Գործոններ և հիվանդություններ, որոնք կարող են սրտխառնոցի պատճառ դառնալ

18:17 • 29.10.17

Սրտխառնոց կարող է առաջանալ բոլորի մոտ, տարբեր իրավիճակներում: Ինչպես գրում է doctors.am-ը, ամենից հաճախ այս տհաճ զգացողությունը առաջանում է շատակերության, սխալ ընտրած ու վատ եփած սննդի, տրանսպորտով երթևեկելու պատճառով: Սրտխառնոցը կարող է օրգանիզմի նորմալ ռեակցիա լինել, սակայն եթե այն առաջացել է հանկարծակի, հաճախ, պետք է անհանգստանալու տեղիք տա:

Սրտխառնոցի պատճառը պարզելու համար կարող եք դիմել գաստրոէնտերոլոգի, էնդոկրինոլոգի, նյարդաբանի, սրտաբանի` կախված ընդհանուր վիճակից ու այլ ախտանիշերի առկայությունից: Խոսենք սրտխառնոցի հիմանական պատճառների մասին:

Պանկրեատիտ

Այս դեպքում սրտխառնոցն առաջանում է ուտելուց հետո: Արտահայտվում է փքվածության, աջ թուլակողում ցավերի, բերանում դառը համի հետ միասին: Նկատվում է նաև քաշի նվազում, խանգարվում է աղիների նորմալ աշխատանքը: Այս ախտանիշերի դեպքում ճիշտ է դիմել գաստրոէնտերոլոգի: Եթե իրոք պանկրեատիտ ունեք, ուշադրություն պետք է դարձնել սննդին, ինչպես նաև ընդունել բժշկի կողմից նշանակված հակաբորբոքային ու ֆերմենտային պրեպարատները:

Միգրեն

Սրտխառնոցը միգրենի հաճախ ուղեկիցն է: Այս դեպքում անհրաժեշտ է դիմել նյարդաբանի: Միգրենը չի բուժվում, սակայն հնարավոր է թեթևացնել ախտանիշները:

Գաստրիտ և խոց

Սրտխառնոցի հետ մեկտեղ առկա է նաև այրոցի զգացողություն, ցավ: Գաստրիտն ախտորոշել օգնում է Helicobacter pylori ի թեստը, գաստրոսկոպիան:

Որոշ դեղերի ընդունում

Սրտխառնոցը կարող է որոշ դեղերի` հակաբիոտիկների, ոչ ստերոիդ հակաբիոտիկների, երկաթի մեծ պարունակությամբ պրեպարատների ընդունման կողմանկի էֆեկտ լինել:

Լեղապարկի հիվանդություններ

Այս դեպքում ուտելու ընթացքում սրտխառնոց եք զգում, բերանում մետաղական համ կամ դառնություն, այրոցի զգացողություն: Հարկավոր է կատարել լեղապարկի ՈՒՁՀ:

Ապենդիցիտ

Սրտխառնոցը կարող է առաջանալ ուտելուց և՛ առաջ, և՛ հետո: Հիվանդը կարող է փսխել: Ցավը կարող է սկզբում տեղակայվել որովայնի ստորին հատվածում, այնուհետը տեղափոխվել աջ: Այս դեպքում կարող է նաև բարձրանալ մարմնի ջերմաստիճանը` 37-38 աստիճան: