Ինչ պատճառով է առաջանում խռմփոցը, որն է դրա վտանգը, խնդրի կարգավորումն ու կանխարգելումը

Խռնփոցն առավել հաճախ բնորոշ է տղամարդկանց, սակայն կանայք ևս կարող են բախվել այդ խնդրի հետ: Այժմ կփորձենք ձեզ ներկայացնել, թե ինչու է այն առաջանում  կանաց մոտ և ինչով է այն տարբերվում:

Խռմփոցի առաջացման պատճառը

Շատ դեպքերում կանանց մոտ առաջացած  խռմփոցը ոչնչով չի տարբերվում տղամարդկանց մոտ առաջացած  խռմփոցից: Գեղեցիկ սեռի ներկայացուցիչների մոտ  խռնփոցի առանձնահատկությունը պայմանավորված է նրանով, որ այն արտահայտվում է հիմնականում  դաշտանդադարի շրջանում: Դա բացատրվում է արյան մեջ էստրոգենների մակարդակի նվազմաբ, որի հետևանքով էլ տեղի է ունենում շնչուղիների նեղացում:

Մյուս դեպքերում տղամարդկան և կանաց մոտ խռմփոցի առաջացման պատճառները  նման են : Հիմնական գործոններն են.

• Պոլիպների առկայության դեպքում շնչուղիների նեղացում, քթի միջնապատի կորացում, ադենոիդների լայնացում(նշագեղձեր)

• Էնդոկրին համակարգի հիվանդություններ, որոնք նվազեցնում են մկանների տոնուսը

• Դիմածնոտային անկանոնություններ կամ երկարաձև քիմքային լեզու

• Վնասակար սովորությունները` ալկոհոլի օգտագործում կամ ծխել

• Ճարպակալում կամ ավելորդ քաշ

• Գերհոգնածություն կամ քնի պակաս

• Քնաբերների ընդունում

• Քնի ընթացքում գլխի ոչ ճիշտ դիրք:

Խռմփոցի վտանգը

Որոշ պատճառներից ելնելով, խռմփոցը կարող է ընդամենը ժամանակավոր բնույթ կրել և չազդել մարդու առողջության վրա: Չի բացառվում նաև, որ վերջինիս առաջացման պատճառը պաթոլոգիան լինի, որը անհրաժեշտ կլինի բուժել տարբեր միջոցներով: Հազվադեպ դեպքերում, խռմփոցը համարում են կոկորդում ուռուցքի առաջացման ու քնի ապնոէի ախտանշան:

Քնի ապնոէի վտանգը պայմանավորված է քնի ընթացքում շնչառության կարճաժամկետ դադարի հետ, որոնց երկարատևությունը հասնում է մինչև 1 րոպե: Հիվանդության բարդացման դեպքում, 1 գիշերվա ընթացքում կարող են տեղի ունենալ մինչև 500 նման դադարներ, որոնք  էլ և հանգեցնում են սուր և քրոնիկ հիպօքսիայի(թթվածնի պակաս):Հիվանդի մոտ առաջանում են շարունակական գլխացավեր, անքննության զգացողություն, սրտի ռիթմի խանգարում, հիշողության վատացում:

Խնդրի կարգավորում

Ինչպես տեսնում եք այդ հիվանդության առաջացման պատճառները բավականին շատ են, սակայն գոյություն ունեն մի քանի մեթոդներ, որոնք օգնում են պայքարել այդ հիվանդության դեմ, օրինակ՝

• Դեղորայքային միջոցներ

• Հատուկ սարքավորումների  կիրառում

• Ժողովրդական բժշկություն

• Հատուկ վարժություններ

• Վիրահատական միջամտություն

Նման դեպքերում մասնագետներն օգնում են ընտրել  խնդրի կարգավորման համապատասխան մեթոդները:

Խռմփոցի դեմ հնարավոր է պայքարել նաև ինքնուրույն:

Կանխարգելիչ միջոցները

Քանի որ տղամարդկանց ու կանաց մոտ խռմփոցի առաջացման պատճառները նման են, այս դեպքում խնդրի  կարգավորման խորհուրդները նույն են:

Հարկավոր է քնել  կողքի կամ փորի վրա, հարկավոր է հետևել քաշին, չչարաշահել վնասակար սովորությունները, հետևել առողջությանն ու  շնչուղիների հիգիենային:  Առաջին հայացքից մանրուք թվացող այդ գործոնները կարող են օգնել ազատվել շատ լուրջ հիվանդություններից:

Աղբյուրը՝ med2.ru