Պարզ ու արդյունավետ միջոցներ լյարդի աշխատանքը կարգավորելու և լեղուղիները մաքրելու համար

Լյարդը շատ կարևոր օրգան է, որն աշխատում է անգամ գիշերը՝ մաքրելով արյունը շլակներից և կուտակելով դրանք լեղու մեջ: Երբեմն մարդիկ անգամ գլխի չեն ընկնում, թե որքան կաևոր է այս օրգանի աշխատանքը, մինչդեռ այն ունի կենսական լուրջ նշանակություն: Օրինակ՝ հաճախ ոտքերի այտուցվածության դեպքում մարդիկ խնդիրը փնտրում են սրտանոթային համակարգի աշխատանքի խանգարման մեջ, սակայն քչերը գիտեն, որ իրականում նման խնդիր կարող է առաջանալ նաւ լյարդում ավշային հոսքի խանգարման հետևանքով:

Ինչպես հոգ տանել լյարդի մասին

Հայտնի է, որ սննդակարգում մեծ քանակությամբ կենդանական ճարպերի գործածության և ֆիզիկական աշխատանքի պակասի դեպքում արյան հոսքը խանգարվում է մոմանման խոլեստերինի մասնիկներով, որոնք կուտակվում են զարկերակների պատերին՝ առաջացնելով աթերոսկլերոզ:

Դեռ մինչ լյարդի աշխատանքի խանգարումների մասին վկայող ախտանշանների ի հայտ գալը, մարդը կարող է ինքնուրույն ստուգել իր լյարդի բջիջների վիճակը՝ պարզապես ուշադրություն դարձնելով կղանքի վիճակին:

Մարսողության ընթացքում լեղին հայտնվում է տասներկումատնյա աղիքում, որտեղ ակտիվորեն մասնակցում է մարսողության գործընթացին և կղնաքի առաջացմանը: Արտաթորանքը պետք է լինի փափուկ, լիովին կազմավորված և ճարպոտ: Եթե այն բավականաչափ ճարպոտ չէ, ապա օրգանիզմ ներթափանցած ճարպի քանակությունը նորմայից չափազանց մեծ է, ինչի հետևանքով այդ չվերամշակված ճարպը կուտակվում է կա՛մ արյան մեջ՝ նպաստելով աթերոսկլերոզի առաջացմանը, կա՛մ լյարդի բջիջներում՝ խաչընդոտելով օրգանի աշխատանքին:

Լյարդի լուրջ հիվանդությունների նախանշան է համարվում լեղուղիների դիսկինեզիան, որի ախտանշաններն են սննդի ընդունումից հետո աջ կողատակում առաջացող ծանրության զգացողությունը, սննդի ընդունման ժամերի միջև առաջացող թույլ սրտխառնոցը, սիրելի ուտեստների հանդեպ անտարբերությունը, բերանում դառը համի առկայությունը, գխտոցը, բերանի խոռոչի տհաճ հոտը, ինչպես նաև քնի խանգարումները, որոնք վկայում են լյարդի աշխատանքում կենսաբանական ռիթմերի խանգարման մասին:

Այս բոլոր ախտանշաններն էլ ավելի են սրվում տապակած, ճարպոտ, պահածոյացված կամ ապխտած սննդամթերք օգտագործելու դեպքում: Եթե մարդը ժամանակին ուշադրություն չդարձնի այդ ախտանշաններին, ապա այդ գործընթացները կարող են շարունակվել տարիներով՝ նպաստելով ավազի, քարերի, ինչպես նաև լյարդի բորբոքային գործընթացների առաջացմանը, որոնք էլ ի վերջո հանգեցնում են լյարդի ցիռոզի:

Պարզ կանոններ, որոնք կօգնեն պահպանել առողջությունը.

·         Հնարավորության դեպքում հարկավոր է նախաճաշել մինչ առավոտյան ժամը 7:00-ն, քանի որ հակառակ դեպքում լեղին ամբողջ օրվա ընթացքում կմնա օրգանիզմում:

·         Առաջին նախաճաշին կարելի է խմել ½-1/3 բաժակ մասուրի եփուկ կամ հասարակ թեյ:

·         Լյարդի և լեղուղիների նորմալ աշխատանքին է նպաստում նաև հաճախակի սնվելու սովորությունը: Ընդ որում՝ կուշտ սնվելը պարտադիր չէ. բավական կլինի մի կտոր չորահաց, ընկույզներ, խնձոր կամ մի քանի չամիչ ուտել: Նման սննդակարգն օգնում է կոտրել ու մանրացնել քարերը և հեռացնել ավազը լեղուղիներից:

·         Լեղուղիների անցանելիությունն ու բնական ձևը վերականգնելու համար կարելի է կիրառել մի մեթոդ, որը կոչվում է «տյուբաժ»: Այն հարկավոր է կատարել առավոտյան արթնանալուց անմիջապես հետո՝ առանց անկողնուց կեր կենալու: Սակայն նախորդ օրվա երկրորդ կեսից անհրաժեշտ է կտրուկ նվազեցնել օգտագործվող հեղուկի քանակությունը:

«Տյուբաժի» մի քանի եղանակ

Լեղուղիների անցանելիությունն ու բնական ձևը տնային պայմաններում կարելի է վերականգնել դեռ մինչ լուրջ խնդիրների ի հայտ գալը: Դրա համար գոյություն ունի մի քանի պարզ միջոց: Առաջին հերթին հարկ է հիշել, որ «Տյուբաժի» հիմնական սկզբունքները հետևյալն են.

1)      Այն հարկավոր է կատարել գիշերային քնից հետո դեռ անկողնու մեջ պառկած: Որպեսզի առավոտյան վեր կենալու սաստիկ ցանկություն չլինի, հարկավոր է նախորդ օրվա երկրորդ կեսից կտրուկ նվազագույնի հասցնել օգտագործվող հեղուկի քանակությունը:

2)      Բոլոր շարժումներն ու պտույտները պետք է լինեն սահուն ու շատ զգույշ:

3)      Այդ ընթացքում շատ կարևոր է նյարդային համակարգը թուլացնելն ու մտովի ամենահաճելի երազանքների ու հիշողությունների մասին մտածելը: Հարկ է հիշել, որ այս պրոցեդուրան առհասարակ պետք չէ անել, եթե նախորդ օրը վեճեր կամ սթրեսային իրավիճակներ են եղել:

Ձեր ուշադրությանն ենք ներկայացնում «տյուբաժի» մի քանի եղանակ, որոնք ավելի նախընտրելի են, քան տարածված ու մարդկանց ավելի ծանոթ սորբիտն ու քսիլիտը:

1.      1 բաժակ կաթը եռացնել, խառնել կես լիտր կեֆիրին և ավելացնել նախորդ օրը պատրաստած կաթնաշոռի շիճուկին: Խմել ստացված խառնուրդից 2/3-1 բաժակ, այնուհետև պառկել աջ կողքի վրա՝ մարմնի տակ ջերմակ դնելով: 10 րոպե անց կրկին խմել խառնուրդից 2/3-1 բաժակ և ևս մեկ անգամ խմել խառնուրդը 5-7 րոպե անց: Պառկած մնալ ևս 40 րոպե, որից հետո պրոցեդուրան կարելի է ավարտված համարվել: Այդ օրվա ընթացքում հարկավոր է ուտել միայն նախորդ օրը պատրաստված կաթնաշոռը:

2.      3 ձվի դեղնուցին ավելացնել 30 գրամ շաքարավազի փոշի և 30 գրամ կոնյակ, հարիչով լավ խառնել և խմել խառնուրդը դատարկ ստամոքսին: Այս պրոցեդուրայի դեպքում հարկավոր է անընդհատ շարժման մեջ լինել և օրվա ընթացքում միայն թեյ խմել և չորահացեր ուտել: Երեկոյան կարելի է արդեն մի փոքր բրնձով պարզ ապուր ուտել: Պրոցեդուրան հարկավոր է կատարել շաբաթական մեկ անգամ՝ 4 շաբաթ շարունակ: Տարվա ընթացքում բուժման այս կուրսը հարկավոր է կրկնել 3-4 անգամ:

3.      Դատարկ ստամոքսին 1 բաժակ հանքային ջուր խմել (ջրի ջերմաստիճանը պետք է անպայման լինի 35°С), այնուհետև աջ կողատակին տաք ջերմակ կապել և 20 րոպե մարմնամարզություն անել: 20 րոպե անց կրկին 1 բաժակ հանքային ջուր, որևէ միզամուղ դեղաբույսի թուրմ կամ նո-շպայի 2 դեղահաբ ընդունել և 30-40 րոպե պառկել տաք ջերմակի վրա:

4.      Առանց անկողնուց վեր կենալու ուտել 1 գդալ (միջին չափ) մեղր և խմել կես բաժակ գոլ ջուր: Դանդաղ պտտվել և պառկել աջ կողքի վրա, այնուհետև ուտել ևս 1 գդալ մեղր և խմել կես բաժակ գոլ ջուր: 10-12 րոպե անց խմել ½-1 բաժակ տաք ջուր և պառկել տաք ջերմակի վրա 50-60 րոպե:

Մի քանի խորհուրդ՝ բերանի խոռոչի տհաճ հոտից ազատվելու և լյարդի աշխատանքը կարգավորելու համար.

Կուսածաղկի (барвинок) խոտի եփուկ

1 ճաշի գդալ մանրացրած բույսին ավելացնել մի բաժակ եռման ջուր, թրմել և խմել որպես թեյ օրվա ընթացքում:

Կիտրոնի կեղև շաքարավազով

Կիտրոնի կեղևը մսաղացով մանրացնել, ավելացնել 1 գդալ (միջին չափի) շաքարավազ և լավ խառնել: Ստացված խառնուրդն ընդունել ամեն անգամ ուտելուց 10-15 րոպե հետո՝ թեյի գդալի ծայրով:

Ուրցի թուրմ

1 ճաշի գդալ ուրցը թրմել 1.5 բաժակ եռման ջրում և խմել որպես թեյ սննդի ընդունման ժամերի միջև:

Գետնամորու ծաղիկներն ու տերևները

Հարկավոր է ձմռան համար պատրաստել գետնամորու տերևների և ծաղիկների խառնուրդ, այնուհետև ստացված խառնուրդի 1 ճաշի գդալը թրմել կես բաժակ եռման ջրում և խմել օրական 7-8 անգամ մի քանի կումով (խմել սննդի ընդունման ժամերի միջև): Բացի այդ, հնարավորության դեպքում հարկավոր է հնարավորինս շատ գետնամորի ուտել:

Մեղր

Մեղրը նույնպես շատ օգտակար է և արդյունավետ, ուստի խորհուրդ է տրվում սննդի ընդունման ժամերի միջև օրական մի քանի անգամ (ցանկալի է 5-6 անգամ) 1-ական ճաշի գդալ մեղր ուտել:

Նյութի աղբյուրը՝ econet.ru