Պարզ ու արդյունավետ խորհուրդներ, որոնք կօգնեն ազատվել ցրտի հետևանքով առաջացած գլխացավից

16:34 • 13.12.17

Ցրտի պատճառով առաջացած գլխացավը բավականին տարածված խնդրի է, որն առավել հաճախ ի հայտ է գալիս երիտասարդ կանանց և այն մարդկանց մոտ, որոնք ցգայուն են եղանակային պայմանների կտրուկ փոփոխությունների ու սաստիկ ցրտի հանդեպ:

Գլխացավի այս տեսակը կարող է առաջանալ եղանակի կտրուկ փոփոխության, ուժեղ քամու կամ ցրտի, սառը ջրում լողալու (անգամ ամռանը), սառը սնունդ ու ըմպելիքներ օգտագործելու կամ կոնտրաստային ցնցուղ ընդունելու հետևանքով:

Հարկ է հիշել, որ ցրտի պատճառով առաջացած գլխացավի ժամանակ ոչ մի դեպքում չի կարելի օգտագործել ալկոհոլային ըմպելիքներ ու ծխախոտ, քանի որ դա կարող է լուրջ հետևանքներ ունենալ: Նման դեպքերում անգամ ուժեղ ազդոցությամբ ցավազրկող դեղամիջոցները չեն օգնի ազատվել տհաճ ախտանշանից:

Եթե նման գլխացավերն ի հայտ են գալիս գրեթե ամեն օր և դրանց առաջացման ամենահավանական պատճառը ցուրտն է, ապա այս խնդրից կարելի է ազատվել հետևյալ մեթոդների օգնությամբ.

· կարելի է խմել ոչ ալկոհոլային տաքացնող ըմպելիք (թեյ, դեղաբույսերի թուրմ, հավի արգանակ և այլն),

· կարելի է լոգանք ընդունել՝ ջրին բուրավետ եթերայուղեր ավելացնելով,

· կարելի է օդափոխել սենյակը,

· փորձել տաքանալ և փողոցում գտնվելու դեպքում որևէ տաք վայր գնալ,

· կարգավորել օրվա ռեժիմը՝ խուսափելով նման խնդիրներից,

· մերսել գլուխն ու վերջույթները,

· ափերով շփել այտերն ու քունքերը՝ արյան շրջանառությունը բարելավելու համար:

Նշված մեթոդները շատ արդյունավետ են և կօգնեն շատ արագ մեղմել ցավը, սակայն հարկ է հիշել, որ ոչ մի դեպքում չի կարելի զբաղվել ինքնաբուժությամբ՝ հատկապես, եթե ցավն անհանգստացնում է ամեն օր, իսկ այս միջոցներն անարդյունավետ են լինում: Նման դեպքերում հարկավոր է անպայման դիմել բժշկին ու անցնել համապատասխան բուժզննումը, քանի որ միայն որակավորված մասնագետը կարող է ախտորոշել հիվանդությունը, պարզել դրա առաջացման պատճառն ու նշանակել անհրաժեշտ բուժումը:

Նյութի աղբյուրը՝ med2.ru