Երեխաները որոնց չեն սիրում, դառնում են մեծեր, որոնք չեն կարող սիրել. աֆորիզմներ ու ցիտատներ երեխաների ու մանկության մասին

Այն տունը տուն չի, որ մանուկ չունի,

Ուր դեռ չի հնչել ծիծաղը մանկան,

Այն տունը, սիրտ, որ մանուկ չունի

Լեզվակը պոկած զանգի է նման:

Հ. Շիրազ

1.      Երեխաները միանգամից ընտելանում են երջանկությանը, քանի որ նրանք հենց ուրախություն ու երջանկություն են(Վ. Հյուգո):      

2.      Երեխան ծնվում է սիրված լինելու անհրաժեշտությամբ և այդ պատճառով ողջ կյանքում մնում է երեխա(Ֆրենկ Կլարկ):

3.      Երբեք չի հաջողվի ստեղծել իմաստուններ, եթե երեխայի մեջ սպանեք չարաճճիությունը(Ժան Ժակ Ռուսո):

4.      Երեխաները սուրբ են ու մաքուր: Չի կարելի դարձնել նրանց մեր տրամադրության խաղալիք: Ա. Չեխով

5.      Յուրաքանչյուր երեխա ինչ-որ չափով հանճար է և յուրաքանչյուր հանճար ինչ-որ չափով երեխա(Արթուր Շոպենհաուեր):

6.      Մեր երազանքներում մենք միշտ մի ոտքով մանկության մեջ ենք(Զ. Ֆրեյդ):

7.      Միայն մանկության երազանքների իրականացումը կարող է երջանկություն բերել    (Զ. Ֆրեյդ):

8.      Երեխաները չգիտեն ոչ անցյալ, ոչ ապագա, նրանք վայելում են ներկան(Ժան դը Լաբրյուեր):

9.      Յուրաքանչյուր երեխա ուզում է մեծերի մեջ մանկական ինչ-որ բան գտնել: Եվ եթե արդեն գտնի դա ինչ-որ մեկի մեջ՝ կսիրի այդ մարդուն բոլորից առավել(Վիլյամ Սարոյան):

10.  Երեխաները որոնց չեն սիրում, դառնում են մեծեր որոնք չեն կարող սիրել(Պեռլ Բակ):

11.  Արդյոք գիտեք, թե որն է ձեր երեխայի դժբախտ դարձնելու ամենահաստատուն ձևը. Նրան ոչ մի բանում չմերժվելուն ընտելացնելն է(Ժան Ժակ Ռուսո):

12.  Նա ով ցանկանում է երեխային լավ դաստիարակել, դատապարտված է մշտապես հետևել արդարամիտ հայացքներին(Բալզակ):

13.  Ոչինչ ավելի հազվադեպ չի լինում, քան կատարյալ անկեղծությունը ծնողների և երեխաների միջև(Ռ. Ռոլան):

14.  Երեխան ունի իր առանձնահատուկ տեսնելու, մտածելու և զգալու ունակությունները: Չկա ավելի հիմար բան, քան փորձել փոխարինել դրանք մեր ունակություններով(Ժան Ժակ Ռուսո):

15.  Առանց երեխաների հնարավոր չէր լինի այդպես սիրել մարդկությունը(Դոստոևսկի):

16.  Երեխայի համար երջանիկ կյանք ստեղծելու ձգտումը՝ մանուկ հասակում նրան երես տալով, ըստ երևույթին, խելամիտ չէ(Վ. Հյուգո):

17.  Երեխաներին չես վախեցնի խստությամբ, նրանք տանել չեն կարողանում միայն սուտը(Լ. Տոլստոյ)։

18.  Սովորեցրու երեխաներիդ լռել, խոսել նրանք ինքնուրույն էլ կսովորեն(Բ. Ֆրանկլին):

19.  Ձեր երեխային կուռք մի դարձրեք: Երբ նա մեծանա, զոհեր կպահանջի(Պ. Բուաստ):

20.  Փոքր երեխաները շատ ընդհանրություններ ունեն ինտելեկտուալների հետ: Նրանց աղմուկը զայրացնող է, լռությունը՝ կասկածելի(Գ. Լաուբ)։

21.  Երեխաները խայտառակում են մեզ, երբ մարդկանց մոտ պահում են իրենց այնպես, ինչպես մենք մեզ տանը(Դեմոկրիտ):

22.  Ամեն մի ագռավ համարում է իր ձագուկին ամենագեղեցիկն այս աշխարհում(Ռ. Բերտոն):

23.  Երեխաները ամեն ինչ ուշադիր լսում են այն ժամանակ, երբ խոսում են ոչ իրենց հետ(Է. Ռուզվելտ):

24. Անգղի բնից հազվադեպ է բազե թռչում(Սքոթ):

25.  Թող երեխայի առաջին դասը լինի հնազանդությունը,այդ դեպքում երկրորդը կլինի այն, ինչ դու անհրաժեշտ ես համարում(Թ.Ֆուլլեր): 

26.  Մանուկների խաղի մեջ հաճախ առկա է խոր իմաստ(Շիլլեր):
                                                                                                                             

Հինգ կարևոր պատվիրան

Նախ` երեխային սիրել, հետո` դաստիարակել ու ուսուցանել:

Երեխային ընդունել այնպիսին, ինչպիսին ինքը կա:

Ընդունել երեխայի սխալվելու իրավունքը:

Օգնել երեխային` գործել ինքնուրույն:

Ճանաչել նրա անձը և օգնել կատարելագործել: