Մաշկային խնդիրներ, որոնք վկայում են աղիների աշխատանքի խանգարումների մասին

Մաշկը շատ կարևոր օրգան է, որի վիճակի փոփոխությունը կարող է շատ բան պատմել մարդու առողջական վիճակի մասին: Ձեր ուշադրությանն ենք ներկայացնում 3 մաշկային խնդիր, որոնք վկայում են աղիների հետ կապված խնդիրների մասին:

1.      Խամրած ու թուլացած մաշկ

Սովորաբար օրգանիզմն օգտակար նյութերը բաշխում է՝ ըստ առաջնահերթության, իսկ մաշկը դրանք ստանում է վերջին հերթին: Եթե խանգարվում է աղիների աշխատանքը և սնունդը լավ չի յուրացվում, մաշկը չափազանց քիչ հանքանյութեր ու վիտամիններ է ստանում, ինչի հետևանքով էլ այն խամրում է և կորցնում իր առաձգականությունը:

2.      Բորբոքումներ ու բշտիկներ

Որքան քիչ հանքանյութեր ու վիտամիններ է ստանում մաշկը, այնքան թուլացած են լինում դրա պաշտպանողական հատկությունները: Այն սկսում է չորանալ քամուց, ամենափոքր վերքերն անգամ բորբոքվում են, ի հայտ են գալիս այտուցներ ու բշտիկներ: Ի դեպ՝ նույն պատճառով կարող է պայմանավորված լինել նաև մազաթափությունը, քանի որ գլխամաշկը չի կարողանում ապահովել մազերի նորմալ աճը:

3.      Ալերգիա անծանոթ սննդի նկատմամբ

Եթե անծանոթ որևէ մթերքի հետևանքով ի հայտ է գալիս մաշկային ցան կամ բշտիկներ, ապա հարկավոր է խուսափել դրանից: Իրականում այս խնդիրը վկայում է ոչ թե ալերգիայի, այլ տվյալ մթերքի հանդեպ օրգանիզմի անհանդուրժողականության մասին: Ընդ որում՝ նման դեպքերում ցանը սովորաբար ի հայտ է գալիս ոչ թե անմիջապես, այլ մի քանի օր անց:

Բացի այդ, հարկ է հիշել, որ եթե մաշկը պատվում է բշտիկներով, կարմրում է և սովորականից ավելի յուղոտ է դառնում, նշանակում աղիները չեն կարողանում դուրս բերել ալերգեններն օրգանիզմից:

Ինչպես ազատվել նման խնդիրներից

1.      Հնարավորինս շատ ջուր խմել. ջուրը մաշկի համար ամենակարևոր տարրերից է, ուստի հարկավոր է օրական առնվազն 1.5 լիտր ջուր խմել:

2.      Քնելուց առաջ մի բաժակ կեֆիր խմել. այս պրոցեդուրան կարելի է կրկնել նաև առավոտյան: Ցանկության դեպքում կարելի է կեֆիրը փոխարինել մածունով, յոգուրտով կամ ցանկացած այլ կաթնաթթվային մթերքով, որոնք օգնում են մաքրել ու վերականգնել աղիները:

3.      Հնարավորինս շատ նարնջագույն ու դեղին և բանջարեղեն ուտել. դրանք պարունակում են մաշկի համար շատ կարևոր է A և C վիտամիններ, ինչպես նաև պեկտին, որը նրբորեն մաքրում է աղիները:

4.      Սորբենտների կուրս ընդունել. ժամանակակից սորբենտները մաքրում են աղիներն ալկոհոլի մնացորդներից և դեղամիջոցների ավելցուկից: Սակայն այս դեպքում հարկավոր է ուշադիր լինել, չչարաշահել և հետևել ցուցումներին:

5.      Երեկոյան խմել խոտաբույսերով թեյեր. նման թեյերը հանգստացնում են աղիները, իսկ դրանց կոճապղպեղ ավելացնելը կօգնի նաև ազատվել վարակներից:

Նյութի աղբյուրը՝ headinsider.net