Ինչ կարող է պատմել մարդու քրտինքը նրա առողջական վիճակի մասին

Օրգանիզմի առողջական վիճակի մասին հուշող ախտանշանները բազմաթիվ են, սակայն ոչ բոլորն են դրանց ուշադրություն դարձնում: Օրինակ՝ մարդու առողջական վիճակի մասին կարող են պատմել ոչ միայն նրա մաշկը, մազերն ու եղունգները, այլև նրա քրտինքը:

Քրտնարտադրությունն օրգանիզմի ջերմակարգավորման կարևորագույն մասն է, ուստի ոչ առատ քրտինքը, որով շոգ եղանակին պատվում է մարմինը, վկայում է, որ օրգանիզմն առողջ է: Սակայն երբեմն օրգանիզմը փորձում է քրտինքի միջոցով օրգանիզմից դուրս բերել վնասակար նյութերը՝ շլակները:

Քրտնարտարդությունն ուժեղանում է նաև այն դեպքում, երբ երիկամները չեն կարողանում կատարել իրենց ֆունկցիաները: Սակայն առողջ երիկամները երբեք օրգանիզմից դուրս չեն բերի այն, ինչն անհրաժեշտ է, քանի որ այս օրգանների հիմնական ֆունկցիան մեզը զտելն ու օգտակար նյութերն օրգանիզմին վերադարձնելն է: Երբ քրտնագեղձերը ստիպված են լինում իրենց վրա վերցնել արտազատման ֆունկցիաները, դրանք չեն կարողանում զտել օգտակարն անօգտակարից, ուստի քրտինքի մեջ լուծված բոլոր նյութերն օրգանիզմը կորցնում է: Սա է պատճառը, որ այն մարդկանց, որոնք աշխատանքի բերումով շատ են քրտնում, խորհուրդ է տրվում ջրին մի փոքր աղ ավելացնել, քանի որ հարկավոր է լրացնել հանքանյութերի (հատկապես՝ կալիումի) պաշարը:

Բացի այդ, հարկավոր է շատ ուշադիր լինել քրտինքի տեսակի և անգամ դրա հոտի նկտմամբ, քանի որ դա նույնպես շատ բան կարող է պատմել առողջական վիճակի մասին:

Եթե քրտինքը կպչուն է, ապա դա վկայում է օրգանիզմում նյութափոխանակության խանգարման մասին: Բացի այդ, մեծ է նաև ուռուցքի առաջացման հավանականությունը: Սկզբնական փուլում դրանք սովորաբար բարորակ են լինում, սակայն այդ համեմատաբար անվնաս նորագոյացություններն, այնուամենայնիվ, կարող են վտանգավոր լինել կյանքի համար:

Քրտինքի շատ տհաճ հոտը վկայում է լուրջ բորբոքային հիվանդությունների մասին, որոնք երկար ժամանակ անուշադրության մատնելու դեպքում կարող են ի հայտ գալ չարորակ նորագոյացություններ: Բացառություն են միայն դեռահասները (մինչև 19 տարեկան), որոնց դեպքում տհաճ հոտը պայմանավորված է հորմոններով ու արագ նույթափոխանակությամբ:

Սառը քրտինքը սովորաբար պատում է գլխամաշկն ու լանջաբացվածքի հատվածը և վկայում է թոքերի վիճակի վատացման ու շնչառական օրգաններում լճացումների առաջացման մասին: Բացի այդ, այս ախտանշանը կարող է առաջանալ նաև գլխուղեղի արյան շրջանառության խանգարման ժամանակ, սակայն այս դեպքում առատ քրտինք է արտազատվում ծոծրակի հատվածում:

Անհանգստանալիս քրտնարտադրության ուժեղացումը խոսում է անկայում նյարդային համակարգի մասին: Այս դեպքում քրտինքի դեմ հակաքրտինքային միջոցներով պայքարելը ոչ միայն անիմաստ է, այլև վնասակար: Հարկ է հիշել, որ թուլացած սթրեսակայությունը կարող է հանգեցնել տարբեր հոգեսոմատիկ հիվանդությունների առաջացման, ուստի անհրաժեշտ է միջոցներ ձեռնարկել հանգստանալու և նյարդային համակարգի աշխատանքը կարգավորելու համար:

Նյութի աղբյուրը՝ moirebenok.ua