Երկաթի դերն ու նշանակությունը և անբավարարության հետևանքով մարդու մոտ նկատվող առողջական խնդիրները

Երկաթը մարդու օրգանիզմին անհրաժեշտ կարևորագույն միկրոէլեմետներից է: Ինչպես գրում է doctors.am-ը, չափահաս մարդու օրգանիզմում կա մոտ 4գ. երկաթ, որի 30%-ը գտնվում է պահեստավորված ձևով լյարդում, փայծաղում և ոսկրածուծում: Երկաթի հիմնական մասը մտնում է էրիթրոցիտների հեմոգլոբինի և միոգլոբինի կազմի մեջ: Երկաթի նկատմամբ օրական պահանջը կանանց մոտ կրկնակի ավել է՝ պայմանավորված օրգանիզմի առանձնահատկություններով: 

 Երկաթի դերն ու նշանակությունը.

·         մասնակցում է արյունաստեղծման պրոցեսներին, կանխում է սակավարյունության առաջացումը

·         մասնակցում է թթվածնի տեղափոխմանը հյուսվաքծներ և ածխաթթվի դուրս բերմանը օրգանիզմից

·         կարգավորում է վահանաձև գեզձի ֆունկցիան

·         կարգավորում է В խմբի վիտամինների յուրացումը

·         մասնակցում է օրգանիզմի աճի պրոցեսներին

·         կարգավորում է իմունային համակարգի գործունեությունը

·         լյարդի կազմում մասնակցում է թույների չեզոքացման պրոցեսին

·         բարելավում է մաշկի, եղունգների և մազերի վիճակը

Երկաթի անբավարարության հետևանքով մարդու մոտ նկատվում է 

·         սակավարյունություն

·         հոգնածություն

·         մարսողական խանգարումներ

·         երեխաների մոտ աճի պրոցեսների դանդաղում

·         վահանաձև գեղձի ֆունկցիայի խանգարում

·         մազաթափություն

·         մաշկի չորություն

·         եղունգների շերտազատում

Երկաթը օրգանիզմ է մտնում սննդի միջոցով:

Բուսական մթերքից երկաթով հարուստ են հատկապես սև հացը, ցորենի թեփը, խոշոր աղացած ալյուրով պատրաստված հացը, իսկ բարձր կարգի ալյուրով թխված սպիտակ հացը երկաթ շատ քիչ է պարունակում: Երկաթով հարուստ են նաև լոբին, ոսպը, ձավարեղենը, կանաչ տերևով բանջարեղենը, դդումը, տանձը, դեղձը, խնձորը, չամիչը, ծիրանի չիրը և այլն:

Կենդանական ծագման մթերքից երկաթով հարուստ են միսը, լյարդը, ձուն, ձուկը, կաթնամթերքը: Օրգանիզմի կողմից յուրացվում է սննդի միջոցով ստացված երկաթի ընդամենը 10%-ը: Այնպիսի միկրոտարրեր, ինչպիսիք են պղինձը, կոբալտը, մանգանը և վիտամին C-ն լավացնում են երկաթի յուրացումը, իսկ օրինակ ֆոսֆատները, ֆիտատները և որոշ թթուներ, որոնք առկա են հացահատիկի, սպանախի և որոշ բուսական մթերքներում, դժվարացնում են երկաթի ներծծումը աղիներից: