12 առողջական լուրջ խնդիր, որոնց վաղ ախտանշան կարող է լինել մարմնի ցածր ջերմությունը (հիպոթերմիա)

Յուրաքանչյուր մարդ գիտի այն մասին, որ մարմնի բարձր ջերմությունը խոսում  է առողջության հետ կապված խնդիրների մասին: Սակայն մարմնի չափից շատ ցածր ջերմությունը (հիպոթերմիա) ևս կարող է խոսել հիվանդության առկայության մասին, հատկապես եթե այն երկարատև բնույթ է կրում:

 
Նման վիճակը վտանգավոր է նրանով, որ ի տարբերություն տենդի, այն  չի պատճառում լուրջ անհարամարություններ. հիվանդներն առհասարակ բողոքում են միայն թուլությունից, քնքոտությունից  ու անտարբերությունից, երբեմն այդ ախտանշաններին ավելանում է նաև սարսուռն ու վերջույթներում սառնության զգացողությունը:  Շատ մարդիկ նման ախտանշանների առկայության դեպքում դիմում են բժիշկի  ու կարծում են որ դա հոգնածության հետևանք է: Այնուամենայնիվ բժշկական միջամտությունն այստեղ անհրաժեշտ է:

Ցածր է համարվում մարմնի այն ջերմաստիճանը, որը ցածր է 35,8 °С.-ից: Ցածր ջերմաստիճանի առաջացման պատճառ կարող է հանդիսանալ:

1. Ցածր հեմոգլոբինը

Հեմոգլոբինի անբավարարությունը հիմնականում առաջանում է  օրգանիզմում  երկաթի դեֆիցիտի հետևանքով  և հաճախակի դառնում է մարմնի ջերմաստիճանի նվազման  պատճառ ու ուղեկցվում է համապատասխան ախտանշաններով` հոգնածություն, կենսունակության կորուստ ու ալարկոտություն, մտավոր կարողությունների նվազում և այլն:

2. Ներքին արյունահոսություն

Ներքին արյունահոսության առաջացման պատճառ կարող է լինել  վնասվածքը կամ վնասվածքների ձեռքբերման հետևանաքով  անոթների թափանցելիության  բարձրացումը,  ուռուցքների աճը, նյութափոխանակության խանգարումներն ու այլն:

Քրոնիկ գործընթացը չունի ակտիվ արտաքին արտահայտվածություն ու արյան կորուստը դրսևորվում է միայն ընդհանուր առողջական վիճակով: Վերջինիս նախանշաններից մեկը կարող է լինել մարմնի ջերմաստիճանի նվազումը: Ավելացնեք, որ այն բավականին վտանգավոր վիճակ է ու պահանջում է արագ բժշկական միջամտություն:

3. Հղիություն

Հորմոնալ ֆոնի կտրուկ տատանումները կարող է խթանել հիպոթերմիայի առաջացումը: Առանց պաթալոգիայի ընթացող հղիության դեպքում, մարմնի ջերմաստիճանի նորմալ վիճակի վերադառնալու պրոցեսը կախված է այն հանգամանքից, թե ինչպես է կինը հարմարվում իր նոր վիճակին:

4. Անոթների հետ կապված խնդիրներ

Երբեմն մարմնի ջերմաստիճանի նվազումը կրում է կանոնավոր բնույթ ու ուղեկցվում է այնպիսի երևույթներով ինչպիսիք են գլխացավը, գլխապտույտը, սրտխառնոցը, վառ լուսավորության կամ բարձր երաժշտության նկատմաբ գերզգայնությունը:

Այս համալիր ախտանշանները բնորոշ են անոթային դիստոնիային: Տհաճ զգացողություններն առաջանում են անոթների կտրուկ, կարճաժամկետ լայնացման հետևանքով:

5. Շաքարային դիաբետ

Շաքարային դիաբետով տառապող մարդկանց մոտ խախտված է էներգիայի հիմնական աղբյուրի՝ գլյուկոզայի  օքսիդացման  մեխանիզմը: Պաթալոգիկ գործընթացի սկզբում նկատվում է շարունակական քաղցի զգացողություն, մարմնի քաշի ավելացում ու առաջանում է օրգանիզմի ջերմաստիճանի տատանումներ (այդ թվում նաև վերջինիս հաճախակի կամ կայուն նվազում):

6. Մակերիկամների պաթոլոգիա

Մարմնի ջերմաստիճանի նվազումը կարող է նաև կապված լինել մակերիկամային կեղևի աշխատանքի խանգարումների հետ , որի դեպքում առաջանում է  կորտիզոլ,  ալդոստերոն  ու անդրոգենին հորմոնների դեֆիցիտ: Այն առաջացնում է նաև հետևյալ վիճակները՝ հիպոտոնիա, տախիկարդիա, առիթմիա, ախորժակի կորուստ, կլանման խանգարում, տրամադրության հաճախակի տատանումներ (դյուրագրգռություն, արտասվել և այլն..):

7. Գլխուղեղի ուռուցք

Օրգանիզմում մշտական նորմալ ջերմության պահպանման համար պատասխանատու կենտրոնը գտնվում է հիպոթալամուսում:  Այդ տարածքում առաջացող նորագոյացությունները (բարորակ կամ չարորակ), խանգարում են ջերմահաղորդման կանոնավոր գործընթացը:

Գլխուղեղի ուռուցքով տառապող հիվանդները գլխացավերի ու գլխապտույտների հետ զուգահեռ ունենում են նաև սարսուռ ու վերջույթներում սառնության զգացողություն:

8. Ասթենիկ համախտանիշ

Ասթենիկ համախտանիշի առաջացման անբաժանելի պատճառներից մեկը հանդիսանում է  մարդու հյուսվածքներում թթվածնի դեֆիցիտի առկայությունը: Այդ ընթացքում դանդաղում են  օգսիդացման գործընթացներն ու   ու օրգանիզմի էներգիա ստանալը: Մարդկանց մոտ նկատվում է հևոց, մաշկի գունատություն, հավասարակշռության ու տեսողության խանգարում, ալարկոտություն և այլ:

9. Մաշկի ախտահարվածություն

Հիպոթերմիան հաճախակի հանդիպում է նաև այն հիվանդների մոտ, ովքեր տառապում են մաշկաբորբով, պսորիազով, կամ այնպիսի ծանր հիվանդությամբ ինչպիսին է իխտիոզը:

10. Սուր շնչառական վիրուսային վարակ

Սեզոնային վիրուսային ինֆեկցիաները ընդունված է ասոցացնել մարմնի ջերմաստիճանի բարձրացման հետ, սակայն դա միշտ չէ, որ այդպես է: Ջերմությունը հիմնականում նկատվում է հիվանդության առաջին 2 օրերին, սակայն կազդուրման շրջանում շատ հիվանդների տանջում է թուլությունն ու հիպոթերմիան (առավոտյան մարմնի ջերմությունը 36 աստիճանից վերև չի բարձրանում), որոնք կապված են ապրած սթրեսի ու օրգանիզմի պաշտպանիչ ուժերի նվազման հետ:

11. Թունավորումը

Մարմնի ցած ջերմաստիճանը երբեմն առաջանում է քիմիական նյութերի, սննդամթերքի կամ դեղամիջոցների հետևանքով առաջացած թունավորման արդյունքում: Այն բացատրվում է կենսականորեն կարևոր ֆունկցիանների  «ընկճվածությամբ» (շնչառություն, սրտի աշխատանք և այլն…): Օրգանիզմը նույն կերպ կարող է արձագանքել նաև ալկոհոլի չարաշահման դեպքում:

12. Ցրտահարություն

Երկար ժամանակ սաստիկ ցուրտ եղանակին դրսում մնալը կամ անձրևի տակ գտնվելն առաջացնում է մարմնի ջերմաստիճանի կտրուկ նվազում, ինչպես նաև ուղեկցվում է դողով ու մաշկի գունատությամբ: Եթե տուժածին հաջողվի արագ տաքացնել, տհաճ նախանշանները կանհետանան: Դա նշանակում է որ բժշկական միջամտության կարիք այլևս չկա: Սակայն նշենք որ, ցրտահարությունը կարող է ունենալ շատ տհաճ հետևանքներ առողջության համար:

Հիպոթերմիան անհանգստացնող նախանշան է, որը պահանջում է լիարժեք հետազոտություն: Այդ ախտանշանին հարկավոր է շատ լուրջ վերաբերվել, սակայն ոչ մի դեպքում խորհուրդ չի տրվում զբաղվել ինքնաբուժությամբ, այլ հարկավոր է ժամանակին դիմել մասնագետի օգնությանը:

Աղբյուրը՝ neboleem.net