Ինչպես տարբերել դերմատիտը դիաթեզից

Ծնողները հաճախ չեն կարողանում հասկանալ, թե ինչ խնդիր է երեխայի մոտ՝ դիաթեզ, դերմատիտ թե ալերգիա, ուստի ձեր ուշադրությանն ենք ներկայացնում մի հոդված, որը կօգնի ավելի հեշտ կողմնորոշվել և էլ ավելի չբարդացնել իրավիճակը սխալ բուժումով:

Դիաթեզն օրգանիզմի մի վիճակ է, որի դեպքում հաճախ լինում են ալերգիաներ: Այն դրսևորվում է ինչպես բծերով, այտերի մաշկի թեփոտությամբ ու ավշային հանգույցների մեծացմամբ, այնպես էլ վարակիչ հիվանդություների ու նյարդային համակարգի գրգռվածության հակվածությամբ: Այլ կերպ ասած դիաթեզը կարող է լինել դերմատիտի հակվածության նշան: Սակայն հակվածությունը դեռ հիվանդություն չէ և կարող է արտահայտվել խթանիչ գործոնների առկայությամբ:

Ի տարբերություն դիաթեզի՝ դերմատիտն արդեն հիվանդություն է, որն արտահայտվում է մաշկի բորբոքումով: Այդ բորբոքումները կարող են պայմանավորված լինել ինչպես արտաքին, այնպես էլ ներքին խթանիչներով: Ամենից տարածվածը ատոպիկ դերմատիտն է՝ ալերգիայով պայմանավորված մաշկային բորբքումը: Սովորաբար այն դրսևորվում է կարմրածությամբ, թեփոտվածությամբ, ուժեղ քորով, մաշկի ճաքերով: Սա մինչև 1 տարեկան երեխաների մոտ ամենատարածված հիվանդությունն է:

Ապացուցված է, որ եթե ծնողներից մեկի մոտ եղել են ալերգիկ ռեակցիաներ, ապա երեխան 40% դեպքերում ժառանգում է այդ հակվածությունը: Իսկ եթե նման ռեակցիաներ նկատվել են երկու ծնողների մոտ, ապա երեխայի մոտ ալերգիաների առաջացման հավանականությունն արդեն հասնում է 80%-ի:

Խուսափել խթանիչներից

Բացի հակվածությունից, այս հիվանդությունը կարող է նաև պայմանավորված լինել մի շարք այլ պատճառներով: Դրանցից են.

·         Անոմալ հղիությունն ու ծննդաբերությունը. երեխայի մոտ ալերգիկ ռեակցիաների պատճառ կարող է դառնալ հիության ընթացքում ոչ ճիշտ դիետան, ներարգանդային զարգացման ընթացքում երեխայի մոտ առաջացած թթվածնային քաղցը, վաղաժամ ծննդաբերությունը, կեսարյան հատումը: Գինեկոլոգների հավաստմամբ՝ որքան առողջ ու հանգիստ է մայրը, այնքան առողջ կլինի երեխան:

·         Ֆերմենտոպաթիան. սա սեփական մարսողական ֆերմենտների ժամանակավոր կամ բնածին պակասն է: Ժամանակավորը կարող է պայմանավորված լինել նորածնի մոտ ֆերմենտների ուշ զարգացմամբ, իսկ բնածինը կուղեկցի մարդուն ողջ կյանքի ընթացքում:

·         Մոր սխալ սնվելը երեխային կերակրելիս. եթե երեխայի մոտ նկատվում է ալերգայի հակվածություն, ապա մայրը փոքրիկին կրծքով կերակրելու ընթացքում պետք է շատ ուշադիր լինի իր սննդի հանդեպ:

·         Թույլ իմունային համակարգը. սա այն արտաքին գործոններից է, որոնք կարող են նպաստել երեխայի մոտ դերմատիտի առաջացմանը: Եթե երեխայի իմունիտետն ի սկզբանե բավական բարձր է եղել, ապա այդ թուլացումը կարող է պայմանավորված լինել վերին շնչառական ուղիների հաճախակի վարակներով, ծնողների ապրելակերպով (մասնավորապես՝ ծխախոտի չարաշահմամբ), ֆիզիկական ակտիվության պակասով, վատ էկոլոգիայով, քրոնիկ հիվանդություններով:

·         Երեխային կրծքով չկերակրելը. երեխաների մոտ ալերգիաների առաջացման ամենատարածված պատճառը կովի կաթում պարունակվող սպիտակուցն է: Ընդ որում՝ որքան փոքր է երեխան, այնքան մեծ է այդ սպիտակուցը չընդունելու հավանականությունը, ուստի երեխային կրծքով կերակրելն անչափ կարևոր է:

·         Աղիների միկրոֆլորայի խանգարումները. երեխաների ստամոքսը նման խնդիրների հետևանով «ընտրողաբար» է մոտենում սննդին և սննդամթերքի որոշ տեսակներ պարզապես չի ընդունում:

Ինչպես կանխել ալերգիայի զարգացումը

Գոյություն ունի սննդամթերքի 5 տեսակ, որոնք մայրիկները պետք է բացառեն իրենց սննդակարգից երեխային կրծքով կերակրելու ընթացքում: Դրանք են.

·         լոլիկները,

·         ցիտրուսային մրգերը

·         շակոլադը,

·         ձուկը,

·         հատապտուղները:

Նյութի աղբյուրը՝ Aif.ru