոր է թրմել մեկ շաբաթ, այնուհետև օգտագործել ամեն անգամ ուտելուց առաջ երեքական ճաշի գդալ: բուժման կուրսը տևում է 40 օր, որից հետո հարկավոր է անել 10 օր տևողությամբ դադար և կրկնել կուրսը: Բուժման ընթացքում կարկավոր է սննդակարգից բացառել շաքարավազը, կաթնամթերքն ու հագեցած ճարպերը:

Այտերի հատվածում սպիտակ ծայրերով թարախային բշտիկները վկայում են աղիների խնդիրների մասին, որոնցից նույնպես կարելի է ազատվել վերոնշյալ ըմպելիքի օգնությամբ:

Քունքերի վրա առաջացած կորյակները լյարդի կամ լեղապարկի խնդիրների նշան են: Այս դեպքում անհրաժեշը է խորհրդակցել մասնագետի հետ:

Կզակի հատվածում կարմիր կորյակներն առաջանում են սեռական հորմոնների արտադրության խանգարման, միզասեռական համակարգի բորբոքումների կամ վարակների հետևանքով: Այս դեպքում նույնպես հարկավոր է անպայման խորհրդակցել բժշկի հետ:

Ճակատի և գլխի մազածածկ հատվածի ցանը խոսում է ստամոքսի խնդիրների մասին, որոնցից կարելի է ազատվել բեռնաթափման օր կազմակերպելով (կեֆիր, բրինձ, հնդկաձավար, հյութ, վարունգ կամ որևէ միրգ, որոնք կարելի է ուտել անսահմանափակ քանակությամբ):

17. Մեջքին առաջացած բշտիկներ ու կորյակներ

Խոշոր կարմիր բշտիկները մեջքի և թիակների հատվածում, որոնք ձգվում են ողնաշարի երկայնքով, վկայում են ողնաշարի խնդիրների մասին:

Եթե նմանատիպ բշտիկներ են առաջացել նաև կողոսկրերի հատվածում, խնդիրը մկանային նևրալգիայի մեջ է: Այս դեպքում խնդրից ազատվելու համար հարկավոր է ուղղել կեցվածքը, կատարել հատուկ վարժություններ, լողով զաղվել և այցելել մերսումների:

18. Այտույցներ

Այտույցները կարող են լինել ջուրն օրգանիզմում երկար պահող մթերքի օգտագործման արդյունք (աղի սննդամթերք, ալկոհոլ, ածխաջրերով հարուստ մթերք, պահածոյացված կամ ապխտած մթերք):

Երիկամային այտույցները դեմքին ի հայտ են գալիս առավոտյան, իսկ երեկոյան անհետանում են: Որպես կանոն դրանք լինում են գունատ ու թույլ և սեղմելիս երկար ժամանակ պահպանում են հետքը:

Սրտային այտույցները հայտնվում են երեկոյան որովայնի, գոտկատեղի և սեռական օրգանների հատվածում: Դրանք հաճախ ուղեկցվում են հևոցով, շուրթերի, ձեռքերի ու ոտքերի մատների կապտածությամբ և պարանոցային երակների ուռածությամբ:

Լյարդային այտույցները դրսևորվում են որովայնի հատվածի անոթային «աստղիկներով», քորով և այտույցի հատվածի մաշկի դեղնածությամբ:

Այտուցվածությունից ազատվելու համար գոյություն ունի շատ արդյունավետ եփուկ, որի պատրաստման համար անհրաժեշտ է խառնել հավասար քանակությամբ մաթուզենու տերևները, կեչու բողբոջները, հապալասենու տերևներն ու գիհի մանրացրած պտուղները, այնուհետև ավելացնել եռման ջուր և 15 րոպե եփել թույլ կրակի վրա: Պատրաստի եփուկը հարկավոր է մի փոքր փողնել, որ սառի, այնուհետև քամել և օգտագործել օրական 5-6 անգամ՝ երկուական ճաշի գդալ:

Եթե այտույցը կարմրել է և քոր է գալիս, ապա եփուկը չի օգնի, քանի որ սա ալերգիկ ռեակցիա է: Այս դեպքում հարկավոր է ընդունել հակաալերգիկ միջոց:

Հարկ է հիշել, որ օրգանիզմի այս ազդանշաններին հետևելու դեպքում կարելի է ժամանակին հայտնաբերել հիվանդություններն ու չուշացնել բուժումը:

Նյութի աղբյուրը՝ takprosto.cc