10 ախտանշան, որոնք վկայում են քաղցկեղի վաղ փուլերի մասին

Որպես կանոն՝ քաղցկեղի վաղ փուլերում որևէ ախտանշան չի նկատվում և այս վտանգավոր հիվանդության շատ տեսակներ կարելի է հայտնաբերել միայն ուշ փուլերում, ինչը բարդացնում է բուժման գործընթացը:

Սակայն իրականում կան մի շարք ախտանշաններ, որոնց օգնությամբ օրգանիզմը հուշում է հիվանդության զարգացման մասին: Մասնագետները նշում են, որ օրգանիզմի տված ազդենշանների նկատմամբ ավելի ուշադիր լինելը կօգնի ժամանակի հայտնաբերել խնդիրը և ազատվել դրանից:

Ձեր ուշադրությանն ենք ներկայացնում 10 ախտանշան, որոնք հուշում են քաղցկեղի զարգացման վաղ փուլեր մասին.

Միզարձակության փոփոխություններ

Մեզի գույնի, հոտի և անգամ միզելու հաճախականության հետ կապված ցանկացած փոփոխության դեպքում հարկավոր է ուշադիր լինել և խորհրդակցել բժշկի հետ:

Ձայնի փոփոխություն

Կոկորդի քաղցկեղը կարող է դառնալ ձայնի փոփոխության պատճառ, ուստի այս ախտանշանը չի կարելի անտեսել:

Չապաքինվող վերքեր

Վերքերի ուշ ապաքինումը նույնպես կարող է պայմանավորված լինել քաղցկեղով, քանի որ այդ դեպքում իմունային համակարգը «նախընտրում» է պայքարել քաղցկեղի դեմ, իսկ վնասվածքներն ուշ են ապաքինվում:

Հազ

Եթե հազը պայմանավորված չէ գրիպով ու մրսածությամբ, ապա այն կարող է վկայել չարորակ նորագոյացության մասին, որը զարգանում է թոքերում, կերակրափողում, կոկորդում կամ անգամ ստամոքսում:

Արյունահոսություն

Դաշտանի հետ կապ չունեցող ցանկացած արյունահոսություն արդեն իսկ անհանգստանալու լուրջ պատճառ է: Հարկ է հիշել, որ արգանդից կամ պտուկներից նկատվող արյունահոսության դեպքում անհրաժեշտ է անհապաղ խորհրդակցել բժշկի հետ և բուժզննում անցնել:

Սպիտակ բշտիկներ բերանի խոռոչում կամ լեզվի վրա

Բերանի խոռոչում, կոկորդում, լնդերի կամ լեզվի վրա սպիտակ բշտիկների առաջացման դեպքում հարկավոր է շտապ դիմել մասնագետին:

Ախորժակի կորուստ կամ խնդիրներ՝ կապված սնունդը կուլ տալու հետ

Սննդի ընդունման հետ կապված ցանկացած տհաճ զգացողության դեպքում հարկավոր է խորհրդակցել բժշկի հետ, քանի որ դա խոչընդոտում է օրգանիզմում սննդարար նյութերի կլանմանը:

Աղիների աշխատանքի փոփոխություն

Աղիների աշխատանքի հետ կապված ցանկացած փոփոխություն (արյունոտ կղանք, արտաթորանքի գույնի փոփոխություն, ցավ դեֆեկացիայի ժամանակ, փորկապություն, փորլուծություն և այլն) նույնպես չի կարելի անուշադրության մատնել, քանի որ հաճախ այդ փոփոխությունները վկայում են կոլոռեկտալ քաղցկեղի մասին:

Հանգույցներ մաշկի տակ

Այս դեպքում ամենակարևոր հատվածներն են կուրծքը, ամորձիները, թևատակերը, կոկորդը, որովայնը և այլ փափուկ հյուսվածքները: Այդ հատվածներում որևէ արտասովոր բան նկատելու դեպքում հարկավոր է շտապ խորհրդակցել բժշկի հետ: Հարկ է հիշել, որ պարբերաբար մաշկն ինքնուրույն հետազոտելը կօգնի ժամանակին հայտնաբերել և արդյունավետ կերպով բուժել խնդիրը:

Մաշկային քոր

Օրգանիզմը քաղցկեղի դեմ պայքարում է ինչպես բակտերիայի դեմ և իմունային համակարգը դրանից ազատվելու համար արձագանքում է արյան սպիտակ բջիջների միջոցով: Սա է պատճառը, որ քաղցկեղով ախտահարված հատվածի մոտ գտնվող մաշկը շոշափելիս ավելի ջերմ է, պիրկ, քոր է գալիս և կարմրում:

Նյութի աղբյուրը՝ med2.ru