Որոնք են ենթաստամոքսային գեղձի հիվանդությունների մասին վկայող 5 հիմնական ախտանշանները

11:24 • 27.10.17

Ենթաստամոքսային գեղձն արտադրում է ֆերմենտներ ու հորմոններ, որոնք մասնակցում են մարսողության գործընթացներին, ուստի, երբ այս գեղձի աշխատանքը խանգարվում է, տուժում է ամբողջ օրգանիզմը:

Ձեր ուշադրությանն ենք ներկայացնում ենթաստամոքսային գեղձի հիվանդությունների մասին վկայող հիմնական ախտանշանները, որոնց դեպքում խորհուրդ է տրվում դիմել մասնագետին և համապատասխան բուժզննում անցնել:

1. Արտաթորանքի գույնի փոփոխություն

Ենթաստամոքսային գեղձն արտադրում է ֆերմենտներ, որոնք օգնում են օրգանիզմին կլանել յուղային միջավայրում լուծվող А, Е և К վիտամինները: Եթե կղանքի գույնը սովորականից ավելի բաց է դառնում, ապա նուտրիենտները վատ են կլանվում:

2. 2-րդ տիպի շաքարային դիաբետ

Ենթաստամոքսային գեղձն արտադրում է նաև հորմոններ, որոնք վերահսկում են ինսուլինի արտադրությունը և արյան մեջ շաքարի մակարդակը, ուստի այս օրգանի աշխատանքի խանգարման դեպքում կարող է առաջանալ երկրորդ տիպի շաքարային դիաբետ:

3. Սրտխառնոց ու փսխում

Ենթաստամոքսային գեղձն արտադրում հորմոններ, որոնք քայքայում են ճարպերը, ուստի, երբ գեղձի աշխատանքը խանգարվում է, ճարպերի մարսման գործընթացը նույնպես խանգարվում է, ինչի հետևանքով առաջանում է սրտխառնոց ու փսխում:

4. Որովայնային ցավեր

Որովայնային ցավերը սուր պանկրեատիտի և ենթաստամոքսային գեղձի քաղցկեղի ամենատարածված ախտանշաններն են: Պանկրեատիտի դեպքում ցավը սուր է, ինտենսիվ և հիմնականում կենտրոնացած է լինում որովայնի մեջտեղի հատվածում:

5. Քաշի կտրուկ կորուստ

Քաշի կորուստն ու որովայնի ցավը ենթաստամոքսային գեղձի քաղցկեղի գլխավոր ախտանշաններն են, իսկ այս հիվանդության դեպքում մահացության մակարդակը 97% է: Հարկ է հիշել՝ որքան շուտ հայտնաբերվի ուռուցքը, այնքան մեծ է հիվանդի բարեհաջող բուժման հավանականությունը:

Սակայն հարկ է նաև հիշել, որ այս ախտանշանները կարող են վկայել մի շարք այլ առողջական խնդիրների մասին, որոնք բնավ կապված չեն ենթաստամոքսային գեղձի հետ, ուստի նշված ախտանշանների առկայության դեպքում չի կարելի փորձել ինքնուրույն «ախտորոշել» հիվանդությունը և զբաղվել ինքնաբուժությամբ:

Նյութի աղբյուրը՝ ivona.bigmir.net