Առողջական ինչ խնդիրներ կարող են առաջանալ հեշտոցում ճիճուների առկայության պատճառով

22:14 • 23.10.17

Մակաբույծները կարող են հայտնվել յուրաքանչյուրի օրգանիզմում: Երբեմն նույնիսկ հիգիենայի բոլոր կանոններին հետևելը չի պաշտպանում, քանի որ դրանք կարող օրգանիզմում հայտնվել նույնիսկ միջատի խայթածի կամ լճում ու գետերում լողալու հետևանքով: Ճիճուների ձվերը կարող են լինել նույնիսկ փոշու մեջ:

Բացի այդ, ճիճուները կարող են ապրել ոչ միայն մարդու աղիներում, այլև այլ կարևոր օրգաններում: Օրինակ՝ կանանց մոտ դրանք ախտահարում են վերարտադրողական համակարգը՝ հայտնվելով հեշտոցում ու արգանդում և դառնալով բազմաթիվ լուրջ հիվանդությունների պատճառ:

Մարդկային օրգանիզմում հայտնվելով՝ ճիճուները սկսում են ակտիվորեն բազմանալ, և երբ դրանց քանակը չափազանց շատ է լինում, դրանք կարող են հեշտությամբ դուրս գալ հետանցքից և ներթափանցել հեշտոցի մեջ, որտեղ կան կենսագործունեության համար անհրաժեշտ բոլոր պայմանները:

Այս գործընթացը սովորաբար տեղի է ունենում գիշերը, երբ մարդու մկանները թուլացած են լինում և հեշտոց ներթափանցելը ճիճուների համար դժվար չի լինում: Դրանք կարող են սեռական օրգաններ ներթափանցել նաև արյան հետ: Հեշտոցում ամենահաճախը հայտնվող մակաբույծը սրատուտն է, սակայն սեռական օրգաններ կարող են ներթափանցել ասկարիդները, մազագլուխները, տրիխինելաները:

Հեշտոցում մակաբույծների առկայությունը կարող է անմիջապես չարտահայտվել: Ճիճուների առկայության մասին վկայող հիմնական ախտանշաններն են իմունային համակարգի թուլացումը, մաշկային ցանն ու կարմրածությունը, մարսողության խանգարումը, փորլուծությունը, փսխումը, լիմֆատիկ հանգույցների մեծացումը, ընդհանուր հոգնածությունը, ինչպես նաև այլ հիվանդույթունների սրվածությունը:

Հեշտոցում հայտնվելով՝ ճիճուներն առաջացնում են արտաքին սեռական օրգանների քոր, իսկ երբեմն նաև բորբոքումներ:

Խորհուրդ է տրվում շտապ դիմել բժշկին, եթե ճիճուների առկայության մասին վկայող ախտանշանների հետ մեկտեղ նաև հայտնվում են հեշտոցի ախտահարման մասին վկայող ախտանշաններ: Այդ ախտանշաններն են.

· միզելու ժամանակ այրոցի զգացողությունը,

· կաթնասնկախտի ախտանշանների ի հայտ գալը,

· հեշտոցում չորության զգացողությունը,

· սեռական ակտի ժամանակ հեշտոցում ցավոտ զգացողությունները,

· դաշտանային ցիկլի խանգարումները:

Հեշտոցում ճիճուների առկայությունը կարելի է հայտնաբերել հատուկ անալիզի միջոցով, որի ժամանակ օգտագործվում է կպչուն ժապավեն: Այդ ժապավենի ուսումնասիրությունը թույլ է տալիս որոշել ճիճվի տեսակը և նշանակել անհրաժեշտ բուժումը:

Հարկ է հիշել, որ հեշտոցում հայտնված ճիճուները կարող են անուղղելի վնաս հասցնել կնոջ օրգանիզմին և դառնալ բազմաթիվ հիվանդությունների առաջացման պատճառ: Այդ մակաբույծները կարող են առաջացնել ոչ միայն անպտղություն, այլև օնկոլոգիական հիվանդություններ: Սրատուտն ու մյուս մակաբույծները թունավորում են կնոջ օրգանիզմը, քայքայում հեշտոցի և արգանդի հյուսվածքները՝ դառնալով վտանգավոր հիվանդությունների պատճառ: Դրանք նպաստում են արգանդի վզիկի ախտաբանական փոփոխությունների (էրոզիա, խոցեր) առաջացմանը, առաջացնում են կանանց սեռական օրգանների միկրոֆլորայի խանգարումներ, ինչի արդյունքում էլ զարգանում է վագինոզ: Բացի այդ, ճիճուների հետևանքով ի հայտ են գալիս բորբոքային գործընթացներ, որոնք հանգեցնում են վուլվիտի և կոլպիտի առաջացման:

Նյութի աղբյուրը՝ parazitt.ru