Կարելի է արդյոք սեքսով զբաղվել կաթնասնկախտի (կանդիդոզ) դեպքում

Կանդիդոզը  սնկային հիվանդություն է, որ հանդիպում է և մարդկանց և կենդանիների մոտ: Հեշտոցային կանդիդոզի  դեպքում  կնոջ մոտ առաջանում է այրոց, քոր  ու դիսկոմֆորտի զգացողություն:

Zdorovie.com կայքը ներկայացրել է  5 գործոն, որոնք կպարզաբանեն այդ խնդիրը:

1. Սեքսը կարող է ցավոտ լինել

Մասնագետները նշում են, որ կաթնասնկախտը  կարող է  առաջացնել  հեշտոցային  հյուսվածքների բորբոքում, գրգռվածություն ու քոր: Քանի որ այդ հատվածը աչքի է ընկնում իր  բարձր զգայնությությամբ , ուստի  սեքսը կարող ավելի  է ուժեղացնել տհաճ  ախտանշանները:

Հարկավոր է  հաշվի առնել նաև ևս մեկ փաստ.  կաթնասնկախտը խախտում է հեշտոցի քսուքի  բնական  արտազատման մակարդակը:

2. Կաթնասնկախտը   վարակիչ է

Չնայած կաթնասնկախտը   չի մտնում սեռական ճանապարհով փոխանցվող հիվանդությունների  կազմի մեջ , այնուամենայնիվ այն կարող է սեքսի ժամանակ փոխանցվել զուգընկերջը: Վիճակագրության համաձայն,  կաթնասնկախտով տառապող կանաց հետ ազատ սեքսից հետո տղամարդկանց 15%-ի սեռական օրգանի վրա հայտնվում է  ցան, որը առաջացնում է քոր:

Կաթնասնկախտի հաճախակի հայտնվելու դեպքում խորհուրդ է տրվում զուգընկերոջ հետ միասին դիմել բժշկի:

3. Կաթնասնկախտը կարող է երկարաձգվել

Քանի որ հեշտոցային հյուսվածքները  գտնվում են բորբոքված վճակում, ապա սեքսը կարող է  հյուսվածքների հավելյալ գրգռման հետևանքով դանդաղեցնել վերականգման ժամանակահատվածը:  Մասնագետները նշում են, որ գոյություն ունեն նաև կաթնասնկախտի դեմ պայքարող քսուքներ, որոնք կարող են սեքսի ժամանակ մաքրվել, ավելին նման որոշ քսուքներն անգամ օժտված են  պահպանակները քայքայող հատկություններով:

Այդ պատճառով, ցանկալի է քսուքների կամ հաբերի օգտագործման շրջանում, որոշ ժամանակով   հրաժարվել սեքսից: Այդ միջոցները կարող են բուժել ինֆեկցիան 72 ժամվա ընթացքում:

4. Բարձրանում է սեռական ճանապարհով փոխանցվող հիվանդությունների ռիսկը

Չբուժված կաթնասնկախտը  բարձրացնում է  մի շարք ինֆեկցիաների, այդ թվում նաև սեռական ճանապարհով փոխանցվող ինֆեկցիաների  առաջացման ռիսկը: Սեքսի ժամանակ  հեշտոցային հյուսվածքների գրգռված  մակերեսի վրա կարող են առաջանալ միկրոսկոպիկ ճաքեր, որոնց միջոցով բակտերիաներն ու վիրուսները շատ հեշտ կարող են  թափանցել օրգանիզմ:

5. Կաթնասնկախտը կարող է  նաև  լինել  սեռական ճանապարհով փոխանցվող թաքնված վարկ

Կաթնասնկախտի  որոշ ախտանշաններ (քորը, այրոցն ու հեշտոցի արտադրությունը) կարող են լինել սեռական ճանապարհով փոխանցվող հիվանդությունների ախտանշան: Մասնագետները նշում են, որ նման դեպքերում հակասնկային դեղամիջոցներով ինքնաբուժումը կարող է քողարկել հիվանդության առաջացման հիմնական պատճառը: Այդ պատճառով, ամեն դեպքում, հարկավոր է  խորհրդակցել բժշկի հետ:

Կաթնասնկախտը հանդիսանում է հեշտոցային  ինֆեկցիայի առաջացման հնարավոր պատճառներից ընդամենը մեկը, ուստի չարժե զբաղվել կաթնասնկախտի  ինքնաբուժությամբ, քանի որ հիվանդությունը կարող է ունենալ այլ բնույթ: