Լյարդի ախտահարման մասին վկայող ախտանշաններ, որոնք ոչ մի դեպքում չի կարելի անուշադրության մատնել

Լյարդը շատ կարևոր օրգան է, որի ախտահարումը կարող է առողջական լուրջ խնդիրների առաջացման պատճառ դառնալ: Ձեր ուշադրությանն ենք ներկայացնում 10 ախտանշան, որոնք վկայում են լյարդի հետ կապված խնդիրների մասին և որոնք ոչ մի դեպքում չի կարելի անտեսել:

1.      Եղունգների ու մաշկի գույնի փոփոխություն

Լյարդի հետ կապված խնդիրների մասին վկայող ամենաակնհայտ ախտանշաններից մեկը մաշկի գույնի փոփոխությունն է: Եթե մաշկը գունատվում է կամ ձեռք է բերում դեղնավուն երանգ, ապա խանգարվել է լյարդի աշխատանքը և հարկավոր է շտապ միջոցներ ձեռնարկել: Մաշկի դեղնավուն երանգը նման դեպքում պայմանավորված է լինում նրանով, որ լյարդը սկսում է տոքսիններ արտադրել, ինչն էլ հանգեցնում է մաշկի տակ բիլիռուբինի կուտակման:

2.      Աբդոմինալ փոփոխություններ

Լյարդը գտնվում է կրծքավանդակի մոտ, ուստի երբ ի հայտ են գալիս խնդիրներ՝ կապված այս օրգանի հետ, առաջանում են նաև ցավոտ զգացողություններ որովայնի ստորին հատվածում և կողոսկրերի մոտ: Ընդ որում՝ խնդիրից ժամանակին չազատվելու դեպքում կարող է առաջանալ ջրգողություն (ասցիտ՝ շճային հեղուկի կուտակում որովայնի խոռոչում):

3.      Հաճախակի փորափքանք

Հաճախակի առաջացող փորափքանքը վկայում է, որ լյարդը չի կարողանում արտազատել մարսողական հյութեր, որոնք հարկավոր են սննդի քայքայման համար: Սա նշանակում է, որ լյարդի հետ կապված խնդիրներն ազդում են նաև մարսողական համակարգի վրա:

4.      Հոգնածության զգացում

Երբ լյարդը քայքայում է սնունդը, այն արտադրում է էներգիա, որը մարդը վատնում է օրվա ընթացքում: Հոգնածությունը վկայում է էներգիայի պակասի մասին, ինչն էլ կարող է վկայել լյարդի աշխատանքի խանգարման մասին:

5.      Մեզի գույնի փոփոխություն

Լյարդի վնասվելու դեպքում մեզը ձեռք է բերում ավելի մուգ, իսկ երբեմն էլ կարմիր երանգ: Շատերը կարծում են, որ մեզի գույնի փոփոխությունը կապված է օրգանիզմի  ջրազրկման հետ, սակայն եթե մարդը բավարար քանակությամբ ջուր է խմում, իսկ մեզը փոխում է իր գույնը, ապա խնդիրը կապված է լյարդի աշխատանքի խանգարման հետ:

6.      Մաշկային քոր

Լյարդի հետ կապված խնդիրների մասին կարող է վկայել նաև մաշկային քորը: Եթե քորը չի անցնում և աստիճանաբար հիվանդի վիճակն ավելի է վատանում, ապա խնդիրը կարող է պայմանավորված լինել լյարդի հիվանդություններով:

7.      Սրտխառնոց

Լյարդի ախտահարման ախտանշաններից են նաև մարսողական խնդիրները: Եթե մարսողական խնդիրներն ու սրտխառնոցը շարունակում են անհանգստացնել անգամ սննդակարգում փոփոխություններ անելուց հետո, ապա հարկավոր է դիմել մասնագետին և բուժզննում անցնել: Ծանր դեպքերում կարող է նկատվել նաև փսխում:

8.      Քաշի կտրուկ նվազում

Քշի կտրուկ ու անբացատրելի նվազումը նույնպես կարող է վկայել լյարդի ախտահարման մասին: Քաշի կորուստը կարող է պայմանավորված լինել ախորժակի կորստով, ինչն էլ վկայում է լյարդի հետ կապված խնդիրների մասին:

9.      Հեղուկի կուտակում

Մարմնի տարբեր հատվածներում (հատկապես ոտքերում) հեղուկի կուտակումը խոսում է լյարդի աշխատանքի վատացման մասին: Այտուցներ կարող են նկատվել ոտնաթաթի, ձեռքերի, ոտքերի և ազդրերի հատվածում, իսկ դրանց հատվածում մատով սեղմելու դեպքում հետքը պահպանվում է մի քանի վայրկյան:

10.  Կղանքի փոփոխություն

Լյարդի ախտահարման դեպքում կղանքի մեջ կարող են նկատվել արյան հետքեր: Նման դեպքերում հարկավոր է անհապաղ դիմել բժշկին: Բացի այդ, լյարդի ախտահարման մասին են վկայում նաև պարբերաբար առաջացող փորկապությունն ու գրգռված աղու համախտանիշը:

Նյութի աղբյուրը՝ positivemed.com